Best Ghazals

rashidali · October 11, 2006, 7:44am

Please contribute your favourite ghazals

this is the first one

Tujhe Izhar-e Muhabbat se agar nafrat hai
tu ne honton ko larznay say to roka hota

be niazi se magar kanpti awaz ke saath
tu ne ghabra ke mera naam na poocha hota

tera ghamaz bana khud tera andaz-e-kalam
dil na sambhla tha to qadmon ko sambhala hota

yun to huin mujh se sirf aab-o-hawa ki batain
apne tootay huay fikron ko to parkha hota

tere bas main thi agar mashal-e-jazbat ki lau
tere rukhsar pe gulzar na badhka hota

apne badlay meri tasveer nazar aa jati
tu ne us waqt agar aaina daikha hota

poochta kaun hai seepi main chupe moti ko
jo tere dil main tha honton pe bhi aaya hota

goodnews · October 11, 2006, 12:13pm

Re: Best Ghazals

Achi ghazal ka intikhab kia Rashid Ali sahib. I not have Ghazal this time but I would like to share Nazm of Sannan Ahmed ,
*~~Hamaisha Yaad Rakhoun Ga ~~ *
Hazar Meel
Lambi Musafatain
Woh Tamam Shub
Key Batain
Woh Hamari Sitaroon
Main Mulaqatain
Hameesha Yaad Rakhoon Ga
Woh Meray Mazi Key
Har Talkh Yaad Ko Mita Daian
Mujhay Zindagi Key
Janab Bula Laina
Tera Mujh Ko Sameet Laina
Hameesha Yaad Rakhoon Ga
Main Chand Ka Tamanai
Bananana Naheen Chahta
Main Khawab Ko Haqeeqat
Bananan Naheen Chahta
Keon Kah Chand Aur Khawab Ko
Hum Sirf Daikh Saktay Hain
Paa Naheen Saktay
Leekan Aay Meray Maseeha
Main Tujh Ko Aur Teri Maseehai Ko!!!!!
Hameesha Yaad Rakhoon Ga

Ehsass · October 11, 2006, 3:45pm

Re: Best Ghazals

buhat achi ghazal share ki ap ne rashid ,aur goodnews ap ki nazm bhi buhat umda hai

Ehsass · October 11, 2006, 3:52pm

Re: Best Ghazals

*this is my fav ghazal *

*Wohi Gardishain Wohi Paich-O-Khum Teray Baad Bhi *
*Wohi Hoslay Maray Dam Ba Dam Teray Baad Bhi *
*Taray Saath Bhi Mari Her Jafa Mujha Moatber *
*Taray Saray Ghum Mujhay Mohtaram Teray Baad Bhi *

*Taray Gham Se Hai Meri Har Khusi Main Waqar Sa *
*Maray Haal Pay Hain Taray Karam Teray Baad Bhi *
*Barhay Muztarib Meray Rastay Teray Baad Bhi *
*Barhay Pur Sukoon Hain Meray Qadam Teray Baad Bhi *

*Taray Saath Bhi Meri Her Khuhsi Teri Muntazir *
*Tari Muntazir Meri Chasm-e-Ghum Teray Baad Bhi *
*Taray Saath Thi Meri Dastrus Main Jo Roshani *
*Fakat Ek Pal Kabhi Subha-e-Dum Teray Baad Bhi *

*Tujhay Jaan-e-Ghum Jo Kaha Kabhi To Ghalat Kaha *
*Meri Zindgaii Kay Jawan Hain Ghum Teray Baad Bhi *
*Tujhe Pass Ahad-E-Wafa Raha Maray Saath Kub? *
*Mujhay Jaan Se Bher Ker Tara Bharam Teray Baad Bhi *

*Maray Baad Kitna Hee Roop Tu Na Badal Liye *
*Main Wohi Hoon Abb Bhi Teri Qasam Teray Baad Bhi *
*Tu Kisi K Qalb-E-Aarzoo Main To Dhal Gaya ! *
*Main Na Ho Saka Kabi Khud Main Zum Teray Baad Bhi *

Tari Aahatoon Ka Ghudaaz Tha Mara Hum Safar **
*Yehi Ek Ghumaan Mara Hum Qadam Teray Baad Bhi *
*Tu Chala Gaya Sabhi Qhaqahoon Ko Samait Ker *
**Maray Pass Hai Mera Zurf-E-Ghum Teray Baad Bhi

Jhanjharewali · October 11, 2006, 9:54pm

Re: Best Ghazals

Bahot mushkil baat hai ek hi fave ghazal hona ;). here is one that I listen to more often.

Lab-e-khamosh se izhaar-e- tamanna chahe
baat karne ko bhi tasveer ka lehjaa chahe

tu chale saath toh aahat bhi na aaye apni
darmiyan hum bhi na ho yun tujhe tanha chahe

khwaab mein royen toh ehsaas ho sairaabi ka
ret pe soye magar aankh mein dariya chahen

aese tayraaq bhi dekhen hain Muzaffar humne
garq hone ke liye bhi jo sahara chahen

goodnews · October 11, 2006, 11:47pm

Re: Best Ghazals

Buhat khub Ehsas or Nazm ki pasandidgi ka shukriya

goodnews · October 11, 2006, 11:48pm

Re: Best Ghazals

Jhanjhawali buhat umda:k:

sunny_nicky · October 12, 2006, 2:47am

Re: Best Ghazals

buhat khoooooob

isolatedgurl · October 12, 2006, 2:52am

Re: Best Ghazals

One frm ma dairy

Jahan Jahan barsat utartay dekhi hai
Har soo teri yaad bikartay dekhi hai
Tum say phele dil sa duzdil koi nah tha
Aur phir dil say duniya darti dekhi hai
Veeranay bhi hum nay dekhay chalte phirte
Kahmoshi bhi baatein kartay dekhi hai
Dil kay gehray sunatay mein raaton ko
Kabhi kabhi eik kook ubarti dekhi hai
Bus eik jeenay ki kawahish thi aur woh bi
Hum nay apni ankhoin marti dekhi hai

