Re: Best Ghazals
Hi Guys
thank you for sharing such an excellent shairi it is after ages I have enjoyed reading nice poetry thank you everyone. God bless you all and Rashid Ali thanks for koi yeh kaisai bataye woh tanha kyon hai as I have been looking for it for some time now I know it is sang by Jangjit Singh used in Henna drama but actual ghazal I was looking for thanks again.
Regards
One whose day became great after reading this thread
Re: Best Ghazals
thanks Sashak
Re: Best Ghazals
you welcome rashis ali
Re: Best Ghazals
ab ke ham bichde to shayyad kabhi khwaboN meiN milaiN
jis tarah sookhay huey phool kitaaboN meiN milaiN
dhonda ujray huey logoN maiN wafa ke moti
yeh khazane tujhe mumkin hai kharaboN maiN milaiN
gham-e dunya bhi gha-e yaar main shamil kar lo
nasha badhta hai sharabain jo sharabon main milaiN
ab na woh maiN hoon, na woh tu hai, na woh maazi hai 'faraz'
jaisay do shakhs tammanna kay saraboN maiN milaiN
Re: Best Ghazals
nice choice Rashid
Re: Best Ghazals
| zikr-e-shab-e-firaaq se vahashat use bhii thii
zikr-e-shab-e-firaaq se vahashat use bhii thii mujh ko bhii shauq thaa naye cheharo.n kii diid kaa us raat der tak vo rahaa mahv-e-guftaguu sunataa thaa vo bhii sab se puraanii kahaaniyaa.N mujh se bichha.D ke shahar me.n ghul mil gayaa vo shaKhs vo mujh se ba.Dh ke zabt kaa aadii thaa jii gayaa |
Re: Best Ghazals
abhii kyaa kahe.n abhii kyaa sunaaye.n
ke sar-e-fasiil-e-sukuut-e-jaa.N
kuf-e-roz-o-shab pe sharar numaa
vo jo harf jarf charaaG thaa
use kis havaa ne bujhaa diyaa
kabhii lab hile.nge to puuchhanaa
sar-e-sahar-e-ahad-e-visaal-e-dil
vo jo nikahato.n kaa hujuum thaa
use dast-e-mauj-e-firaaq ne
tah-e-Khaak kab se milaa diyaa
kabhii gul khile.nge to puuchhanaa
abhii kyaa kahe.n abhii kyaa sunaaye.N
yuu.N hii Khvaahisho.n ke fishaar me.n
kabhii be-sabab kabhii beKhalal
kahaa.N kaun kis se bichha.D gayaa
kise kis ne kaise ga.Nvaa diyaa
kabhii phir mile.nge to puuchhanaa
Re: Best Ghazals
Aks-e-khushboo hoon bikharne se na roke koi
aur bikhar jaon to mujh ko na samaitay koi
kanp uthti hoon main ye sooch kay tanhai main
mere chehray pe tera naam na padh lay koi
jis tarah khwaab mere ho gaye raiza raiza
is tarah se na kabhi toot kay bikhray koi
main to us din say harasan hoon kay jab hukam milay
khushk phoolon ko kitabon main na rakhay koi
ab to is rah say wo shakhs guzarta hi nahin
ab kis umeed pe darwazay se jhankay koi
koi aahat, koi awaz koi chaap nahin
dil ki galyaan badi sunsan hain aaye koi
Re: Best Ghazals
Woh ju eik omr say musroof ibadat main thay
Ankh kholi tu abhi arsa zulmaat main thay
Nah yeh taqdeer ka likha tha nah minshaye kudha
Hadsaat ju muje pay guzray meray halaat main thay
Mein nay ki hadh-e-nazar paar tu yeh raaz khula
AsmaaN thay tu faqat meray khiayalaat main thay
Iss subab say bhi tu main qabil-e-nafrat tahra
Jitnay johar thay mohubaat kay sab meri zaat main thay
Sirf shaytaan hi nah tha munkar-e-takreem Nadeem
Arsh par jitnay firsthay thay meri ghaat main thay
Ahmed Nadeem Qasmi
Re: Best Ghazals
jis simt bhii dekhuu.N nazar aataa hai ke tum ho
ai jaan-e-jahaa.N ye ko_ii tum saa hai ke tum ho
ye Khvaab hai Khushbuu hai ke jho.nkaa hai ke pal hai
<O:p</O:pye dhundh hai baadal hai ke saayaa hai ke tum ho
is diid kii sa_aat me.n ka_ii rang hai.n larazaa.N
mai.n huu.N ke ko_ii aur hai duniyaa hai ke tum ho
dekho ye kisii aur kii aa.Nkhe.n hai.n ke merii
<O:pdekhuu.N ye kisii aur kaa cheharaa hai ke tum ho
