Re: Kuch Nazmain, Meri Diary Se..
sambhal k rakhain!!!!!!!!!!!!!!!!! :)
ha sanbhal k rakhlain
warna yaha pay cheen laitay hain log
Re: Kuch Nazmain, Meri Diary Se..
Amjad Islam Amjad Ki Aik Buhat Piyari Si Nazm,
Khushboo Ki Poshak Pehen Ker
Kon Gali Main Aya Hai
Kesa Yeh Pegham-Rasaan Hai
Kia Kia Khabrain Laya Hai
Khirki Khol Ke Bahar Dekho
Mausam Meray Dil Ki Batain
Tum Se Kehnay Aya Hai..
Umeed Hai Aap Logon Ko Bhi Pasand Aye Gi..
Regards,
Re: Kuch Nazmain, Meri Diary Se..
Perveen Shakir Ki Aik Nazm,
Itnay Achhay Mausam Main
Roothna Nahi Acha
Haar Jeet Ki Batain
Kal Pe Hum Utha Rakhain
Aaj Dosti Ker Lain..
Umeed Hai Aap Logon Ko Bhi Pasand Aye Gi..
Regards,
Re: Kuch Nazmain, Meri Diary Se..
Yeh Nazm To Baarha Parhi Hogi Aap Logo Ne,
Mohabbat Ki Tabiyat Main
Ye Kaisa Bachpana Qudarat Ne Rakha Hai
K Jitni Purani Jitni Bhi Mazbut Ho Jaye
Ise Taid-E-Taza Ki Zarurat Phir Bhi Rahti Hai
Yaqin Ki Akhiri Had Tak Dilon Main Lahlahati Ho
Nigahon Se Tapakti Ho Lahu Main Jagmagati Ho
Hazaron Tarah Se Dilkash Hasin Hale Banati Ho
Use Izhar K Lafzon Ki Hajat Phir Bhi Rahti Hai
Mohabbat Mangati Hai Yun Gavahi Apane Hone Ki
K Jaise Tifl-E-Sada Sham Ko Ik Bij Boye
Aur Shab Main Baura Uthe
Zamin Ko Khod Kar Dekhe
K Paudha Ab Kahan Tak Hai
Mohabbat Ki Tabiyat Main Ajab Takrar Ki Khu Hai
K Ye Iqrar K Lafzon Ko Sunane Se Nahi Thakati
Bicharne Ki Ghari Ho Ya Koi Milane Ki Sa'at Ho
Ise Bas Ek Hi Dhun Hai
Kaho Mujh Se Mohabbat Hai
Kaho Mujh Se Mohabbat Hai
Kuch Aisi Besakuni Hai Vafa Ki Sarzaminon Main
K Jo Ahal-E-Mohabbat Ko Sada Bechain Rakhti Hai
K Jaise Phul Main Khsuhbu K Jaise Hath Main Tara
K Jaise Sham Ka Tara
Mohabbat Karne Valon Ki Sahar Raton Main Rahti Hai
Gumanam K Shakhchon Main Ashiyan Banata Hai Ulfat Ka
Ye Ain Visal Main Bhi Hijr K Khadshon Main Rahti Hai
Mohabbat K Musafir Zindagi Jab Kat Chukte Hain
Thakan Ki Karachiyan Chunte Vafa Ki Ajarakn Pahne
Samay Ki Rahguzar Ki Akhiri Sarhad Pe Rukte Hain
To Koi Dubati Sanson Ki Dori Tham Kr
Dhire Se Kahta Hai
K Ye Sach Hai Na
Hamari Zindagi Ik Dusare K Nam Likhi Thi
Dhundhalaka Sa Jo Ankhon K Qarib-O-Dur Phaila Hai
Isi Ka Nam Chahat Hai
Tumhen Mujh Se Mohabbat Thi
Tumhen Mujh Se Mohabbat Hai
Mohabbat Ki Tabiyat Main
Ye Kaisa Bachpana Qudarat Ne Rakkha Hai
Umeed Hai Pasand Aye Gi..
Regards,
Re: Kuch Nazmain, Meri Diary Se..
Aik Nazm,
Buhat Hairan Hota Hoon
Kisi Se Jab Yeh Suntan Hoon
Ke Tu Raaton Ko Tanha Dair Tak Taron Ki Chha-On Main
Abb Aksar Apne Ghar Ki Chat Pe Betha Khuaab Bunta Hai
Main Aksar Sochta Hoon Tu Milay To Tujh Se Yeh Poochon
Andheron Se Tumhari Dosti Kese Hui Hamdam
Tumhain To Shaam Ki Parchha-Eon Se Khauf Ata Tha..
