Re: Competition
aadmii aadmii ko kyaa degaa
jo bhii degaa vahii Khudaa degaa
meraa qaatil hii meraa munsif hai
kyaa mere haq mein faisalaa degaa….
zindagii ko kariib se dekho
iskaa cheharaa tumhein rulaa degaa
hamse puchho dostii kaa silaa….
dushmanon kaa bhii dil hilaa degaa…
ishq kaa zahar pii liyaa ‘Faakir’
ab masiihaa bhii kyaa davaa degaa
Re: Competition
**Uff yeh sannata ke ahat tak na ho jis mai mukhil
Zindgi mai is qadar hum ne sukoon paaya na tha
Khoob roye chhip ke ghar ki chaardeewari mai hum
Haale dil kehne ke qabil koi hamsaaya na tha
Ab khula jhonkon ke peeechey chal rahi theen aandhiyan
Ab jo manzar hai wo pehle to nazar aaya na tha
Sirf khushboo ki kami thee ghaur ke qabil Qateel
Warna gulshan mai koi bhi phool murjhaya na tha**
Re: Competition
.
Re: Competition
**tum jo pal bhar ko thehar jao tou ye lamhay...
anay walay kaien lamhoun ki amanat ho jayen...
tum jo thehar jaou tou ye raat,mahtaab...
ye sbza,ye gulab aur hm donoun k khawab...
sb k sb aesay mubhim hn k haqeeqat ho jayen...
tum thehar jaou k unwaan ki tafseer ho tum...
tum sy talkhi-e-ouqat ka mosam badlay...
raat tou kiya badlay ge halaat tou kiya badlien gay...
tum thehar jaou tou meri zaat ka mosam badlay...
mehrbaan ho k na thehro tou yun thehro...
jesay pal bhar koi khawab-e-tamana thehray...
jesay darvesh madaah nosh k pyalay main kbhi...
aik dou pal k liye talkhiy-e-dunya thehray...
tehar jaou k madaraat k meh khanay say...
chaltay chaltay aik adh saboo ho jaye...
iss sy pehlay k lamha-e-ayenda ka koi teer...
aesay aye k paywast-e-gulu ho jaye.**
Re: Competition
**Ksi ki Ankh purnam hy, MOHABAT ho gai hogi
Zuban pe Qissa_e_ghum hy, MOHABAT ho gai hogi.?
Kbi hasna,kbi rona, kbi hans hans k ro dena
Ajb DIL ka ye Aalam hy,MOHABAT ho gai hogi.?
Kbi Ankhon hi Ankhon men wo baton ka bta dena
Kbi tkrar baham hy, MOHABAT ho gai hogi.?
Ksi ko samne pa kr ksi k surkh honton par
Anokha sa Tabassum hy, MOHABAT ho gai hogi.?
Hr ik silwat pe bistar ki kisi ka naam likha hy
Diye ki low b Madham hy MOHABAT ho gai ho gi.**
Re: Competition
**Kaho wo dasht kaisa tha?
Jidher sab kuch lutta aye
Jidher ankhein ganwa aye
Kahasailab jaisa thabohat chaha k bach niklein magar sab kuch baha aye
Kaho wo hijr kaisa tha ?bas aag jaisa tha ` osay choo ker to apni rooh ye tann mann jala aye
Kabhi choo ker osay daykha!
To tum nay kiya bhala paya
Kaha
Kaho wo wasl kaisa tha?ik rastay jaisa 'jidhar say bas guzarna tha `makaan laikin bana aye
Tumhay jab choo liya os nay
Tu kiya ehsas jaagah tha?
Kaha
Kaho wo chaand kaisa tha ?wo khawab jaisa tha
Falak say jo uter aya!
Tumhari ankh may basnay
Kahanahi taabeer thi oski ik shab sulla aye
Kaho wo ishq kaisa tha?bina sumjay
Bina sochay
Bina perkhay
Kaha titli k rang jaisabohat kacha anokha sa` jab hi us ko bhula aye
Kahowo naam kaisa tha?bas mausamo jaisa ` na janay kis terha kis pal kisi roo may mitta aye.....!!!!**
Jaisay sehraoon aur 'chunchul’
Hawaoon per likha tum nay
Kaha
Re: Competition
yayyy very good guys...
you are left with only a little time now...so post as much as you can...
Re: Competition
.
Re: Competition
" Na Sawal-e-Wasl, Na Arz-e-Gham, Na Hikayatein Na Shikayatein "
.
" Teray Ehd mey Dil-e-Zaar kay sabhi Ikhtayar chalay gaey "………..!
Re: Competition
Re: Competition
.
