Kuch Nazmain, Meri Diary Se..

Arts & Culture Poetry ( Intikhaab & Sho'ra-e-Gupshup)
21

Re: Kuch Nazmain, Meri Diary Se..

Ibn-e-Insha Ki Aik Nazm, Jo Mujhe Bay-Hudd Pasand Hai..

Aik Chhota Sa Larka Tha Main Jin Dinon
Aik Melay Main Pohncha Humakta Hua
Ji Machalta Tha Aik Aik Shay Par Magar
Jaib Khali Thee Kuch Moal Lay Na Saka
Laut Aya Leay Hasratain Saink-ron
Aik Chhota Sa Larka Tha Main Jin Dinon

Khair Mehroomion Kay Wo Din To Gaye
Aaj Mela Laga Hai Isi Shan Say
Aaj Chahoon To Aik Ek Dukaan Mol Loon
Aaj Chahoon To Sara Jahan Mol Loon
Naar-sai Ka Ab Ji Main Dharka Kahan
Par Wo Chhota Sa, Alhar Sa Larka Kahan?

Umeed Hai Aap Logon Ko Bhi pasand Aye Gi..

Regards,

22

Re: Kuch Nazmain, Meri Diary Se..

bohat hee pyari nazm hai aaap ke chioce waqai main achi hai

23

Re: Kuch Nazmain, Meri Diary Se..

Mujhe Poet Ka Tou Nahi Maloom, Magar Yeh Nazm Jab Bhi Parhi Meri Rooh Khinchti Si Mehsuur Hui Mujhe..

Mery Hamsafar
Mery Jism-O-Jaan Ky Har Aek Rishty Sy Mau’tabar
Mery Hamsafar
Tujhy Yaad Hein, Tujhy Yaad Hein
Wo Jo Qurbaton Ky Suroor Mein
Teri Aarzoo Ky Hisaar Mein
Meri Khaahishon Ky Wafoor Mein
Kai Zaaiqy They Ghuly Huwy
Dar-E-Gulsitaan Sy Bahaar Tak
Wo Jo Raasty They Khuly Huway
Sar-E-Loh-E-Jaan
Kisi Ajnabi Si Zubaan Ky
Wo Jo Khushnumaan Sy Haroof They
Wo Jo Sarkashi Ka Ghubaar Tha Cha-har Su
Jahan Aek Doo-Jy Ky Rubaroo
Hamen Apni Roo’hon Mein Phaelti
Kisi Naghmaggi Ki Khabbar Mili
Kisi Roshni Ki Nazar Mili
Hamen Roshni Ki Nazar Mili
To Jo Reza Reza Sey Aks They
Wo Behm Huwy
Wo Behm Huwy To Pata Chala
Ky Jo Aag Si Hy Sharar-Fishaan Meri Khaak Mein
Usi Aag Ka Koi Anbujha Sa Nishaan Hy Teri Khaak Mein
Isi Khaak-Daan Mein Wo Khaab Hy Jissy Shakl Deny Ky Waasty
Ye Jo Shash’johaat Ka Khel Hy, Ye Ravaan Huwa
Isi Roshni Sy Makaan Banna, Isi Roshni Sy Zamaan Huwa
Ye Jo Her Gumaan Ka Yaqeen Hy
Wo Jo Her Yaqeen Ka Gumaan Tha
Isi Daastaan Ka Bayaan Tha

Mery Hamsafar
Kisi Dhiaan Ky Kisi Taaq Per Hy Dhara Huwa
Wo Jo Aek Rishta-E-Dard Tha
Mery Naam Ka Tery Naam Sy
Teri Subh Ka Meri Shaam Sy
Sar-E-Rahguzzar Hy Parra Huwa Wohi Khaab-E-Jaan
Jisay Apni Aankhoon Sy Dekh Leny Ky Waasty
Kai Laakh Taaroon Ki Seerriyoon Sy Uttar Ky Aati Thi Kehkashaan
Sar-E-Aasmaan
Kisi Abbr Paaray Ki Ott Sy
Usay Chaand Takta Tha Raat Bhar

