Kuch Nazmain, Meri Diary Se..

redidentity · June 15, 2007, 9:22am

Assalam o alaikum,

Meri Diary Se Mansoob Doosra Thread.. Yahan Main Aap Logon Se Apni Kuch Sab Se Pasandeeda Nazmain Share Karonga..

Umeed Hai Aap Logon Ko Pasand Ayen Gi..

Allah Hafiz..

Regards,

redidentity · June 15, 2007, 9:27am

Re: Kuch Nazmain, Meri Diary Se..

Sab Se Farhat Abbas Shah Ki Aik Buhat Khoobsurat Nazm, Jo Mujhe Khud Bhi Buhat Pasand Hai..

Kabhi Jaro Main Zeher Utaar Liya
Kabhi Labon Ke Pechay Maar Liya
Is Dar Se Ke Dukh Ke Shidat Se
Kaheen Nikal Na Jaye A'ah Piya

Mera Sham Salona Shah Piya

Hamain Jungle Jungle Bhatka Do
Hamain Sooli Sooli Latka Do
Jo Jee Se Chaho Yaar Karo
Hum Par Jo Gaye Teri Ra'h Piya

Mera Sham Salona Shah Piya

Kahin Rooh Main Pyaas Pukaray Gi
Kahin Ankh Main Aas Pukaray Gi
Kahin Khoon, Kahin Dil Bolay Ga
Kabhi Aana Maqtal-Gaah Piya

Mera Sham Salona Shah Piya

Teri Shakl Basarat Ankhon Ki
Tera Lams Riyazat Ankhon Ki
Tera Naam Labon Ke Aadat Hai
Meri Ek Ek Sans Gawah Piya

Mera Sham Salona Shah Piya
Hamain Maar Gaye Teri Chah Piya..

Umeed Hai Aap Logon Ko Pasand Aye Gi..

Regards,

redidentity · June 15, 2007, 9:41am

Re: Kuch Nazmain, Meri Diary Se..

Wasi Shah Ki AIk Nazm,

Maan, Mujhe Neend Nahi Aati Hai
Aik Mudat Se Mujhe Neend Nahi Aati Hai
Maan, Mujhe Lo-ry Sunao Na
Sula Dona Mujhe

Maan, Mujhe Neend Nahi Aati Hai

Rat-Jagey Ab Tu Muqadar Hain Meri Pulkon Ka
Neend Aye Tu Liye Aati Hai Bagdad Ki Yaad
Ankh Lagte He Koi Bewa Utha Dete Hai
Pait Kitna He Bharon Bhook Nahi Mit-ti Hai
Jaltay Basra Ki Mujhe Piyass Jaga Dete Hai
Koi Qandhar Ki Waadi Se Bulata Hai Mujhe
Zikr Qandoz Ka Aye Tu Mujhe Lagta Hai
Kaat Ker Sar Koi Hansta Hai, Jalata Hai Mujhe
Bomb Ki Awazain Mujhe Kuch Nahi Kehti Hain Magar
Zakham In Bacho Ke Sone Nahi Dete Hain Mujhe
Maan Meri Ankhain Tu Pather Ki Hui Jati Hain
Nojawaan Lashey Yeh Ronay Nahi Dete Hain Mujhe
Mere Seene Per Rakho Hath
Rula Dona Mujhe..

Maan, Mujhe Lo-ry Sunao Na
Sula Dona Mujhe
Maan, Mujhe Neend Nahi Aati Hai
Aik Mudat Se Mujhe Neend Nahi Aati Hai..

Umeed Hai Aap Logon Ko Bhi Buhat Pasand Aye Gi..

Regards,

being_lonely · June 15, 2007, 10:11am

Re: Kuch Nazmain, Meri Diary Se..

wasi n farhat ko mein shyar maanta he nahi so no comments !

SJ · June 15, 2007, 10:34am

Re: Kuch Nazmain, Meri Diary Se..

why whats wrong with them ?
i think they r pretty good poets !

redidentity · June 15, 2007, 10:35am

Re: Kuch Nazmain, Meri Diary Se..

:)
Being lonely Jee.. Wrong Perceptions Pe Achi Poetry Ko Hum Jhutla Tou Nahi Saktay Na.. :$

SJ · June 15, 2007, 10:36am

Re: Kuch Nazmain, Meri Diary Se..

i agree
cent per cent right :)

redidentity · June 15, 2007, 11:23am

Re: Kuch Nazmain, Meri Diary Se..

Aik Nazm,

Ager Tum Ayena Dekho
To Apne Aap Se Nazrain Chura Lena
Kion Kai
Baywafa Logon Ko, Jab Wo Ayena Dekhain
To Aankhain Chor Lagti Hain..

Umeed Hai Aap Logon Ko Pasand Aye Gi..

Regards,

being_lonely · June 15, 2007, 11:29am

Re: Kuch Nazmain, Meri Diary Se..

Still Not Agreed ! Sorry !

redidentity · June 15, 2007, 11:38am

Re: Kuch Nazmain, Meri Diary Se..

being lonely Jee.. :)

Never Mind.. Pehle 2 Poems ko Ignore Ker Dejay.. Hum Yahan Confrontations k Leay To Nahi Aye Na.. We are Here To Share Our Collections..

Khush Raheay..

SJ · June 15, 2007, 11:46am

Re: Kuch Nazmain, Meri Diary Se..

love this one by Mohsin Naqvi ......amazing poet !!!

deadsoul · June 15, 2007, 2:40pm

Re: Kuch Nazmain, Meri Diary Se..