Re: Competition
*mere jism-e-jaaN k har ik raabte se moatabir
mere hum-safaR
tujhe yaad haii, tujhe yaad haii
wo jo QurbatoN k saroor mien
terii aarzo` k hisaar mien
merii khwahishoN k wafoor mein
kaii zaiQay thay ghullay hoay
dar-e-gulistaN se bahaar tuk
wo jo raaste thay khillay hoay
sar-e-loh-e-jaaN
kissi ajnabii sii zubaaN mien
wo jo khushnuma se haroof thay
wo jo sar kashii ka ghubaar tha char-su
jahan ik dojey k ru-baru
kissi naghmagii ki khabR milii
kissi roshnii ki nazaR milii
hamien roshnii kii nazaR milii
tu jo raiza raiza se aks thay
wo baham hoay
wo baham hoay tu pata chala
k jo aag sii hai sharar-fishaaN merii khaak mien
issi aag ka koii an-bhuja sa nishaaN haii terii khaak mien
issi khaak-daan mien wo khwaab haii jisse shakal dene k waaste
ye jo shash johaat ka khail haii ye rawaaN howa
issi roshnii se makaN bana, issi roshnii se zamaN howa
ye jo har gumaN ka yaQeen haii
wo jo har yaQeen ka gumaan tha
issi dastaN ka biyaaN tha
mere hum-safar
kissi dhiyaan ki kissi taaQ per
haii dhara howa
wo jo ik rishta-e-durd tha
mere naam ka tere naam se
terii subh ka merii shaam se
sar-e-rah-guzaR hai para howa wohii khwaab-e-jaaN
jisse apnii ankhoN se dekh lene k waaste
kaii lakh taroN ki seeriyoN se uter k aatii thii kehkashaN
sar-e-aasmaN
kissi abar paray ki oout se
usse chaand takta tha raat bhar
mere hum-safaR
ussi rakht-e-ghum ko samait-te
ussi khwaab-e-jaaN ko sambhaalte
mere raaste kaii rastoN mein ulajh gaye
wo chiraagh jo mere saath saath thay bhujh gaye
wo jo manzilien
kissi aur manzil-e-bey-nishaaN k ghubaar mien kho gayeeN
kaii waswasoN k fishaar mien shab-e-intezaar sii ho gayeeN
wo tanaab-e-dil jo ukher gayii
wo khiyaam-e-jaan jo ujer gayii
wo safeer thay ussi dastan-e-hiyaat k
jo warQ warQ thii bharii hoii
mere shouQ se tere roop se
kaheen chahoN se, kaheen dhoop se
mere hum-safar tujhe kia khabR
ye jo waQt haii kissi dhoop chahoN k khail sa
usse dekhte, usse jhailte
merii ankh gurd se att gayii
mere khwaab rait mien kho gaye
mere haath barf se ho gaye
mere hum-safaR
mere bey-khabR tere naam per
wo jo phool khilte thay hont per
wo jo deep jalte thay baam per
wo nahii rahay
wo nahii rahay k jo ik rabt tha darmiyaN
wo bikher gaya
kissi shaam aisii hawa chalii
k jo barg thay sar-e-shaakh-e-jaaN
wo gir gaye
wo jo harf darj thay rait per
wo urr gaye
wo jo rastoN k yaQeen thay
wo jo manziloN k ameen thay
wo nishaan-e-pa bhii mit gaye
mere hum-safaR
haii wohii safaR
mgr ik mour k farQ se
tere haath se mere haath tuk
wo jo haath bhar ka tha faasla
kaii mosumoN mien badal gaya
usse naapte, usse kaat-te
mera sara waQt nikal gaya
tu mere safaR ka shareek haii
mere tere safaR ka shareek hoon
per jo darmiyaaN se nikal gaya
ussi faasle k shumaar mien
ussi bey-yaQeen k ghubaar mien
ussi rah-guzaR k hisaar mien
tera raasta koii aur haii
mera raasta koii aur haii*
Re: Competition
*Jab dard puranay ho baithay..
Jab yaad ka jugnuraakh hua
Jab aankh main aaansoo barf huay
Jab zakhm se dil manoos hua
Jab tees ko chubhna bhool gia
Tab mujh peh khula main zinda hun!!!
Phir dil ko dharhakna yaad aya!!!
Jab karb ki lambi rahon main
Ahsas k baal safaid huay
Ya soch ki sarma dhoopon main
Alaam ka mevah khushk hua
Jab aankhain 'be sailaab'huin
Jab neendain Aandhi ho baithin
Jab khawabain b 'be khawab' huin
Jab chaand charha be dardi ka
jab tanhaii ka seena b
Ser rakhnay ki aagosh laga
Jab rait peh likhi yaadon ko
Be mehr hawa ne cheen lia
Jab hosh ki kachi dewarain
Tasweeron se azad huin
Jab 'yaad ruttain' be dad huin
Tab mujh peh khula main zinda hun!!!
Phir dil ko dharakna yaad aya!!!
Tab aankhain kuch abaad huin
Jab mujh peh khula main zinda huun...
Ahsas ka bachpan jaag para
Phir jazbay be taqweem huay!!
Phir waqt ne kuch angrhaii li..
Phir soch ki qabar se dhool urhi
Phir piyas ka barzakh bhool gya!
Ik hijr se kia azad huay?
So hijr naye ejaad huay!!
Phir ik nazar siyyad bani
Ik nazar ka taair said hua
Phir ashk main darya qaid hua!!