Mery Hamsafar
Usi Rakht-E-Gham Ko Sammet’ty
Usi Khaab-E-Jaan Ko Sanbhaalty
Mery Raasty Kai Raaston Mein Ulajh Gaye
Wo Chiraagh Jo Mery Saath Saath They, Bujh Gaye
Wo Jo Manzilen
Kisi Aur Manzil-E-Benishaan Ky Ghubaar-E-Rah Mein Kho Gayen
Kai Was’wason Ky Fishaar Mein Shab-E-Intazaar Si Ho Gayen
Wo Tanaab-E-Dil Jo Ukharr Gaye
Wo Khyaam-E-Jaan Jo Ujjar Gaye
Wo Safeer They Usi Daastaan-E-Hayaat Ky
Jo Warq Warq Thi Bharri Hui
Mere Shoq Se Tery Roop Sy
Kahin Chaaon Sy Kahin Dhoop Sy
Mery Hamsafar Tujhy Kiya Khabbar
Ye Jo Waqt Hy Kisi Dhoop Chaon Ky Kheil Sa
Isey Dekhty, Isey Jheilty
Meri Aankh Gard Sy Att Gai
Mery Khaab Rait Mein Kho Gaye
Mery Haath Barf Se Ho Gaye

Mery Hamsafar
Mery Bekhabar Tery Naam Per
Wo Jo Phool Khilty They Hontt Per
Wo Jo Deep Jalty They Baam Per
Wo Nahi Rahy
Wo Nahi Rahy Ky Jo Aek Rabt Tha Darmiyaan
Wo Bikhar Gaya
Kisi Shaam Aesi Hawa Chali
Ky Jo Barg They Sar-E-Shaakh-E-Jaan
Wo Gir Gaye
Wo Jo Harf Darj They Reat Per
Wo Urr Gaye
Wo Jo Raastoon Ky Yaqeen They
Wo Jo Manziloon Ky Ameen They
Wo Nishaan-E-Paa Bi Mit Gaye

Mery Hamsafar
Hy Wohi Safar
Maggar Aek Morr Ky Fark Sy
Tery Haath Sy Mery Haath Tak
Wo Jo Haath Bhar Ka Tha Faasla
Kai Mausamoon Mein Badal Gaya
Usay Naapty, Usay Kaat’ty
Mera Saara Waqt Nikal Gaya
Tu Mery Safar Ka Shareek Hy
Mein Tery Safar Ka Shareek Hoon
Per Jo Darmiyaan Sy Nikal Gaya
Usi Faasly Ky Shumaar Mein
Usi Be-Yakeen Sy Ghubaar Mein
Usi Rahguzar Ky Hissaar Mein
Tera Raasta Koi Aur Hy
Mera Raasta Koi Aur Hy

Umeed Hai Aap Logon Ko Bhi Pasand Aye Gi..

Regards,

24

Re: Kuch Nazmain, Meri Diary Se..

^^ jee..koi baat hae isme ke isko jinni baar pariye, aur bhi acha lagta hae. my mostttttt fave number. :)
who else but AMJAD ISLAM AMJAD!

25

Re: Kuch Nazmain, Meri Diary Se..

One From Ahmed Nadeem Qasmi,

Rait Se But Na Banaa Ai Mere Achay Fankaar
Ek Lamhe Ko Thahar, Main Tujhe Patthar Laa Duun
Main Tere Saamane Ambaar Lagaa Duun Lekin
Kaun Se Rang Kaa Patthar Tere Kaam Aayegaa
Surkh Patthar Jise Dil Kahatii Hai Bedil Duniyaa
Yaa Vo Patthraa’ii Hu’ii Aankh Kaa Niilaa Patthar
Jis Men Sadiiyon Ke Tahayyur Ke Pare Hon Dore

