mery paas koi sawal nahin per her sawal ka jawab zaroor hai
kiyunke har jawab ke pichey ek sawal hai :D:
apki urdu/hindi bohat achi hai, english bhi aala hai lekin aap ziyada tar phir bhi urdu main karte hain, I like it ....
aur konsi zuban ati hai? desi chor ke
**
is thread meN tashreef aavorii ke liye banda shukria adaa kartaa hai aapkaa...aur bahooot bahooot shukria ek baar phir k aapko meraa urdu kaa iste'maal is forum par bhalaa lagaa.
faarsii...samajh letaa huN, soch soch kar likh bhii saktaa huN aur TooTii phooTii bol bhii saktaa huN magar ravaanii nahiiN hai kiuN k farsii maiN ne sirf High School meN baRhii thii. mujhe farsii bahooot achchhi lagtii hai magar mere gharwaaloN ne meraa ruKh Sciences kii taraf moR diyaa varna maiN farsii kii ta'leem Haasil kartaa. Khair jo huaa so huaa ab kia ronaa uskaa :)
ek musalmaan hone ke naate arabii paRh letaa huN aur Qur'aan ko thoRaa bahooot samajh letaa huN kahiiN kahiiN se.
aur aap ko kin kin zabaanoN par 'uboor Haasil hai?**