**
jo utar ke ziinaa-e-shaam se terii chashm-e-Khush mein samaa gaye vahii jalate bujhate se mahar-o-maah mere baam-o-dar ko sajaa gaye
ye ajiib khel haii ishq kaa mei’n ne aap dekhaa ye moaj’jezaa
vo jo lafz mere gumaa’N mein the vo terii zubaa.N par aa gaye
vo jo geet tum ne sunaa nahi’in merii umr bhar kaa riyaaz thaa
mere dard kii thii daastaa’N jise tum ha’Nsii mein u’Daa gaye
vo charaaG-e-jaa’N kabhii jis kii lau na kisii havaa se niguu’N hu_ii
terii bevafaa_ii ke vaasavaa use chupake chupake bujhaa gaye
vo thaa chaa.Nd shaam-e-visaal kaa ke thaa ruup tere jamaal kaa
merii ruuh se merii aa’Nkh tak kisii raushanii mein nahaa gaye
ye jo bandagaan-e-niyaaz haii ye tamaam haii vo lash_karii
jinhe’n zindagii ne amaa’n na dii to tere huzuur mein aa gaye
terii beruKhii ke dayaar mein mai’n havaa ke saath havaa huaa
tere aa_iine kii talaash mein mere Khvaab cheharaa ga.Nvaa gaye
tere vaasavaao.n ke fishar mein teraa sharar-e-rang uja.D gayaa
merii Khvaahisho.n ke Gubaar mein mere maah-o-saal-e-vafaa gaye
vo ajiib phuul se lafz the tere ho.nTh jin se mahak uThe
mere dasht-e-Khvaab mein duur tak ko_ii baaG jaise lagaa gaye
merii umr se na simaT sake mere dil mein itane savaal the
tere paas jitane javaab the terii ik nigaah mein aa gaye**