Kyaa Tujhe Ruuh Ke Patthar Kii Zaruurat Hogii
Jis Pe Haq Baat Bhii Patthar Kii Tarah Girtii Hai
Ik Vo Patthar Hai Jise Kahte Hain Tahziib-E-Safed
Us Ke Mar-Mar Men Siyah Khuun Jhalak Jaataa Hai
Ik Insaaf Kaa Patthar Bhii To Hotaa Hai Magar
Haath Men Teshaa-E-Zar Ho To Vo Haath Aataa Hai

Jitne Mayyaar Hain Is Daur Ke Sab Patthar Hain
Sher Bhii Raqs Bhii Tasviir-O-Ghinaa Bhii Patthar
Mere Ilhaam Teraa Zahn-E-Rasaa Bhii Patthar
Is Zamaane Men Har Fan Kaa Nishaan Patthar Hai
Haath Patthar Hain Tere Merii Zubaan Patthar Hai
Rait Se But Na Banaa Ai Mere Achay Fankaar

Umeed Hai Aap Logon Ko Pasand Aye Gi..

Regards,

PS: JJW Thnx Alot For Appreciation..

26

Re: Kuch Nazmain, Meri Diary Se..

Another One..

Tujhe Izhaar-E-Muhabbat Se Agar Nafrat Hai
Tuu Ne Honton Ko Larazne Se To Rokaa Hotaa

Be-Niyaazii Se, Magar Kaanptii Aavaaz Ke Saath
Tuu Ne Ghabraa Ke Miraa Naam Na Puuchaa Hotaa

Tere Bas Men Thii Agar Mash’al-E-Jazbaat Kii Lau
Tere Rukhsaar Men Gulzaar Na Bharkaa Hotaa

Yun To Mujh Se Huii Sirf Aab-O-Havaa Ki Baaten
Apne Toote Hue Fiqron Ko To Parkhaa Hotaa

Yuunhii Be-Waj’h Thithakney Ki Zaruurat Kyaa Thii
Dam-E-Rukhsat Main Agar Yaad Na Aayaa Hotaa

Teraa Ghammaz Banaa Khud Tiraa Andaaz-E-Khiraam
Dil Na Sambhlaa, To Qadmon Ko Sambhaala Hota

Apne Badle Miree Tasviir Nazar Aa Jaati
Tuu Ne Us Vaqt Agar Aaiinaa Dekhaa Hotaa

Hoaslaa Tujh Ko Na Thaa Mujh Se Judaa Hone Kaa
Varnaa Kaajal Tiree Aankhon Men Na Phailaa Hotaa

I Hope Ke Aap Logon Ko Pasand Aye Gi..

Regards,

27

Re: Kuch Nazmain, Meri Diary Se..

Aik Nazm Jo Mujhe Bay-Inteha Pasand Hai..

Na Shikaayatain Na Gilaa Kare
Koi Aisa Shakhs Huaa Kare
Jo Mere Liye Hii Sajaa Kare
Mujh Hii Se Baatein Kiyaa Kare

Kabhii Roye Jaaye Vo Be-Panaah
Kabhii Betahaashaa Udaas Ho
Kabhii Chupke Chupke Dabay-Qadam
Mere Peechay Aa Kar Hansaa Kare

Merii Qurbatein Merii Chaahatein
Koi Yaad Rakhay Qadam Qadam
Main Taviil Safar Mei Huun Agar
Merii Vaapasii Kii Duaa Kare

Umeed Hai Aap Logon Ko Bhi Pasand Aye Gi..

Regards,

28

Re: Kuch Nazmain, Meri Diary Se..

Amjad Islam Amjad Ki Nazm, Meri Ammi Ke Naam..

