Zabardast question and I’m answering after reading first post.
I think It’s very importan to be educated. Taleem insaan ko bohat kuch sikha deta hai aur us main bohat si changing lata hai. Insaan jitna taleemyafta hota hai utna hi muhazzab, tameezdaar aur bashaur hota hai siwaay chund aik kay.
Taleem ka ghara asar parta hai insaan ki shakhshiaat par. Taleem insaan ko haywan say insaan banati hai.
Jitna jahil hotay hain utnay hi budtameez hotay hain.
Jitna taleem hoga utna achcha hi behaviour ho ga spouse ka is liaay kay samajhnay ki salahiaat bohat achchi ho jaay gi taleem kay saath. Agar deeni taleem say labraiz hon to phir to kia kahna.
Aksariaat ghalat ya gunah kay kaam unjaan honay ki wajah say kartay hain siwaay chund kay jo jannay kay bawajood jaan boojh kar kartay hain.
Jaisay jub aik larki parhi likhi ho gi to wo apni taleem ki salhiaaton say bahtar tor par zindagi ki gari ko husband kay saath chalaay gi.
Buchchon ko achchi taleem say bhi roshnaas karaay gi/ga Jaisay ziadatar taleem yafta logon kay buchchay hi taleemyafta aur jahilon kay buchchay jahil hotay hain.
Meri nazar main spouse chunnay main sub say number 1 taleem hai. Sub say pehlay taleem daikhna chahyay. Jitna ziada say ziada taleem ho utna achcha hai. Duniawi kay saath saath deeni taleem bhi ho.
Meray hisaab say husband ko wife say ziada taleem yafta hona chahyay takay degree main bhi wife say bara ho aur izzat karnay ki aik aur wajah add ho sakay.
Meray hissab say Doctor ki shadi doctor say engineer ki shadi engineer say aur M.Sc. ki shadi B.Sc (larki) say honi chahay takay aik doosray ko ziada bahtar tor par samajh sakain aur compatible hon. Aik doosray say apni job ko discuss kar sakain aur aik doosray ki discussion ko samajh sakain aur mashwara waghaira bhi dain sakain. Agar help ki zaroorat ho to help kar sakain.