ye umr-e-gurezaa.N kahii.n Thahare to ye jaanuu.N
har saa.Ns me.n mujh ko ye lagataa hai ke tum ho
har bazm me.n mauzuu-e-suKhan dil zad_gaa.N kaa
<O:pab kaun hai shiirii.n hai ke lailaa hai ke tum ho
Re: Best Ghazals
Wow Guys, thanks for sharing such a beautiful piece of poetry, specially rashidali your selection is very good, keep sharing :-)
Re: Best Ghazals
Thanks Gul-e-tasbeeh
Re: Best Ghazals
sunaa hai log use aa.Nkh bhar ke dekhate hai.n
so us ke shahar me.n kuchh din Thahar ke dekhate hai.n
sunaa hai rabt hai us ko Kharaab haalo.n se
so apane aap ko barbaad karake dekhate hai.n
sunaa hai dard kii gaahak hai chashm-e-naazuk us kii
so ham bhii us kii galii se guzar kar dekhate hai.n
sunaa hai us ko bhii hai sher-o-shaayarii se shagaf
so ham bhii mojaze apane hunar ke dekhate hai.n
sunaa hai bole to baato.n se phuul jha.Date hai.n
ye baat hai to chalo baat kar ke dekhate hai.n
sunaa hai raat use chaa.Nd takataa rahataa hai
sitaare baam-e-falak se utar kar dekhate hai.n
sunaa hai hashr hai.n us kii Gazaal sii aa.Nkhe.n
sunaa hai us ko hiran dasht bhar ke dekhate hai.n
sunaa hai din ko use titaliyaa.N sataatii hai.n
sunaa hai raat ko jugnuu Thahar ke dekhate hai.n
sunaa hai raat se ba.Dh kar hai.n kaakule.n us kii
sunaa hai shaam ko saaye guzar ke dekhate hai.n
sunaa hai us kii siyaah chashmagii qayaamat hai
so us ko surmaafarosh aa.Nkh bhar ke dekhate hai.n
sunaa hai us ke labo.n se gulaab jalate hai.n
so ham bahaar par ilzaam dhar ke dekhate hai.n
sunaa hai aa_iinaa tamasaal hai jabii.n us kaa
jo saadaa dil hai.n ban sa.Nvar ke dekhate hai.n
sunaa hai jab se hamaa_il hai.n us kii gardan me.n
mizaaj aur hii laal-o-gauhar ke dekhate hai.n
sunaa hai chashm-e-tasavvur se dasht-e-imkaan me.n
palang zaave us kii kamar ke dekhate hai.n
sunaa hai us ke badan ke taraash aise hai.n
ke phuul apanii qabaaye.N katar ke dekhate hai.n
vo sarv-qad hai magar be-gul-e-muraad nahii.n
ke us shajar pe shaguufe samar ke dekhate hai.n
bas ek nigaah se luTataa hai qaafilaa dil kaa
so rah_ravaan-e-tamannaa bhii Dar ke dekhate hai.n
sunaa hai us ke shabistaan se muttasil hai bahisht
makiin udhar ke bhii jalve idhar ke dekhate hai.n
ruke to gardishe.n us kaa tavaaf karatii hai.n
chale to us ko zamaane Thahar ke dekhate hai.n
kise nasiib ke be-pairahan use dekhe
kabhii kabhii dar-o-diivaar ghar ke dekhate hai.n
kahaaniyaa.N hii.n sahii sab mubaalaGe hii sahii
agar vo Khvaab hai taabiir kar ke dekhate hai.n
ab us ke shahar me.n Thahare.n ki kuuch kar jaaye.N
'Faraz' aao sitaare safar ke dekhate hai.n
Re: Best Ghazals
kabhii yuu.N bhii aa merii aa.Nkh me.n ke merii nazar ko Khabar na ho
mujhe ek raat navaaz de magar uske baad sahar na ho
vo ba.Daa rahiim-o-kariim hai mujhe ye sifat bhii ataa kare
tujhe bhuulane kii duaa karuu.N to duaa me.n merii asar na ho
mere baazuo.n me.n thakii thakii , abhii mahav-e-Khvaab hai chaa.Ndanii
na uThe sitaaro.n kii paalakii, abhii aahaTo.n kaa guzar na ho
ye Gazal ki jaise hiran kii aa.Nkho.n me.n pichhalii raat kii chaa.Ndanii
na bujhe Kharaabe kii roshanii, kabhii becharaaG ye ghar na ho
vo firaaq ho yaa visaal ho, terii yaad mahakegii ek din
vo gulaab ban ke khilegaa kyaa, jo chiraaG ban ke jalaa na ho
kabhii dhuup de, kabhii badaliyaa.N, dil-o-jaa.N se dono.n qubuul hai.n
magar us nagar me.n na qaid kar jahaa.N zindagii kii havaa na ho
kabhii din kii dhuup me.n jhuum ke kabhii shab ke phuul ko chuum ke