Main Jidher Gia Main Jahan Raha
Maray Saath Thaa
Wouhi Aik Saya-E-Mahrbaan
Wou Jou Aik Parda-E-Abr Thaa Sar-E-Asmaan
Pas-E-Her-Gumaan
Wou Jou Aik Harf-E-Yaqeen Thaa
Maray Her Safar Kaa Ameen Thaa
Wou Jou Aik Baagh-E-Irum-Numa
Sabhi Mosamon Main Hara Raha
Wo Ujarr Gia
Wo Jou Aik Duaa Kaa Charaagh Saa Maray Raaston
Main Jalaa Raha
Wo Bikhar Gia
Maray Ghum Ko Jurr Say Ukhaarta
Wo Jo Aik Lams-E-Aziz Thaa
Kisi Kapkapaatay Say Haath Ka Wo Nahi Raha
Wo Jo Aankh Rahti Thi Jagti Maray Naam Per
Wo So Gaee!
Wo Jo Ek Duaa-E-Sakoon Thi Maray Rakht Main Wohi Kho Gaee
Ay Khudaa-Ey-Wahda-O-Lum-Yaazil
Taray Aik Harf Ke Say-D Hain
Yay Zamaan Makaan!
Teray Faislon Ke Hazoor Main
Naa Majal Hay Kisi Uzr Ki, Na Kisi Ko Taab-E-Sawal Hay
Yeh Jo Zindagi Ki Mataah Hay
Teri Dain Hay, Tera Maal Hay
Mujhay Hay To Itna Malaal Hay!
Ke Jab Iski Saa-At-E-Aakhri Sar-E-Raah Thi
Main Wahaan Na Thaa!
Maray Raston Say Nikal Gai Wo Jo Aik Ja-E-Panaah Thi
Main Wahaa Naa Tha!
Sar-E-Shaam Ghum Mujhay Dhoondhti Mari Maan Ki Bujhti Nigaah Thi
Main Waha Naa Thaa!
Maray Chaar Soo Hay Dhuwaan Dhuwaan
Maray Khuwab Say Meri Aankh Tak
Yeh Jo Sail-E-Ashk Hay Darmian
Usi Sail-E-Ashk Ke Paar Hay
Kaheen Mari Maan!
Teray Rehm Ki Nahi Hud Koi
Teray Afuu Ki Nahi Intehaa
Ke Tu Maa Say Burh Ke Shafeek Hay
Wo Rafeeq Hay
Ke Jo Saath Ho To Yeh Zindagi Ki Musaftain
Yeh Azi-Atain, Yeh Rukawatain
Faqat Ek Nigaah Ki Maar Hain
Yeh Jo Khaar Hain
Teray Dast-E-Moj-Zaa-Saaz Hain
Gul-E-Khush Jamal-E-Bahar Hain
Meri Iltejaa Hay To Bas Yehi
Meri Zindagi Ka Jo Waqt Hay, Katay Uski Ujli Dua-On Main
Teray Derguzar Ke Huzoor Main
Teri Barkton Ke Hisaar Main!
Wo Jo Khaas Chashm-E-Karam Main Hay
Isi Roshni Ki Qataar Main!
Kisi Cheez Ki Bhi Kami Nahi
Teri Bakh-Shishoun Ke De-Yaar Main!
Meri Maan Ki Rooh-E-Jameel Ko
Sada Rakhna Apnay Jawaar Main!
Sada Purfiza Wo Lahad Rahay,
Taray Lutf-E-Khaas Ki Chhayon Main

(Aameen)

Umeed Hai Aap Logon Ko Pasand Aye Gi..

Regards,

Sigh

29

Re: Kuch Nazmain, Meri Diary Se..

Aik Nazm,

Taarikh Ki Uljhi Galiyon Men
Kuchh Dher Parhe Hain Malbe Ke
Malba Jo Hamaare Dard Ka Hai!
Har Dekhne Waali Aankh Ka Hai
Har Sochne Waale Fard Ka Hai
Har Manzar Dhundla Dhundla Hai
Kuchh Aisa Parda Gard Ka Hai!

Wo Log Jo Aage Guzar Gaye
Kya Sacha Tha Unka Jhoot Tha Kya!
Kis Haq Ki Khaatir Larhte The!
Kis Zulm Ke Haathon Marte The
Kya Khwaab The Unki Aankhon Ke
Aur Kya Unki Taabeeren Thin?
Jo Seel-E-Zamaan Ka Rizq Huin
Wo Kya Mahkam Taameeren Thin?

