Kabhi yaad aao to iss tarah____ !

Arts & Culture Poetry ( Intikhaab & Sho'ra-e-Gupshup)
1

Kabhi yaad aao to iss tarah____ !
Ke lahoo ki saari tamazatain
Tumhain dhoop dhoop samait lain
Tumhain rang rang nikhar dain
Tumhain harf harf main soch lain
Tumhain daikhnay ka jo shouq ho
To dayar-e-hijr ki teergi
<O:pKo mizha ki nauk say naoch lain

Kabhi yaad aao to iss tarah
Ke dil-o-nazar main utar sako
Kabhi had say habs-e-junoon badhe
To hawaas ban ke bhikhar sako
Kabhi khul sako shab-e-wasl main
Kabhi khoon-e-dil main sanwar sako
Sar-e-rahguzar jo milo _____ kabhi
Na thehar sako __ na guzar sako!

Mera dard phir say ghazal bunay
Kabhi gungunao ___ to iss tarah
Meray zakhm phir say gulaab hoon
Kabhi muskaraoo ___ to iss tarah
Meri dhadhkanain bhi larz uthain
Kabhi chaut khao __ to iss tarah

Jo nahin to phir baday shouq say
Sabhi raabtay sabhi zaabtay
Kabhi dhoop chaon main tod do!
<O:pNa shikast-e-dil ka sitam saho
<O:pNa suno kisi ka azaab-e-jaan
Na kisi say apni khalish kaho
Yunhi khush phiro yunhi khush raho

Na ujar sakain na sanwar sakain
Kabhi dil dukhao ___ to iss tarah
Na simat sakain na bikhar sakain
Kabhi bhool jao __ to iss tarah
Kissi taur jaan say guzar sakain
<O:pKabhi yaad aao ____ to iss tarah

Mohsin Naqvi<O:p

2

Re: Kabhi yaad aao to iss tarah____ !

Bohat khoob

3

Re: Kabhi yaad aao to iss tarah____ !

Nice poem rashidali:-)

4

Re: Kabhi yaad aao to iss tarah____ !

nice one

5

Re: Kabhi yaad aao to iss tarah____ !

one of my fav..thanks for posting it again RA :)

6

Re: Kabhi yaad aao to iss tarah____ !

Thanks All