Umeed Hai Aap Logon Ko Bhi Pasand Aye Gi..
Regards,
Re: Kuch Nazmain, Meri Diary Se..
Aik Nazm,
Her Mausam Main Sheher Ko Teray
Khushi Ka Aik Jazeera Samjha
Teray Bin Sawan Ko Sookha
Chandni Raat Ko Teera Samjha
Shayad Nazron Ka Dhoka Tha
Main Sheeshay Ko Heera Samjha
Umeed Hai Aap Logon Ko Bhi Pasand Aye Gi..
Regards,
Re: Kuch Nazmain, Meri Diary Se..
Aik Khoobsurat Nazm,
Meray Janay Pay Aay Janan!
Peraishan Tum Nahin Hona
Kabhi Chup Ker Nahin Rona
Judai Zeher Hoti Hai
Mujhay Maloom Hai Lakin
Firaq-O-Hijer Ka Mosam
Yaqeenan Beet Jay Ga
Yaqeenan Wasl Kay Lamhay
Dobara Laut Aain Gay
Wohi Shamain Wohi Raatain
Wohi Qissay, Wohi Batain
Wohi Phir Dastaan Ho Gi
Muhabbat Meherbaan Ho Gi
I Hope Ke Ap Logon Ko Yeh Nazm To Pasand Aa Hee Jaye..
Regards,
Re: Kuch Nazmain, Meri Diary Se..
beautiful collection
many thanks for sharing
Re: Kuch Nazmain, Meri Diary Se..
Thanks alot Isra for appreciation :)
Re: Kuch Nazmain, Meri Diary Se..
Faiz Ahmed Faiz Ki Aik Buhat Khoobsurat Nazm,
Meray Qaatil Meray Dildaar Meray Paas Raho
Jis Ghari Raat Chalay
Aasmaanon Ka Lahuu Pee Ker Siaah Raat Chalay
Merham-E-Mushk Leay Nishter-E-Almaas Chalay
Bain Kerti Hui Hansti Hui Gaati Niklay
Dard Ka Kaasni Pazaib Bajati Niklay
Jis Ghari Seenon Main Doobtay Huay Dil
Aasteenon Main Nihaan Haathon Ki Raah Taknay Niklay
Aas Leay
Aur Bachon Ke Bilaknay Ki Tarah Qulqul-E-May
Behr-E-Na-Aasoodgi Niklay To Manaye Na Manay
Jab Koi Baat Banaye Na Banay
Jab Na Koi Baat Chalay
Jis Ghari Raat Chalay
Jis Ghari Maatami Sunsaan Siaah Raat Chalay
Paas Raho
Meray Qaatil Meray Dildaar Meray Paas Raho
Umeed Hai Aap Logon Ko Pasand Aye Gi,
Regards,
Re: Kuch Nazmain, Meri Diary Se..
Dukh Boltay Hain..
Jab Seenay Andar Sans Kay Darya Doltay Hain
Jab Mosam Sard Hawa Main Chup Si Gholtay Hain
Jab Ansoo Palkain Roltay Hain
Jab Sab Awazain Apnay Apnay Bister Per So Jati Hain
Tab Ahista Ahista Ankhain Kholtay Hain
Dukh Boltay Hain..!!
Hopes Ke Pasand Aye..
Regards,
Re: Kuch Nazmain, Meri Diary Se..
Muhabbat Hamsafer Meri..
Khathhin Hai Zindagee Kitnee
Safer Dushwar Kitnaa Hai
Khabhi Parwaan Nahi Chartay
Khabhi Rastaa Nahi Miltaa
Humaraa Sath Day Paa-Ay
Koi Assa Nahi Miltaa
Faqat Aisay Guzarun Tu
Yah Rooz-O-Shabb Nahi Kat-Tay
Yah Kat-Tay Thay Kabhi Pehlay
Mager Haan Abb Nahi Kut-Tay
Mujay Phir Bhi Meray Maalik
Koi Shikwaa Nahi Tum Say
Main Jaan Per Khail Sekta Hoon
Main Her Dukh Jhail Sekta Hoon
Agar Tu Ajj Hee Ker Day
Muhhbat Hamsafer Meri
Muhbat Hamsafer Meri
Umeed Hai Pasand Aye Gi..
Regards,
Re: Kuch Nazmain, Meri Diary Se..
Aik Nazm,
Kis Ko Ilzaam dain
Apni Ruswaai Ka
Kis Se Jaa Kar Kahain
Karb Tanhaai Ka
Pyaar K Khel Main
Wasl Ki Subah Se
Hijar Ki Shaam Tak
Jo Tamaasha Howa
Us Men Shaamil Thay Hum
Aap Maqtool Thay
Aap Qaatil Thay Hum
Umeed Hai Pasand Aye Gi..