Farhat Abbas Shah

rashidali · October 12, 2006, 3:21am

Re: Best Ghazals

Buhat umda,
Jhanjharewali aapke Intikhaab ki jitni bhi tareef ki jaye kam hai,

Now one more

Kabhi shakiston kay dukh uthaye to us say poochon
wo meri manind toot jaye to us say poochon

Koi sitara usay bhi manzil say dur kar day
usay bhi rasta nazar na aaye to us say poochon

Safar main wo bhi kisi kade imtihan say guzray
usay bhi yun koi aazmaye to us say poochon

Usay muhabbat main kaun sa dukh diya hai main nay
Kabhi nazar se nazar milaye to usay poochon

meri tarah din chadhe talak wo bhi soye SALAK
usay bhi shab bhar na neend aaye to us say poochon

Addie · October 12, 2006, 3:31am

Re: Best Ghazals

Kiya baat hai janab rashid sahib, "us say poochon" buhat achchi hai.

Now one more

Kabhi shakiston kay dukh uthaye to us say poochon
wo meri manind toot jaye to us say poochon

Koi sitara usay bhi manzil say dur kar day
usay bhi rasta nazar na aaye to us say poochon

Safar main wo bhi kisi kade imtihan say guzray
usay bhi yun koi aazmaye to us say poochon

Usay muhabbat main kaun sa dukh diya hai main nay
Kabhi nazar se nazar milaye to usay poochon

meri tarah din chadhe talak wo bhi soye SALAK
usay bhi shab bhar na neend aaye to us say poochon
[/quote]

Addie · October 12, 2006, 3:55am

Re: Best Ghazals

hont hero'n say na chehra hai sitare ki misal
phir bhi laade tu koi dost hamaray ki misal

mujh say kiya dobnay walon ka pata pochtay hoo
ma'n samandar ka hawala na kinaray ki misal

zindagi oor'h ka bethi thee ridai sahab-e-gham
tera gham taan'k diya ham nay sitare ki misal

aashiqi ko bhi hawis peshae tijarat janee
wisl hay naf'aa tu hijra'n hay khasaray ki misal

ham kabhi toot kay ro'ey na kabhi khul kay han'say
raat shabnam ki tarha'n subha sitare ki misal

na sipahi ki bhi ha'd hai jo ye kehtay ho FARAZ
zindagi ham nay guzari hai guzaray ki misal

rashidali · October 12, 2006, 4:47am

Re: Best Ghazals

Thanks Addie

Aik Nazam hai Faiz Ahmad Faiz Sb. Ki

Mujhay Muajzon pe yaqeen nahi
magar arzoo hai ke jab qaza
mujhay bazm-e- dehr se lay chalay
to ye izn de
ke lahad se laut ke aa sakon
tere dar pe aa ke sada karoon
tujhay ghamgusar ki ho talash
to tere huzoor pada rahoon

ye na ho to suay rahe adam
phir eik baar rawana hoon

SinlneR · October 12, 2006, 8:21pm

Re: Best Ghazals

Ahem... app sab ko.. bohot ziada dhiaroo daad deta ho.. yaar u ppl are doing so well.. i am like.. ahem.. well. will be cuming again here.. really luved all of ur works.. bohot khoob.. shall share sum of my fav soon..thanx

mahamkhan · October 12, 2006, 11:14pm

Re: Best Ghazals

very nice ghazals....all

goodnews · October 12, 2006, 11:32pm

Re: Best Ghazals

Wah!

goodnews · October 12, 2006, 11:33pm

Re: Best Ghazals

**Thanks & U R welcome 2:bb: **

isolatedgurl · October 13, 2006, 4:53am

Re: Best Ghazals

Eik kahni sabi nay sunai magar chaand kahmosh tha
Uss ki awaz ka muntazir tha nagar chaand kahmosh tha

Kon tha jis ki aahooN kay ghum main hawa sard thi shehar ki
Kis ki veran ankhooN ka lay kar asar chaand kahmosh tha

Woh ju sehta raha rat jagooN ki saza chaand ki chaa mein
Maar gaya jab tu noh KinaN thay shajar chaand kahmosh tha

Uss sa mil kay mein yooN kahmashi aur awaz main qaid tha
Eik sada tu meray sath thi hum safar chaand kahmosh tha

Kal kahin phir kudha ki zameeN pae koi saneha ho gaya
Mein nay kal raat jab bhi utayi nazar chaand kahmosh tha

rashidali · October 13, 2006, 9:23am

Re: Best Ghazals

Aik aur nazm hai Javed Akhtar ki

Main bhool jaon tumhain ab yahi munasib hai
magar bhulana bhi chahoon to kis tarah bhoolon

Keh , tum to phir bhi haqeeqat ho koi khwaab nahin
yahan to dil ka ye aalam hai kya kahoon, kambhakht

Bhula saka na ye, wo silsila jo tha hi nahin
wo ik khyal jo awaaz tak gaya hi nahin
wo aik baat jo main keh nahin saka tum se
wo aik rabt jo hum main kabhi raha hi nahin

mujhay hai yaad wo sab jo kabhi huwa hi nahi

agar hai dil ka yeh aalam to koi samjhaye
tumhain bhulana bhi chahoon to kis tarah bhoolon

Ke tum to phir bhi haqeeqat ho koi khwaaab nahi

Ehsass · October 13, 2006, 1:45pm

Re: Best Ghazals

buhat umda sharing ki hai ap sab logon ne