Darwesh is relatively new in the Gupshup community. He is completing his first year with us in this month. I do not know much about him but whatever interaction I had with him and according to the extent I read his own poetry and his selection, he looks to be a very mature person. He has only 13 threads to his credit - 12 of them appearing in Poetry forum and only one went to the Cafe. You can easily call him a silent surfer but you will have to acknowledge that he does know what is good poetry and what is not. I also understand that he prefers “proper poetry” over “popular poetry.” Perhaps therefore I give special attention to his comments in my threads. With a strong Urdu knowledge and vocabulary, darwesh composes very meaningful poetry. He is a highly valuable addition to the assets of Shora-e-Gupshup. I sincerely hope that he shares with us more of his work.
Ba’zubaan-e-shaer
Bohat Mukhtasar Sa Taaruff Hia Mera, Na Dard e Daroon Hun Na Raaz e Nihan Hun
Kitabon Main MUjhko Kahan Dhoondte Ho
Main Chahron Pe Likkhi Hui Daastaan Hun !!
Shairee Mizaaj Main hai, iss liye Nazmain Kah leta hun, Ghazlen
Kahne se Ziyaada Sunne Ka Shouq Hai, Classical Music meri Kamzoori Hai, magar Bunyaadi taur par main Playwright Yani Drama Nawees hun.
Duniya Ka safa(Suffer english main) kar chuka hun, safar mera
muqqadar hai, aajkal Toronto main Gosha Nasheen hun. Adab woh bhi "Urdu Adab "ka Tifl e Maktab hun, Tassawuf se lagao hai…iss liye Darwesh hun.
(1)
.................. BE CHEHRA ! .......................
Ujle Chehre Maile Chehre,
Zinda Aur Tabinda Chehre,
Pazmurdah Pathreele Chehre,
Sachhe Aur Sajeele Chehre,
Karwe Aur Kaseele Chehre,
Chehron Ki Iss Bheer Main Tanha-
Apna Chehre Dhoond Raha Hun,
Be Chehre - Main Ghoom Raha Hun !!!
Subway Ki Maili Seerhi Par,
Yeh Kon Hai Baithi, Bojhal Si-
Inn Aankhon Main Ek Hasrat Hai,
Inn Honton Par Kuch Larzish Hai,
Yeh Jism Se Hai Kuch Pazmurdah,
Chehre Se Hai Kuch Bahki Si,
Yeh Kaise Ram Ki Seeta Hai,
Yeh Kis Adam Ki Hauwwa Hai,
Yeh Kiski Bahan Aur Beti Hai,
Iss Aadhi Raat Akele Main,
Yeh Kiss Ki Rahen Takti Hai,
Kiya Iska Koi Beeran Hai,
Ya Sab Hain Iske Saudayee,
Yeh Kaisi Reet Mere Bhai,
Yeh Kaisa Des Hai Harjayee !!!
Hum -
Ke Shatranj Ke Mohron Ki Tarha,
Waqt -
Sangeen Bisaat,
Aur Qudrat Ki Yeh Turfa Chalen,
Khel Hi Khel Main Bas,
Kaam Tamaam !!!
(3)
.................. AA'O AAJ KE MAN SOONA HAI !............
Jungle Basti Tanha Tanha,
Suraj Bhi Rasta Bhoola Hai,
Kirnen Kuch Maddhim Lagti Hain,
Aaj Sakkhhi Kiya Baat Huyee Hai,
Panchee Sab Khamoosh !
Hare Paat Kuch Kahna Chahen,
Jharee Sargoshi Karti Hai,
Purwayee Dheere Bahti Hai,
Ban Parbat Biyakul Rahti Hai,
Paghdandee Par Ja Baithi Hai,
Sajan Nahi Sidhare ?
Qudrat Ke Sab Khel Ruke Hain,
Sajan Darshan Ko Tarse Hain,
Tum Sang Kiya Kuch Din Beete They,
Yaad Ke Sare Dar Khulte Hain,
Aa'o Hum Kuch Doo'r Chalen Phir,
Aa'o Aaj Ke Man Soona Hai !!!
