Jibreal: Har Ghari Aflak Par Rehti Hai Teri Guftugu
Kya Nahin Mumkin Ke Tera Chaak-e-Daman Ho Rafoo
Iblees: Aah Ae Jibreel! Tu Waqif Nahin Iss Raaz Se
Kar Gya Sarmast Mujh Ko Toot Kar Mera Saboo
Ab Yahan Meri Guzar Mumkin Nahin, Mumkin Nahin
Kis Qadar Khamosh Hai Ye Alam-e-Be-Kaakh-o-Koo!
Jis Ki Naumeedi Se Ho Souz-e-Daroon-e-Kainat
Uss Ke Haq Mein ‘Taqnatu’ Acha Hai Ya ‘La-Taqnatu’ ?
Jibreal: Kho Diye Inkaar Se Tu Ne Maqamat-e-Buland
Chashm-e-Yazdaan Mein Farishton Ki Rahi Kya Abroo!
Iblees: Hai Meri Jurraat Se Musht-e-Khak Mein Zauq-e-Namoo
Mere Fitne Jama-e-Aqal-o-Khirad Ka Taar-o-Poo
Dekhta Hai Tu Faqat Sahil Se Razm-e-Khair-o-Shar
Kon Toofan Ke Tamanche Kha Raha Hai, Main Ke Tu?
**Khizar** Bhi Bedast-o-Pa, **Ilyas** Bhi Bedast-o-Pa
Mere Toofan Tam-Ba-Yam, Darya-Ba-Darya, Joo-Ba-Joo
Gar Khalwat Mayassir Ho To Puch Allah Se
Qissa-e-Adam Ko Rangeen Kar Gya Kis Ka Lahoo!
Main Khatakta Hun Dil-e-Yazdan Mein Kante Ki Tarah
Tu Faqat **Allah Hoo**, **Allah Hoo**, **Allah Hoo !**
Iblees is saying that no one is saved from his shaitaniyan. Aam insanon ko to choro, uss ki makariyon se to Ilyas o Khizr jaise khuda ke Bargazeeda bunde bhi apna aap aajiz paate hain… Iblees claims that uss ke fitne her choti badi jaga phele hue hain. Thats what I understanding from this stanza.
I hope 2 marks yum ba yum, Darya ba darya, joo ba joo ki maani na batane ki waja se kate hain :)
nahiiN...mere Khayaal se do numbar safaaii ke the...u ne handwriting nahiiN pesh kii...ab typing pe to do number kaT hii jaane the :D
test ho raha hai..
Ustaad e muhataram bhi khush hue iss tashreeh per 