Phir dharkan main bhonchal paray
Phir ishq ka jogi gallion main...
Taqdeer kay saamp utha laya!!
Phir hosh ka jungle sabz hua
Phir shoq_e_darinda jag utha..
Phir zulf ka tewar shaam banay
Us shaam main phir mehtaab charha
Phir hont ki larzish, geet bani..
Phir sans ka naam saba thehra!!
Phir sher,shaur ka wird hua..
Phir zanjeerain,zawer thehrin..
Phir taqreerain inaam huin
Phir khoon se likhay jazbon ki
Kuch tehreerain neelam huin!!
Phir dard "Zulaikhaan"ban baitha..
Phir qurb ka karb jawan hua
Phir mujh pe khula main zinda huun!!!!
Kuch wasl shabain shab khaizhuin
Kuch hijr ki nabzain tez huin
Jab qaid ko taza umr mili..
Us qaidi umr k bakhton ne..
Ik shaam_e-sahuur se pooch lia
Mehjuur hi rehna tha...to hamain
wo pichla hijr hi kafi tha!!
Gar qaid hi ja` apnani thi..
Kiun pichlay jaal ko chora tha??
Kis ahed peh pinjra tora tha??
Jab jaal teri qamzori thay...
Siyyad ko kiun badnaam kia??
Ik soch raha huun muddat se ...
Kiun mujh pe khula main zinda huun ???
KIun dil ko dharakna yaad aya ???
*
Re: Competition
**mujhe muhabbat hai apnay haath ki sabhi ungliyon se
na-janay kis ungli ko pakarr kar maan ne chalna sikhaya
**
Re: Competition
Suna Hoga Bahot Tumne
Kahin Aankhon Ki Rimjhim ka
Kahin Palkon Ki Shabnam ka
Parha Hoga Bahot Tumne
Kahin Lehje Ki Baarish ka
Kahin Sagar Ke Aansoo ka
Magar Tumne Kabhi Humdum
Kahin Dekhe Kahin Parkhe
Kisi Tehreer Ke Aansoo
Mujhe Teri Judai Ne
Yahi Miraj Bakshi Hai
Ke Main Jo Lafz Likhti Huun
Woh Saare Lafz Rotey Hain
Mai Jo Hurf Bunti Huun
Woh Saare Bain Karte Hain
Mere Sang Iss Judai Mein
Mere Alfaz martey Hain
Sabhe Tarif Karte Hain
Meri Tehreer Ki Lekin
Kabhi Koi Nahi Sunta
Mere Alfaz Ki Siski
Falak Bhi Jo Hila Daale
Mere Lafzon Mein Hai Shamil
Ussi Taseer Ke aansoo
Kabhi Dekho Mere Humdum
Meri Tehreer ke aansoo
Re: Competition
**kal raat bohat toot k barsa tha ye baadal
aur ham ne b ashkon mein bhigo diye aanchal
ye dil ki lagi chain se rehnay de to sochain
kiyoon phailta jaata hai meri aankh ka kajal
is dil sey koi poochhay ye zeest kati kiyoon kar
jab jaan ye shikasta thi dil ghum se tha ghayal
phir yaad tujhay kar ke ye nain barastey hain
jab shaam dhalay dard ka utthe koi baadal**
Re: Competition
3rd Post
**Jamal-e.Yaar Ko Dekhon
Kamal-e-Yaar Sey Pehley
Main Khushbu Ki Tarha
Mehkon Khayal-e-Yaar Sey Pehley
Krishmein Husan K Suraj,
Sitarey
Phool
Zahir Hain
Magar Main KIs Taraf Dekhon
Misal-e-Yaar Sey Pehley
Duaon Main Meri Youn To Bohat
Taser Hai Lekin
Khud Sey Aur Kiya Mangun
Sawal-e-Yaar Sey Pehley
Hai Adat Door Rehney Ki Agar
Wo Samne Aye
Main Sham-e-Zindagi Chahon
Wisal-e-Yaar Se Pehley
Sabhi Mosam Hoon Khushiyon K
Jahan Us Ka Basaira Ho
ZameneY Ko Badal Daloon
Zawal-e-Yaar Sey Pehley
**
Dedicated To Paris :-)
Re: Competition
**Dard minnat kash e dawa na hua,
Main na acha hua, bura na hua !
Jama karte ho kyon raqeebon ko,
Ek tamasha hua, gila na hua !
Hum kahan qismat aazmane jayein,
Tu hi jab khanjar aazma na hua !
Kitne sheerein hain tere lab ke raqeeb,
Gaaliyan kha ke be maza na hua !
Hai khabar garm un ke aane ki,
Aaj hi ghar mei boriya na hua !
Kia wo namrood ki khudai thi,
Bandagi mein mira bhala na hua !
Jaan di, di hui usi ki thi,
Haq to yun hai ke haq ada na hua !
Zakhm gar dab gaya, lahu na thama,
Kam gar ruk gaya, rawaa na hua !
Kuch to parhiye ke log kehte hain,
Aaj Ghalib ghazal sara na hua !!
**