(4)
.......................... ZAKHMI ANAA .....................
Aankhen Khushk,
Magar Dil Bheeg Raha Hai,
Mere Andar Baitha -
Koi Toot Rahaa Hai,
Rafta Rafta Mujhse
Shaid -
Rooth Raha Hai !!!
(6)
...................... NOOR KE NAAM ........................
Aik Urte Huwe Panchee Ka Nasheman Tum Ho
Zakhm Se Choor Mere Mere Qalb Ki Dharkan Tum Ho
Jiska Mohtaaj Sikandar Tha Woh Taqdeer Ho Tum
Naaz Ho Jispe Mussawir Ko Woh Tasweer Ho Tum!!!
(7) NEW YORK......... SHAHR PATHAR KA..........................
Yeh Shahr E Tamanna Tou
Ek Shahr Hai Pathar Ka,
Phir Shahr E Tamanna Se
Kyun Rakhte Ho Umeeden,
Yan Rasm Bhi Pathar Ki
Umeeden Hain Pathar Ki
Yan Phool Bhi Pathar Ke
Kante Bhi Hain Pathreeley,
Hain Khalq Tou Pathar Ke
Ekhlaaq Bhi Pathreeley
Yan Farsh Tou Tha Pathar
Aur Arsh Bhi Pathreeley,
Ma'aien Bhi Hain Pathar Ki
Aulaad Bhi Pathreeley
Yazdan Bhi Huwa Pathar
Karoobiyan......... Pathreeley,
Pathar Ka Nagar Dekha
Pathar Ka Jigar Dekha,
Make Up Ka Kohar Lekar
Rukhsaar Bhi Pathreeley,
Mashriq Se Tou Ghabraye
Maghrib Se Youn Lalchaye,
Aane Ko Yahan Aaye
Aur Aake Bhi Pachtaye,
Ab Waqt Yeh Kahta Hai
Aage Hi Barhe Jao,
Peeche Jo Kabhi Dekha
Ho Jao'ge Ke Pathar Ke !!!
(8)
............ MAIN KE TERA PAHLA LAMS NAHI THA! ..................
Main Ke Tera Pahla Lams Nahi Tha
Na tu Meri Pahli Khushboo.....
Main Na Tera Mustaqbil Tha
Na Tu Meri Sang e Hidayat,
Phir bhi Hum Ek Jaan Do Qalib
Ek Dooje Main Jari Saari
Ajab Safar Ke Saathi Hain,
Maazi Haal Aur Mustaqbil Se-
Be Bahra Hain,
Farda Aur Imrooz Ka Jhagra-
Be Ma'ani Hai,
Manzil Mausam Beeti Baten
Gunah Sawaab Aur Jannat Dozakh
Sab Maazi Hain,
Wafaa Jafaa Sab Bhool Chuke Hain
C h a h a t -
Ek Fitri Jazba Hai,
Bas Hum Iss Jazbe Ki Khatir
Manzil Se Kuch Aage Jayen,
Iss Se Pahle -
Waqt Kahen Kuch Ruk Sa Jaye,
Aa'o Hum Ek Khwaab Bachain,
Tum Chaho Tou,
Mujhse Phir Ek Geet Likkhao,
Jab Tak Qalam Main Lali Jage
Naam Tera Main Likhta Jaoon,
Kabhi Tera Dil Rakh Lene Ko
Kabhi Adab Main Jee Lene Ko
Main Phir Likkhon,
Tu Mere Sanson Ki Rim jhim
Main Tere Honton Ki Garmi
Tou Meri Aankhon Main Roushan
Main Teri Dharkan Main Shamil
Tujhse Meri Tahreerain Zinda
(10)
....................... GHANEEMAT HAI ......................
Yeh Jo Hum Main Tum Main Chahat Hai
Aur Dil Ko Dil Se Rahat Hai,
Yahi Ghaneemat Hai !