BL sahab app k agree na honay say bhi yeh shayer, shayer he rahiangay but app in ki shayeri say mehroom rahaingay
koi solid point lay kar ayain

being_lonely · June 15, 2007, 3:57pm

Re: Kuch Nazmain, Meri Diary Se..

Bina Solid Baat K Mein Kuch Nahi Keh Sakta Sahab !
Majeed Amjad Iqbal K Paye K Shayar Thay Apnay Ghar Mein Murda Paye Gaye Kuch Din Baad Kiisi Ko Maloom He Nahi Tha Aur Unki Poetry Jab Shaya Ki Gayi To Logoon Ne Unhein Jaana Aur Maana Bhi Aur APKE wasi shah Inki He Aik Ghazal Chori Karnay K baad Shayar Ban Gaye Hain !
Bakwas aur Ganda Likho Aur Books Pe Books Nikalo Aur Note CHaapo Shayari Ki Asal Ruuh Kya Hai Inko Kya Maloom !

Lijiye Mulahiza Farmaiye

deadsoul · June 15, 2007, 4:08pm

Re: Kuch Nazmain, Meri Diary Se..

app ko ghalat fehmi hui haiwo ghazal nahi nazm thi aur wo chori nahi ki gayi uss ka idea sirf lya gaya jaisay k buhat say shayiron nay kia hai
by the say kia ganda likha hai wasi aur farhat nay?

being_lonely · June 15, 2007, 4:20pm

Re: Kuch Nazmain, Meri Diary Se..

Sorry Sir ! I was wrong !

redidentity · June 15, 2007, 5:40pm

Re: Kuch Nazmain, Meri Diary Se..

:s

:(

:'(

redidentity · June 15, 2007, 5:48pm

Re: Kuch Nazmain, Meri Diary Se..

Aik Nazm, Jisay Tina Sani Ne Buhat Khoobsurat Tareekay Se Gaya Hai..

Chhoti Se Ghalat Fehmi Ker De Gi Juda Hum Ko
Halaat Na Badlain Ge Maloom Na Tha Hum Ko

Rishton Ki Humain Itni Pehchaan Na Thhi Pehle
Kehne Ko Marazim Tou Apne Thay Buhat Gehre
Ashkon Ke Siwa Lekin Kuch Bhi Na Mila Hum Ko
Halaat Na Badlain Ge Maloom Na Tha Hum Ko

Uthtay Huay Qadmon Main Zanjeer See Parh Jaati
Ehsaas-e-Nidamat Se Dehleez Pighal Jaati
Ek Baar Muhabbat Se Dete Jo Sada Hum Ko
Halaat Na Badlain Ge Maloom Na Tha Hum Ko

Chhoti Se Ghalat Fehmi Ker De Gi Juda Hum Ko
Halaat Na Badlain Ge Maloom Na Tha Hum Ko

Umeed Hai Aap Logon Ko Pasand Aye Gi..

Regards,

being_lonely · June 15, 2007, 6:17pm

Re: Kuch Nazmain, Meri Diary Se..

Ay Gul e NadaaN Tujhe Hua Kya Hai

Ghalib Se Inspire Ho K mEin Ne yEH mISrah Likha Hai

Mere Pyaray Bhai Aaisay He Aik Lafz Change Karnay Ko Inspiration nahi Chori kehte Hain Baki Puri Theme Wohi Hai Jo Jaan Hai Ghazal Ki !

Hope Ab Apko Samjh Aa gayi Ho Jo MeIn KehNA CHAH raha hOn !
bILA SHUBA woh Shayar Hain laikin Kaisay yeh meri nechay wali 2 3 posts se pata chal gaya hoga (meri nazar mein )

Baki jis ko bura lagay uss se mein ma’azrat chahta hon !

Asalam U Alaikum !

being_lonely · June 15, 2007, 6:21pm

Re: Kuch Nazmain, Meri Diary Se..

:k:

redidentity · June 16, 2007, 4:49am

Re: Kuch Nazmain, Meri Diary Se..

Aik Nazm,

Hum Dasht-E-Junuun K Sodae
Hum Gard-E-Safar Hum Naqsh-E-Kadam
Hum Soz-E Talab Hum Tarz E Fugaa'n
Hum Ranj-E-Chaman Hum Fasl-E-Khizaa'n
Hum Hairat-O-Hasrat Yaas-O-Alam
Hum Dasht-E-Junuun K Sodae

Ye Dasht-E-Junuun Ye Pagal Pan
Ye Pecha Kerti Ruswae
Ye Ranj-O-Alam Ye Huzn-O-Malaal
Ye Nala-E-Shab Ye Soz-E-Kamaal
Dil Mein Kahein Benaam Chuban
Aur Hadd-E-Nazar Tak Tanhai
Hum Dasht-E-Junuun K Sodae

Ab Jaan Humari Chotay Bhi
Ya Dasht-E-Junuun Hi Thak Jaye
Jo Roh-O-Badan Ka Rishta Tha
Kaie Saal Hoye Wo Toot Gaya
Ab Dil Ka Dharakna Ruk Jaye
Ab Saans Ki Dori Tootay Bhi
Hum Dasht-E-Junuun K Sodae

Umeed Hai Aap Logon Ko Bhi Pasand Aye Gi..

Regards,