Arzhang Jo Leer-O-Leer Hua

Kya Kya Uss Men Tasveeren Thin?
Aur Paani Par Jo Likhin Gayin
Wo Kya Mushkil Tahreeren Thin?

Ik Dasht Ki Jalti Mitti Par
Kya Bahte Lahoo Ne Likha Tha!
Pardes Ke Qaatil Raston Men
Kya Marte Huon Ne Socha Tha!
Jo Ahle-Chashm Ki Saf Men Gaye
Mahlon Men Takht Nasheen Hue
Muflis Ke Lahoo Ke Chhenton Se
Wo Daaman Jo Rangeen Hue
Aur Khalq-E-Khuda Ke Qismat Ke
Jo Maalik Ban Kar Baith Gaye
Laashon Par Masnad Rakhi Aur
Phir Uss Pe Tan Ke Baith Gaye

Au Wo Jo Ilm Ke Joya The
Taaron Pe Kamande Daalte The
Jo Apni Soch Ke Gulshan Men
Aafaaq Ke Taayer Paalte The
Taksaal Men Fikr-E-Farda Ki
Wajdaan Ke Sikke Dhaalte The
Aur Wo Jo Ishq Men Rusva The
Jo Mirza, Raanjhan, Heer Hue
Khud Dhoonda Husn Ke Phande Ko
Phir Chal Kar Aap Aseer Hue
Baatan Men Utar Kar Harfon Ke
Jo Ghalib, Khusro, Meer Hue
Ye Sab Aur Inn Se Aur Kayi
Is Seel-E-Zamaan Ka Rizq Bane
Is Gard Ke Manzar Naame Men
Ik Abr-E-Gumaan Ka Rizq Bane

Ab Apni Apni Rau Men Hain
Hai Kisko Fursta, Kaun Ruke!
Kya Raaz Hain Dil Darvaazon Ke?
Ab Kaun Sune Aur Kaun Kahe!
Kuchh Ghutti, Marti Cheekhen Hain
Kuchh Larze Hue Avaaze Hain
Kuchh Khauf Hai Patthar Ban Ne Ka
Kuchh Bhatke Hue Andaaze Hain
Kuchh Zakhm Hain Jinke Naam Nahi
Kuchh Bhugte Hue Khamiyaaze Hain
Tarteeb Kaise Ho Safhon Ki!
Sab Bikhre Hue Sheeraze Hain

Murghon Ki Tarah Iss Malbe Men
Minqaar Daba Kar Kya Hoga
Ye Raunde Hue Se Taaj O Kalaah
Maathon Par Saja Ke Kya Hoga

Jo Nauhon Men Tabdeel Hue
Wo Naghme Ga Kar Kya Hoga!
Aglon Ki Jeet Aur Haar Se Ham
Kyun Khush Hain! Kyun Sharmeenda Hain!
Hai Lauh-E-Jahaan Pe Darj Yahi
Ham Apna Aap Aayinda Hain
Bas Aik Haqeeqat Yaad Rahe
Jis Saans Talak Ham Zinda Hain
Aao Ke Chune Iss Malbe Se
Jo Khwaab Abhi Tabeenda Hain
Un Jazbon Ki Tauqeer Karen
Jo Anmit Hain, Paayinda Hain
Bas Un Taaron Ki Baat Karen
Jo Bujh Kar Bhi Rakhshinda Hain

Is Gard Ke Manzarnaame Men
Jo Apne Kahe Se Ruk Jaaye
Aisa To Koi Mausam Bhi Nahi
Ye Sach Hai Aankh Jhaptke Tak
Manzar Bhi Nahi Aur Ham Bhi Nahi
Ai Baad-E-Fana Se Darte Dil
Jo Dekh Sake To Kam Bhi Nahi!
Ye Nazaare Ki Fursat Bhi!
Kuchh Kar Sakne Ki Taaqat Bhi!
Ye Pal Do Pal Ki Muhlat Bhi

Umeed Hai Aap Logon Ko Pasand Aye Gi..