yuu.N hii saath saath chale.n sadaa kabhii Khatm apanaa safar na ho
mere paas mere habiib aa zaraa aur dil ke qariib aa
tujhe dha.Dakano.n me.n basaa luu.N mai.n ke bichha.Dane kaa kabhii Dar na ho
Re: Best Ghazals
mohabbat kii tabiyat me.n **
**ye kaisaa bachapanaa qudarat ne rakkhaa hai
ke jitanii puraanii jitanii bhii mazabuut ho jaaye
ise taa_iid-e-taazaa kii zaruurat phir bhii rahatii hai
yaqii.n kii aaKhirii had tak dilo.n me.n lah_lahaatii ho
nigaaho.n se Tapakatii ho lahuu me.n jag_magaatii ho
hazaaro.n tarah se dil_kash hasiin haale banaatii ho
use izhaar ke lafzo.n kii haajat phir bhii rahatii hai
mohabbat maa.Ngatii hai yuu.N gavaahii apane hone kii
ke jaise tifl-e-saadaa shaam ko ik biij boye
aur shab me.n bauraa uThe
zamii.n ko khod kar dekhe **
**ke paudhaa ab kahaa.N tak hai
mohabbat kii tabiyat me.n ajab takaraar kii Khuu hai
ke ye iqraar ke lafzo.n ko sunane se nahii.n thakatii
bichha.Dane kii gha.Dii ho yaa ko_ii milane kii sa'at ho
ise bas ek hii dhun hai **
**kaho mujh se mohabbat hai
kaho mujh se mohabbat hai
kuchh aisii besakuunii hai vafaa kii sar_zamii.no.n me.n
ke jo ahal-e-mohabbat ko sadaa bechain rakhatii hai
ke jaise phuul me.n Khsuhbuu ke jaise haath me.n taaraa
ke jaise shaam kaa taaraa
mohabbat karane vaalo.n kii sahar raato.n me.n rahatii hai
gumanaam ke shaaKhcho.n me.n aashiyaa.N banataa hai ulfat kaa
ye ain visaal me.n bhii hijr ke Khadsho.n me.n rahatii hai
mohabbat ke musaafir zindagii jab kaaT chukate hai.n
thakan kii karachiyaa.N chunate vafaa kii ajarake.n pahane
samay kii rah_guzar kii aaKhirii sarhad pe rukate hai.n
to ko_ii Duubatii saa.Nso.n kii Dorii thaam ker
dhiire se kahataa hai
ke ye sach hai naa
hamaarii zindagii ik duusare ke naam likhii thii
dhundhalakaa saa jo aa.Nkho.n ke qariib-o-duur phailaa hai
isii kaa naam chaahat hai
tumhe.n mujh se mohabbat thii
tumhe.n mujh se mohabbat hai
mohabbat kii tabiyat me.n
ye kaisaa bachapanaa qudarat ne rakkhaa hai
Re: Best Ghazals
bohat khoob :)
Re: Best Ghazals
vo to Khushbuu hai havaao.n me.n bikhar jaayegaa
masalaa phuul ka hai phuul kidhar jaayegaa
ham to samajhe the ke ek zaKhm hai bhar jaayegaa
kyaa Khabar thii ke rag-e-jaa.N me.n utar jaayegaa
vo havaao.n kii tarah Khaanaa_bajaa.N phirataa hai
ek jho.nkaa hai jo aayegaa guzar jaayegaa
vo jab aayegaa to phir us kii rafaaqat ke liye
mausam-e-gul mere aa.Ngan me.n Thahar jaayegaa
aaKhirash vo bhii kahii.n ret pe baiThii hogii
teraa ye pyaar bhii dariyaa hai utar jaayegaa
4 u
Re: Best Ghazals
ret par likh ke meraa naam miTaayaa na karo
aa.Nkhe.n sach bolatii hai.n pyaar chupaayaa na karo
log har baat kaa afsaana banaa lete hai.n
sab ko haalaat kii rudaad sunaayaa na karo
ye zaruurii nahii.n har shaKhs masiihaa hii ho
pyaar ke zaKhm amaanat hai.n dikhaayaa na karo
shahar-e-ehasaas me.n pattharaav bahut hai.n 'Mohsin'
dil ko shiishe ke jharo.nkho.n me.n sajaayaa na karo
Re: Best Ghazals
hum nay seekha hi nahi shikwa shikayat kerna, hum tou zakhmo ko b seenay pey saja letay hai. :( 4 u
Re: Best Ghazals
kis ko qaatil mai.n kahuu.N kis ko masiihaa samajhuu.N
sab yahaa.N dost hii baiThe hai.n kise kyaa samajhuu.N
vo bhii kyaa din the kii har vaham yaqii.n hotaa thaa
ab haqiiqat nazar aaye to use kyaa samajhuu.N
dil jo TuuTaa to ka_ii haath duaa ko uThe
aise maahaul me.n ab kis ko paraayaa samajhuu.N
zulm ye hai ke hai yaqtaa terii begaanaa-ravii
lutf ye hai ke mai.n ab tak tujhe apanaa samajhuu.N