Aur is kay saye
Phailnay lagtay hain
Tab mera dil yehi soochta hai
Keh yeh shaam
Itni khamoosh kiun hai
Shayed yeh bhi meri tarha
Kisi kay intezaar may
Dhal rahi hai...
Aur is kay saye
Phailnay lagtay hain
Tab mera dil yehi soochta hai
Keh yeh shaam
Itni khamoosh kiun hai
Shayed yeh bhi meri tarha
Kisi kay intezaar may
Dhal rahi hai...
[QUOTE]
Originally posted by zawanfira: *
Aur is kay saye
Phailnay lagtay hain
Tab mera dil yehi soochta hai
Keh yeh shaam
Itni khamoosh kiun hai
Shayed yeh bhi meri tarha
Kisi kay intezaar may
Dhal rahi hai...*
[/QUOTE]
bohat khoob
Yadoon main kaheen door nikal janay ka mousam...
[QUOTE]
*Originally posted by Dilsay: *
bohat khoob
[/QUOTE]
Thanks Dilsay and welcome on my thread ... :)
Tumhein yaad ho ke na yaad ho
Wohi waada yaani nibaah ka
Tumhein yaad ho ke na yaad ho
Woh jo lut mujh pe thaa paishtar
Woh karam ke thaa mere haal per
Mujhe sab hai yaad zara zara
Tumhein yaad ho ke na yaad ho
Woh naye gillay woh shikaayatain
Woh mazay mazay ki hikaayatain
Woh har ek baat pe roothna
Tumhein yaad ho ke na yaad ho
Koi baat aisi agar huwi
Ke tumhare ji ko bura laga
Tu bayaan se pehlay hi bolna
Tumhein yaad ho ke na yaad ho
Kabhi hum mein tum mein bhi chaah thee
Kabhi hum mein tum mein bhi raah thee
Kabhi hum bhi tum bhi thay aashnaa
Tumhein yaad ho ke na yaad ho
Woh bigarna wasl ki raat ka
Woh na maan'na kisi baat ka
Woh nahee nahee ke har aan sadaa
Tumhein yaad ho ke na yaad ho
Jissay aap gintay thay aashnaa
Jissay aap kehtay thay ba-wafaa
Mein wohi hoon Momin-e-mubtila
Tumhein yaad ho ke na yaad ho...
Bichartay wakt kisi ko mera sadaa daina
Jo kar rahe hain muhabbat tu yeh dheyaan rahay
Bahut katthin hai kisi ki yaad ko bhula dena ...
*Kuch bhi tu nahee mere paas
Teri yaadoon ke siwa
Teri pyaar bhari baatoon ke siwa
Mujhe yaad hai sab kuch
Tera woh kehna ke
kitni khobsurat hain aankhain tumhari
Kitne rung hain in main
Yeh kitna muskuraati hain
Yeh kitni baatain karti hain
Main thori door hojaoon tau
Mujhe waapis bulaati hain
Yeh mujh ko aazmaati hain
Magar
Ab kuch bhi tu nahee bacha in mein
Tere khwaaboon ke siwa
Teri yaadoon ke siwa... *
Mein tere khayaloon se teri tasveer banaya karta hoon
Jab yaad suhaani hoti hai jab yaad puraani aati hai
Mein chaand sitaroon ko dukh ki tasfeer sunaaya karta hoon
Jab saara aalam sota hai ek dard sa dil mein hota hai
Dukh bharay is aalam mein, mein nain bahaaya karta hoon
Kya tum se kahoon duniya waloo hai dard bhari rawadaad meri
Tanhae mein ro ro kar ghum ki thehreer mitaaya karta hoon
Yun raah-e-muhabbat mein tanha ay chor ke jaane walay bata
Kya tere khayaloon mein bhi mein aaya jaaya karta hoon...
Unkahi baat ko samjhoge tu yaad aaonga
Hum ne khushiyoon ki tarah dukh bhi ekhattay dekhay
Safah-e-zeest ko paltoge tu yaad aaonga
Issi andaaz mein hote thay mukhaatib mujh se
Khat kisi aur ko likhoge tu yaad aaonga
Sard ratoon ke mehakte huwe sannatoon mein
Jab kisi phool ko choomoge tu yaad aaonga
Ab tere ashk mein hontoo se chura leta hoon
Haath se khud inhain ponchoge tu yaad aaonga
Shaal pehnayega ab kaun December mein tumhein
Baarishoon mein kabhi bheegoge tu yaad aaonga
Aaj tum mehfil-e-yaraan pe ho maghroor bahut
Jab kabhi toot ke bikhroge tu yaad aaonga
Hadsay ayenge jeevan mein tu tum hoke nidhaal
Kisi deewaar ko thaamoge tu yaad aaonga...
Hain tum se bus yehi kehna muhabbat mar nahee sakti
Tera har baar mere khat ko parhna aur ro dena
Mera har baar yeh likh dena muhabbat mar nahee sakti
Kiya thaa hum ne campus ki nadi pe ek haseen waada
Bhallay hum ko paray marna muhabbat mar nahee sakti
Jahaan mein jab talak punchi chehakte urtay phirte hain
Hai jab tak phool ka khilna muhabbat mar nahee sakti
Purane ehad ko jub zinda karne ka khaayaal aaye
Mujhe bas itna likh dena muhabbat mar nahee sakti
Woh tera hijar ki shab phone rakhne se zara pehlay
Bahut rote huwe kehna muhabbat mar nahee sakti
Agar hum hasratoon ki kabr mein hi dafn ho jaayain
Tu yeh kutboon pe likh dena muhabbat mar nahee sakti
Puraane raabtoon ko phir naye waday ki khuwahish hai
Zara ek baar tu kehna muhabbat mar nahee sakti
Gaye lamhaat fursat ke kahaan se dhoond ke laaoon
Woh pehroon haath per likhna muhabbat mar nahee sakti ...