Regards,

30

Re: Kuch Nazmain, Meri Diary Se..

Aik Nazm Jo Mujhe Buhat Pasand Hai..

Titliyon Ke Mosam Main Nochna Gulabon Ka
Reet Iss Nagar Kee Hai Aur Janay Kab Say Hai
Dekh Kar Parindon Ko Baandhna Nishanon Ka
Reet Iss Nagar Ke Hai Aur Janay Kab Say Hai

Shahar Ke Yeh Bashinday, Nafraton Ko Bo Kar Bhi
Intizaar Kartay Hain , Fasl Ho Mohabbat Kee
Bhool Kar Haqeeqat Ko, Dhoondna Sarabon Ka
Reet Iss Nagar Kee Hai Aur Janay Kab Say Hai

Tum Abhi Naye Ho Na, Iss Leay Pareshan Ho
Aasmaan Ki Janib, Iss Tarha Se Mat Dekho
Aafatain Jab Aani Hon, Tootna Sitaroon Ka
Reet Iss Nagar Kee Hai Aur Janay Kab Say Hai

Khamshi Mera Shewa, Guftugoo Hunar Uss Ka
Meri Be-Gunahi Ko Log Kesay Manain Gay
Baat Baat Par, Maangna Jawaboon Kaa
Reet Iss Nagar Kee Hai Aur Janay Kab Say Hai

Ajnabi Fiza-on Main, Ajnabi Musafir Say
Apnay Har Ta-alluq Ko Da-imee Bana Lena
Bicharna Jab Uss Ka Too Maangna Duaoon Ka
Reet Iss Nagar Ka Hai Aur Janay Kab Sa Hai

Umeed Hai Aap Logon Ko Pasand Aye Gi..

Regards,

31

Re: Kuch Nazmain, Meri Diary Se..

Aik Nazm,

Kiun Raat Ki Raet Pey Bikharay Huey
Taroun Key Kankar Chunti Ho?
Kiun Sanatey Ki Silwat Mey
Lipti Awazain Sunti Ho?
Kiun Apni Pyasi Palkoun Ki Jhalar Mey
Khuwab Paroti Ho?
Kiun Roti Ho?

Abb Kon Tumhari Ankhon Main
Sadiyun Ki Neend Undeley Ga?
Abb Kon Tumhari Chahat Ki
Haryali Mein Khul Khelay Ga?
Abb Kon Tumhari Tanhai Ka
Un-Dekha Dukh Jhelay Ga?

Abb Aisa Hai?
Yeh Raat Musalat Hai Jab Tak
Yeh Shamain Jab Tak Jalti Hain...
Yeh Zakhm Jahan Tak Chubhtay Hain
Yeh Sansain Jab Tak Chalti Hain

Tum Apni Soch Ke Jungle Main Raa'h Bhatko Aur Phir Kho Jao
Abb Soo Jao

Umeed Hai Aapko Pasand Aye Gi..

Regards,

32

Re: Kuch Nazmain, Meri Diary Se..

Aik Nazm,

Woh Janti Thi Wafaa Ka Ajar Nahi Hota
Muhabaton Main Sabar Ka Samar Nahi Hota

Woh Janti Thi
Muhabat Dukhon Ka Sehraa Hay
Jahan Sarab Si Khushian Hain
Aur Azaab Say Ghum
Jahan Hay Pyaas Judaai Ki Betahasha Magar
Milan Ki Barishain Hoti Hain Jis Dyar Main Kam

Woh Janti Thi
Muhabat Khiraj Mangti Hay
Woh Jis Ko Dil Ka Lahoo Day Kay Jagmagaya ho
Andheri Rah Kay Leay Woh Chiragh Mangti Hay

