~ Few Selections ~

Arts & Culture Poetry ( Intikhaab & Sho'ra-e-Gupshup)
321

Agar zindagi mein mil gaye phir ittefaaq se
Poochenge apna haal teri be-basi se hum ...

322

***Mujrim hoon tera aa mujhe jo chahay saza day
Is dil mein muhabbat ki sanam aag laga day
Duniya se kabhi pyar ka shikwa na karonga
Le haath mein khanjar meri gardan ko urra day ...

323

***Kuch yadain us ki beech samundar doob gaeen
Kuch sapnay reh us paar gaye, hum haar gaye ...

324

***Tere baghair yeh ab zindagi kahaan guzray
Qadam qadam pe tere saath ka gumaan guzray
Yeh din jo dheeray se phisla tu shaam ke manzar
Tere baghair udaasi ke darmeyaan guzray ...

325

***Guzar chuka hai umeedoon ka qaafila kab ka
Raah-e-yaqeen pe ab bhi ghubaar baaqi hai
Humein pukaar lo jab chaaho hum milenge waheen
Milay hain khaak mein lekin waqaar baaqi hai ...

326

***Jo lag chuki hai giraah dil mein khul nahee sakti
Tu laakh milta rahay hum se dostoon ki tarah ...

327

***Ghamoon mein rehtay rehtay khushi ka taraana bhool gaye
Teri yaad main aanso bahatay bahatay hum muskurana bhol gaye ...

328

***Izhar-e-muhabbat na kiya bas issi darr se
Aisa na ho gir jaoon kaheen un ki nazar se
'Fayyaz' ab aaya hai junoon josh pe apna
Hansta hai zamaana mein guzarta hoon jidhar se ...

329

***Kitaab kyon koi parhne betheyga meri be-rang zindagi ki
Mein is ke warq aap hi jab baghair dekhe pallat raha hoon ...

330

***Chaak gerebaan dekh ke hum ko logo kyon hairaan hai
Fasl-e-e-baharaan naam hai jis ka fitrat ki uryaani hai
Aankh mein jhanko ghum ko taoloo dildaari se baat karo
Hanstay chehre per mat jao dil mein bari weeraani hai ...

331

***Haan meri zindagi ki haraarat inheen se hai
Tooteyga kis tarah teri yaadoon ka silsila ...

332

***
Agar mein kabhi
Kisi ka haath thaam kar
Hansti huwi nazar aaoon
Tu yeh mat samajhna ke
Mein ne tumhari yaadoon ko bhula diya hai
Woh pehla naqsh jo yaad ban kar
Mere dil mein jum sa gaya hai
Ajnabi qadmoon ki aamd-o-raft ne mita diya hai
Khali frame ke ander
Maslehatt ke taur per
Mein ne kisi aur ki tasver sajai tu hai
Magar tum tu jaantay ho
Meri jaan...
Jis tarah bichar jaana
Tumhari majboori ban gaya
Ussi tarah zinda rehne ke leye
Mein ne bhi wakt ke saath
Ek samjhota kiya hai ...

333

Nice and excellent selections arif nawaz .......but i dont think so these r few selections :D

these r Too many selections indeed :D

334

Lamhay:

Aap ki aamad ka dil ki ghehraeyoon se shukriya ... :)

335 
:blush:
336

:kiss:

337

I remember Lamhay this was your favorite ghazal naa ...

*
Chahat mein kya duniyadari ishq mein kaisi majboori
Logon ka kya samjhane do in ki apni majboori

Maine dil ki baat rakhi aur tu ne duniya walon ki
Meri arz bhi majboori thi un ka hukm bhi majboori

Rok sako to pehle baarish ki boondon ko tum roko
Kachi mitti to mehke gi hai mitti ki majboori

Zaat kade mein pehron baatein aur milein to mohr balab
Jabre waqt ne bakhshi hum ko ab ke kaisi majboori

Jab tak hasta gata mausam apna hai sab apne hain
Waqt pade to yaad aa jati hai masnooi majboori

Muddat guzri aaj bhi ek waade par qaim hain mohsin
Hum ne sari umar nibhaye apni pehli majboori ...

*

338

ya one of my favourite ghazal !

339

:bhangra:
Thanks … Im delighted to hear your positive answer … :slight_smile:

340

*
Dil mein ek lehar si utthi hai abhi
Koi taaza hawaa chali hai abhi
Shaur barpaa hai khaana-e-dil mein
Koi deewaar si girii hai abhi
Kuch tu naazuk mizaaj hain hum bhi
aur yeh chout bhi naee hai abhi
Bhari duniya mein ji nahee lagta
Jaane kis cheez ki kami hai abhi
Tu shareek-e-sukhan nahee hai tu kya
Hum-sukhan teri khaamooshi hai abhi
Yaad ke be-nishaan jazeeroon se
Teri awaaz aa rahi hai abhi
Shehar ke bechiraag galeyoon mein
Zindagi tujh ko dhoondati hai abhi
So gaye loug us haveli ke
Ek khirki magar khuli hai abhi
Tum tu yaaroo abhi se uth baithe
Shehar mein raat jaagati hai abhi
Wakt acha bhi ayega 'Nasir'
Ghum na kar zindagi pari hai abhi ...

*