Regards,
Re: Kuch Nazmain, Meri Diary Se..
A Poem By Amjad Islam Amjad..
Mohabbat Aisa Naghma Hai
Zara Bhi Jhol Ho Lay Main
To Surr Qayam Nahi Hota
Muhabbat Aisa Shola Hai
Hawa Jesi Bhi Chalti Ho
Kabhi Madham Nahi Hota
Mohabbat Aisa Rishta Hai
Ke Jis Main Bandhnay Walo Ke
Dilon Main Gham Nahi Hota
Mohabbat Aisa Pauda Hai
Jo Tabb Bhi Sabz Rehta Hai
Ke Jab Mausam Nahi Hota
Mohabbat Aisa Rasta Hai
Agar Pairon Main Larzish Ho
To Ye Mehram Nahi Hota
Mohabbat Aisa Darya Hai
Ke Baarish Rooth Bhi Jaye
To Paani Kamm Nahi Hota
Yakeen Hai Zarur Pasand Aye Gi :)
Regards,
Re: Kuch Nazmain, Meri Diary Se..
Aik Chhoti Si Nazm,
Uss Nagri Ko Jaye Kon
Rotha Yaar Manye Kon
Uss Say Kehna Bin Tere
Gajroon Ko Mahkaye Kon
Dukh Ko Payal Dali Hay
Dard Say Behtar Gaye Kon
Umeed Hai Pasand Aye Gi..
Regards,
Re: Kuch Nazmain, Meri Diary Se..
Aik Buhat Khoobsurat Nazm,
Wo Bhi Kya Log They Aasaan Thi Raahein Jin Ki
Band Aankhein Kiye Ik Simt Chaley Jaatey They
Aql-O-Dil Khaab-O-Haqeeqat Ki Na Uljhan Na Khalish
Mukhtalif Jalvey Nigaahon Ko Na Behlaatey They
Ishq Saadaa Bhi Thaa, Bekhud Bhi, Junoon-Pesha Bhi
Husn Ko Apni Adaaon Pey Hijaab Aataa Thaa
Phool Khiltey They To Phoolon Mein Nashaa Hotaa Thaa
Raat Dhalti Thi To Sheeshon Pey Shabaab Aata Thaa
Chaandni Kaif-Asar Ruh-Afaza Hoti Thi
Abr Aataa Thaa To Badmast Bhi Ho Jaatey They
Din Mein Shorish Bhi Huwa Karti Thi, Hangaamey Bhi
Raat Ki God Mein Moon Dhaanp Key So Jaatey They
Narm-Ro Waqt Key Dhaarey Pey Safeeney They Ravaan
Saahil-O-Behr Key Aaeen Na Badaltey They Kabhi
Naakhudaaon Pey Bharosa Tha Muqaddar Pey Yaqeen
Chaadar-E-Aab Sey Toofaan Na Ubaltey They Kabhi
Ham Key Toofaanon Key Paaley Bhi Sataaye Bhi Hein
Barq-O-Baaraan Mein Wohi Shm'mein Jalaayen Kesey
Ye Jo Aatish-Kadaa Dunyaa Mein Bharrak Utthaa Hey
Aansu'on Sey Usey Har Baar Bujhaayen Kesey
Kar Diyaa Barq-O-Bukhaaraat Ney Mehshar Barpaa
Apney Daftar Mein Litaafat Key Sivaa Kuch Bhi Nahin
Ghir Gaye Waqt Ki Be-Reham Kashmaakash Mein Magar
Paas Tehzeeb Ki Daulat Key Sivaa Kuch Bhi Nahin
Ye Andheraa Ye Talaatum Ye Havaaon Kaa Kharosh
Is Mein Taaron Ki Subuk Narm Ziyaa Kyaa Karti
Talkhi-E-Zeest Sey Karrwa Huwa Aashiq Kaa Mizaaj
Nigaah-E-Yaar Ki Maasoom Adaa Kya Karti
Safar Aasaan Thaa To Manzil Bhi Barri Roshan Thi
Aaj Kis Darja Purasraar Hein Raahen Apni
Kitni Parchaa'iyaan Aati Hein Tajalli Ban Kar
Kitney Jalvon Sey Ulajhti Hein Nigaahen Apni
Umeed Hai Koi Iss Nazm Ko Yahan Bhi Pah Le Ga..
Regards,
Re: Kuch Nazmain, Meri Diary Se..
just feelin revivin it. .:(
Bohat umda nazm hai Ahmer 