Woh Janti Thi
Muhabat Woh Rehguzar Hay Jehan
Bichay Hain Kaanch Judai Kay Beshumar magar
Berhana-pa hi Inhain Paar Kerna Perta Hay
Ghamon Ki Dhoop Main Jab Saibaan Koi Na Ho
Kisi Ki Yaad Ki Chader Ko Taan Ker Khud Per
Tamam Aahain Daba Ke Guzarna Perta Hay

Woh Janti Thi Wafa Ka Ajar Nahi Hota
Muhabaton Main Saber Ka Samer Nahi Hota
Hijer Ki Rah Main Hoti Hay Betahashah ghutan
Wahan Kabhi Bhi hawa Ka Guzer Nahi Hota

Woh Janti Thi Magar Phir Bhi Roag Lay Bethi
Kisi Kay Pyar Main Janay Kiun Joag Lay Bethi
Woh Janti Thi Magr Phir Bhi

Umeed Hai Aap Logon Ko Pasand Aye Gi..

Regards,

33

Re: Kuch Nazmain, Meri Diary Se..

Aik Nazm,

Itna He Yaad Rakh Mujhe
Jaisay Kisi Kitaab Main
Beetay Dinon Ke Dost Ka
Ek Khat Para Hua Milay
Lafz Mitay Mitay Sahee
Rang Ura Ura Sahee
Lekin Wo Ajnabi Na Ho
Uth Ker Teray Galay Lagay
Beetay Dinon Ki Sab Katha
Bhoolay Huay Tamaam Sukh
Guzray Huay Tamam Dukh
Tujh Se Kahay Aur Ro Paray

Sigh

Umeed Hai Aap Logon Ko Pasand Aye Gi..

Regards,

34

Re: Kuch Nazmain, Meri Diary Se..

Aik Nazm,

Tum Kin Per Nazmain Likhtay Ho ?
Tum Kin Per Geet Banatay Ho ?
Tum Kin Sholay Ko Orhtay Ho ?
Tum Kin Ki Aag Bhujaatay Ho ?
Aye Deeda Waro !
Insaaf Karo

Es Aag Per Tum Ne Kiya Likha ?
Jis Aag Mein Sab Kuch Raakh Huwa
Meri Manzil Bhi, Mera Rasta Bhi
Mera Maktab Bhi, Mera Basta Bhi
Meray Bastay K Lashkaaray Bhi
Meray Sat Rangay Gubaaray Bhi
Es Aag Pe Tum Ne Kiya Likha ?
Aye Deeda Waro !
Insaaf Karo

Woh Raah Nahi Dekhi Mein Ne
Jo Maktab Ko Jaati Hai
Es Hawa Ne Mujh Ko Choohwa Bhi Nahi
Jo Neendon Ko Mehkaati Hai
Aur Meethay Khuwaab Dekhaati Hai
Es Karb Pe Tum Ne Kiya Likha
Aye Deeda Waro !
Insaaf Karo ..!

Umeed Hai Aap Logon Ko Pasand Aye Gi..

Regards,

PS: Thinks K Shayad Noones Like My Collection Sigh

35

Re: Kuch Nazmain, Meri Diary Se..

wah jee aap ka jawab nahi sari collection A1 hai keep it up

36

Re: Kuch Nazmain, Meri Diary Se..

Thnx Tehreem :)

PS: Shukar Kisi Ne Kuch To Comment Dia..

37

Re: Kuch Nazmain, Meri Diary Se..

Ahmer ur collection is wonderful!!!!
have no wordz for appreciation!!!!
Simply awesome!!!!
Bohat he Umdaa!!!
Bohat He Aalaa!!!
:)

38

Re: Kuch Nazmain, Meri Diary Se..

ya
buhat nice collection

39

Re: Kuch Nazmain, Meri Diary Se..

Buhat Buhat Shukria..

PS: blush

40

Re: Kuch Nazmain, Meri Diary Se..

sambhal k rakhain!!!!!!!!!!!!!!!!!
:)