Meri yaadoon ne ussay khoob rulaaya hoga
Baat be-baat aankh us ki jo chalki hogi
Us ne chehre ko baazo'oun mein chupaaya hoga
Socha hoga us ne din mein kaee baar mujhe
Naam hatheli per bhi likh likh ke mitaaya hoga
Jahaan us ne mera ziker suna hoga kisi se
Us ki aankhoon mein koi aansoo tu aaya hoga
Raat ke bhegne tak neend na aaye hogi tujhe
Tu ne takeyey ko bhi seenay se lagaaya hoga
Ho kar nidhaal meri yaadoon se tu ne jaana
Meri tasveer pe sar apna tikaaya hoga
Poocha hoga jo kisi ne teri haalat ka sabab
Tu ne baatoon mein khoob us se chupaaya hoga...
Jo mujhe bhool nahee saktay thay wohi bhool gaye ...
Toofaan humein chor gaya aisay kinaaray
Ehsaan yeh qismat hai leye jaa rahay hain hum
Yun be-sabab jahaan mein jeey'ey jaa rahay hain hum ...
Aur aaj zindagi khud tamashaaeyoon mein hai ...
Dua mein apni maut maangi
Khuda ne kaha maut to main tujhe de sakta hoon magar
Uska kya karoon jisne dua mein teri lambi umar maangi ...
Yeh aur baat ab woh hamaara nahee raha
Aansoo tere bhi khushk huwe aur mere bhi
Naam ab kisi nadi ka kinaara nahee raha
Kuch din tumhare laut ke aane ki aas thee
Ab is umeed ka bhi sahaara nahee raha
Rastay maah-o-najm ke tabdeel hogaye
In khirkiyoon mein aik bhi taara nahee raha
Samjhay thay dosron se mukhtalif tujhe
Kya maan lain ke tu bhi hamaara nahee raha
Hathoon pe bujh gaye hai muqqadar ki kehkashan
Ya raakh ho gaya woh sitara nahee raha
Tum aitbaar us ke leye kyon udaas ho
Ek shaks jo kabhi bhi tumhara nahee raha...
Kaise kahain ke tere talabgaar hum nahee
Tan ko jala ke khaak banaaya bichaa diya
Lo ab tumhari raah mein deewaar hum nahee
Jis ko nikhaara hum ne tamanna ke phool se
Gulshan mein us bahaar ke huqdaar hum nahee
Dhoka diya hai khud ko muhabbat ke naam per
Kaise kahain ke tere gunheghaar hum nahee...
Aaj bhi sab kuch wohi tau hai
Wohi aasmaan wohi baadal wohi aansoo
Wohi raat wohi yaadain wohi andhaira
wohi shaam wohi shama wohi aarzoo
Dharti bhi ard bhi wohi, gaggan bhi samaan bhi wohi
Kuch bhi tau nahee badla
Aaj bhi sab kuch wohi tau hai...
Wohi tanhayee wohi weeraani wohi san'naatta
Wohi falak wohi sitaray wohi beqaraari
Wohi faaslay wohi dooreyaan wohi ajnabeyyat
Tum ab bhi waheen ho jahaan hamaisha thee
Kuch bhi tau nahee badla
Aaj bhi sab kuch wohi tau hai...
Wohi dil wohi jaan wohi dharkan
Wohi tasveer wohi khwahish wohi armaan
Wohi baat wohi khushboo wohi rang
Mein ab bhi waheen hoon aur tum ab bhi waheen
Kuch bhi tau nahee badla
Aaj bhi sab kuch wohi tau hai...
Wohi pyar wohi zindagi wohi muhabbat
Wohi geet wohi ghazar wohi naghma
Wohi mausam wohi phool wohi mehak
Mere leye tum aaj bhi wohi ho kal bhi wohi rahogi
Kuch bhi tau nahee badla
Aaj bhi sab kuch wohi tau hai...
Wohi galeyyaan wohi koochay wohi makaan
Wohi tamanna wohi ek baam-o-dar
Wohi aas wohi aik hi raah guzar
Raahain aaj bhi tumhein hi pukaara karti hain
Kuch bhi tau nahee badla
Aaj bhi sab kuch wohi tau hai...
Zindagi ke yeh lamhay aaj bhi waheen kharay hain
Chand gharreyyoo pe wakt jaise ruk gaya ho
Manzil ke rastay mein yeh morr aaj bhi sadayain dete hain
Mera aaj bhi wohi hai jo mera kal thaa
Kuch bhi tau nahee badla
Aaj bhi sab kuch wohi tau hai...
Teri yadoon ke sard mausam mein
In barishoon ke mausam mein
Tera woh mujh ko shaal ur'raana
Mere dukhoon per ghantoo mere saath
Woh mil kar rona tera
Mein jo kabhi udaas rahoon
Haath pakar kar mera woh samjhaana mujhe
Mere saath ghantoo baatain karna
Aur phir khil'khilaana tera
Be-sabab hi mujhe dair tak dekhna
Aur phir muskura daina
Tujhe kho kar ehsaas huwa mujhe
Ke mere daaman mein kuch bhi nahee hai
Teri yaadoon ke siwa ...
nice:flower1: