Lafz ba Lafz- Poetry game

Arts & Culture Poetry ( Intikhaab & Sho'ra-e-Gupshup)
241

Re: Lafz ba Lafz- Poetry game

aamad-e-Khat se huaa hai sard jo baazaar-e-dost
duud-e-shamm'a-e-kushta thaa shaayad Khat-e-ruKhsaar-e-dost

ruKhsaar

242

Re: Lafz ba Lafz- Poetry game

tu ne dekha hai kabhi chaand pe behta hua paani?
mein ne dekha hai yeh manzar us ke rukhsaar pe aksar

manzar

243

Re: Lafz ba Lafz- Poetry game

Jaisa mood ho waisa manzar hota hai
mosam to insaan ke ander hota hai

insaan

244

Re: Lafz ba Lafz- Poetry game

Farishtoun se behtar hai insaan bannaa
magar iss mein lagti hai mehnat ziayada

mehnat

245

Re: Lafz ba Lafz- Poetry game

Badi **Mehnat**** Se Meri Duniya Lutayi Hogi
Meri Mohabbat Ki Hasti Bhi Mitayi Hogi
La Tere Pairo Me Marham Laga Du me
Mere Dil ko Thokar Maarne Me Chot To Aayi Hogi

Lutayi**

246

Re: Lafz ba Lafz- Poetry game

vo luTaa Khayaal kaa kaaravaaN, huye ashk Thehre huye ravaaN
huii sub'Ho, bazm-e-falak luTii, yeh charaaGh ham bhii bujhaa chuke!

a she'r by: my Dad!

ravaaN

247

Re: Lafz ba Lafz- Poetry game

Ik Khalish Ko Hasil-E-Umr-E-Ravan Rahane Diya

Jan Kar Ham Ne Unhen Nameharaban Rahane Diya

Na-Mehrbaan

248

Re: Lafz ba Lafz- Poetry game

Hum us pe khwaab ki soorat utarney waale hain
Sajaye aankh mein woh, kahkashaaN hamare liye
Udaas ho chuke lamhon mein rang bharti hui,
Hawaa-e-shaam hai na-mehrbaan hamare liye

kahkashaan

249

Re: Lafz ba Lafz- Poetry game

Yeh jo raige dasht e faraq hay
Yeh rakey agar tou nishan miley
Keh jo faaslon ki saleeb hey, yeh gaRi hooi hay kahan kahan
Mere aasman say kidher gaee tere iltifaat ki kehkashan

(per ye nazm hai)

so:

Inhi patthron pe chal kar agar aa sako to aao,
Mere ghar ke raaste mein koi kehkashan nahin hai

Ghar

250

Re: Lafz ba Lafz- Poetry game

Aaj kamrey mein nahin baithney wala mausam,
barf khirki se nahin, ghar se nikal kar dekho.

khirki

251

Re: Lafz ba Lafz- Poetry game

so gaye log us haweli k
ek khirki magar khuli hai abhi

tum to yaro abhi se uth baithe
shahar main rat jagti hai abhi

Haweli

252

Re: Lafz ba Lafz- Poetry game

Ajab haalaat thay, yun dil ka sauda ho gaya akhir,
Mohabbat ki haweli jis tarah neelam ho jaye.

sauda

253

Re: Lafz ba Lafz- Poetry game

dil ishq main be-payan sauda ho to aisa ho
darya ho to aisa ho, sehra ho to aisa ho

sehra

254

Re: Lafz ba Lafz- Poetry game

Sehra ko nikal jaein to dil bhi zara phailey
Sheharon mein to hangaama-e-tanhai buhat hai

hangaama

255

Re: Lafz ba Lafz- Poetry game

Jab Ke Tujh Bin Nahin Koi Maujood,
Phir Yeh Hangama Aye Khuda Kia Hai..

Maujood

256

Re: Lafz ba Lafz- Poetry game

Hai wohi teray zamany ka imam-e-barhaq..
Jo tujhy hazir-o-maujood se bezaar karay..

Bezaar

257

Re: Lafz ba Lafz- Poetry game

Bezaar ho gayi ho bhut zindagi se tum
jab bas mein kuch bhi nahin tou bezaar hi raho

zindagi

258

Re: Lafz ba Lafz- Poetry game

zindagi kay naam leva maut say dartay nahi
haadson ka khauf lay kar ghar say mat nikla karo

haadsa

259

Re: Lafz ba Lafz- Poetry game

***Khatm Apni Chaahato'N Ka Silsilaa Kaise Hua,
Tu Tou Mujh Mein Jazb Thaa, Mujh se Judaa Kaise Hua....
Chubh Gai Seeney Mein Tooti Khwahisho'N Ki Kirchiya'N
Kya Likhoo'N ?? Dil Tootne Ka Haadsa Kaise Hua.....

kirchiyan***

260

Re: Lafz ba Lafz- Poetry game

Mila to or bhi taqseem kr gya mujh ko,
Samaitna thi jisay meri kirchiyan Mohsin,

Meem/noon