Yeh Jo Silsila Hai Sanson Ka
Aur Housla Hai Baton Ka
Yahi Ghaneemat Hai !
Jo Sukhan Abhi Salamat Hai
Jo Qalam Main Kuch Sadaqat Hai
Yahi Zindagi Ka Hasil Hai
Yahi Karamat Hai !
Yeh Safar Tou Tham Hi Jaye Ga
Aur Saathi Choot Jayenge
Jo Jahan Hai Bas Waheen Hoga
Jo Suna Hai Bas Wohi Hoga
Jo Huwa Hai Phir Nahi Hoga
Yahi Haqeeqat Hai !
Jo Yeh Sach Hai Aur Atal Bhi Hai
Tou Phir Aagahi Ka Rona Kiya
Jo Nahi Mila Haqeeqat Tha
Jo Mila Wohi Ghaneemat Hai !!!
quote=Amal
...................... NOOR KE NAAM ........................
Aik Urte Huwe Panchee Ka Nasheman Tum Ho
Zakhm Se Choor Mere Mere Qalb Ki Dharkan Tum Ho
Jiska Mohtaaj Sikandar Tha Woh Taqdeer Ho Tum
Naaz Ho Jispe Mussawir Ko Woh Tasweer Ho Tum!!!
[/quote]
Apki Dilchaspi aur Shauq sar aankhon par, magar yaqeen maniye, iss Noor ko humne bhi sirf apne Khayaal ki Aankhon se dekha hai, **
*Yeh meri Sadhna hai, My Muse, har writer kisi Shakhsiyat Ya Kisi Naam se Impress *ho jata hai, phir usko zahan main basaleta hai, iski Parastish karta hai,** aur in tamaam exercise ke , pas e pardah, uski shayiri Jawaan hoti hai, **
**Ye Kiya kam hai.. ke Chaar Kamyaab Misre Hue...kisi Noor ki wajha se. Humne bohat sare doston ke naam bohat sare ashaar likkhe hain, zindagi rahi, to aapke liye bhi kabhi kuch likkhonga. Waise Noor Mere Ek Drama ke main Character ka naam tha, iske liye yeh likha tha. khushbash.... darwesh.
derwaish bha....
khushbash, waqai apka andaz e bayan pur josh aur dil gudaz hy.guman galib hy ky ap yaqeenan kisi azeem ustaad se faizyaab ho rahy hein...apki zuban e sukhan haqeeqatan pur lutf aur saqeel hy........
[QUOTE]
Yeh Safar Tou Tham Hi Jaye Ga
Aur Saathi Choot Jayenge
Jo Jahan Hai Bas Waheen Hoga
Jo Suna Hai Bas Wohi Hoga
Jo Huwa Hai Phir Nahi Hoga
Yahi Haqeeqat Hai !
Jo Yeh Sach Hai Aur Atal Bhi Hai
Tou Phir Aagahi Ka Rona Kiya
Jo Nahi Mila Haqeeqat Tha
Jo Mila Wohi Ghaneemat Hai !!!
[/QUOTE]
bohat acha laga perh kay last nazam ka subject bohat zaberdast hay
first one or durwaish yeh bhi bohat Alla hay ..keep it up
Karam hai aapka, Nawazish, main khud ko tifl e maktab samajhta hun, **
*mera koi Ustaad nahi, Ghar ka Mahoul Shairana tha, Bachpan se *
**bigar chuka tha, aur ab Darwesh,
yeh chaar misre aapke liye: MUJH SE POUCHO KE ZINDAGI KIYA HAI, MAIN NE HANS HANS KE GHAM CHUPAYE HAIN AIK LAFZ E KHULOOS KI KHATIR ZINDAGI BHAR FARAIB KHAYE HAIN,
Waqt aur Halaat Shair Banata hai, waise Urdu main ne school ke nisaab main nahi parha, ghar par iski taleem hasil ki hai....