Bait Bazi Part - LXIX

GuL-e-Tasbeeh · July 4, 2003, 3:12pm

O be-wafa Aa sun zara merii rooh pe guzreeN jo qayamataiN
mera dil dukha tou buhat magar meray Lab pe ab bhi gilaa nahi
teray dostoN meiN tera bharm rahay yehi soch kar maiN chup raha
jo nigaah meiN thaa wuh chuhpa liya jo dil meiN tha wuh kaha nahi

Ye*

Amal · July 4, 2003, 4:33pm

**
Ye hameiN they jin ke libaas par sar-e-raah siyaahi likhi gai
yahi daag they jo saja ke hum sar-e-bazm-e-yaar chaley gaey

"ye"

GuL-e-Tasbeeh · July 5, 2003, 2:23pm

Ye soch kay lay ayaa huuN maiN jungle say kuch jugnoo
naa jaanay ab qismat meiN sehar hay ke nahi hay

Ye*

Amarbail1 · July 5, 2003, 5:33pm

Yun naqsh huwa aankh ki putlee mein woh chehra
Phir hum ne kisi aur ki surat nahee dekhee...

Next: Ye

Dilsay · July 5, 2003, 8:02pm

Ya he nahi ka hamain toor kar giya hai koyee
Usay behi khud ko bohat dair joorna hooga

i am sorry i did not have access... other wise i use to be on top of the list... sorry i am not there yet.....

Amarbail1 · July 5, 2003, 10:13pm

Aaj phir mehromeyoon ki dastaanain ourh kar
Khaak mein sone lagay hain Mein, Muhabbat aur Tum...

Next: Meem

system · July 6, 2003, 4:28am

meray yaaroN ko itni baat koi kash samjha day
haseenoN se kabhi aankhein larda kar kuch nahi miltaa

X_Communist · July 6, 2003, 8:23am

Asaniyon se pooch na manzil ka rasta
Apnay safar may rah kay pathar talaash kar
Zarray say Kainat ki tafseer pooch lay
Qatray ki wa'saton may samandar talash kar

Dilsay · July 6, 2003, 8:54am

Rah e wafa main jaab na mil saka koyee rafeeq
Hum sath sath apnay he siya kay chal deya

X_Communist · July 6, 2003, 10:01am

Yeh Khulay Khulay se gaysu, inheyn lakh tum sanwaro
Merey hath say sanwartay to kuch aur baat hoti

Amarbail1 · July 6, 2003, 11:14am

Yakjaa dikhaee doonga tumhein door se magar
Jab paas aaoge kaee hissoon mein paaaoge...

Next: Ye

Amal · July 6, 2003, 1:15pm

**

Ye khush-nazri khush nazar aaney ke leeye hey
andar ki udaasi ko chupaaney ke leeye hey

"ye"

Dilsay · July 6, 2003, 2:23pm

Yoon he udas raha tu dekhna ak din
Tamam shahar main tanhiyan becha doon ga

GuL-e-Tasbeeh · July 6, 2003, 4:37pm

Aek wisaal kii baarish say wuh saaray shikway dhoh day ga
yaani meray saath lipaT kay kuch na kahay gaa, ro day ga

Alif*

Dilsay · July 6, 2003, 6:14pm

Allah karay ka jahan ko mari yaad bhool jaya
Allah karay ka tum kabhi asa na kar sakoo

system · July 6, 2003, 6:23pm

Woh to khushboo hai hawaaoN me bikher jaaey ga
Mas'ala phool ka hai phool kidher jaaey gaa !!

Dilsay · July 6, 2003, 6:28pm

Abhi behi waqat hai tum loot jaoo
Mujahay tum say mohabat hoo chalee hai
Sookoon tari hai bazahir dill pay mari
Qiyamat is kay andar hoo chalee hai

Amarbail1 · July 7, 2003, 5:40am

Yaad bhi us ki yeh kehti huwi dil se nikli
Aisi ujri huwi basti mein bhala kya rehna...

Next :Alif

Amal · July 7, 2003, 1:16pm

**

Ab to us raah sey wo shaksh guzarta bhi nahiN
ab kis umeed pey darwazey sey jhaankey koi

"ye"

GuL-e-Tasbeeh · July 7, 2003, 2:23pm

Ye bhii mumkin hay ik diN wuh pash-e-maaN ho kar
teraY paas Aaey zamaanay say kinaara kar kay

Ye*