Bait Bazi - Part LXIV

Amal · September 22, 2002, 6:35pm

**
nazar meiN karb, laboN pe shikaaeteiN theeN bohat
wo din gaey jab diloN meiN mohabbateiN theen bohat
mila jo aaj to mosam ki baat karney lagaa
ye baat aur ke kehney ko hikayateiN theeN bohat

"tey"

GuL-e-Tasbeeh · September 22, 2002, 6:44pm

tu paas bhii ho tou diL beqarar apna hay
ke hum ko tera nahiN intezaaR apna hay

Next: ye*

Amal · September 22, 2002, 6:49pm

am off for a while. See you later.

**
Ye wafaa ka silsila hey to koi baat nahi
ye dard tum ney diya hey to koi baat nahi
tum hi ney aena-dil banaaya tha mujhey
tum hi ney torr diya hey to koi baat nahi

"ye"

GuL-e-Tasbeeh · September 22, 2002, 6:55pm

yeh FurqatoN ka GudaaZ mausam yeh wahshatoN ka udaas Sahra
maiN aesay mausam meiN kis tarha say muhabatoN ka Nisaab likhuN

Next: Noon*

Amal · September 22, 2002, 9:23pm

**
neend ka halka gulaabi sa khumaar aaNkhoN meiN tha
yuN laga jesey wo shab ko deir tak soya nahi

"ye"

Sohaib · September 22, 2002, 9:34pm

yeh haadsaa mujhay hairaan kar gaya sar-e-shaam
jo zakhm subha mila thaa woh bhur gaya sar-e-shaam

Milay thay hum kaheen kaar-e-jahaan ke mailay main
Usay bhi jaldi thi aur main bhi ghar gaya sar-e-shaam

Sohaib · September 22, 2002, 9:55pm

oops
sorry
'meem'

NikamiJano · September 22, 2002, 11:20pm

mereY zehaN ke qufal khol kar wo roshni ke saath saath
mereY dil ki dar-o-dewaaR paR apni tasvereiN sajaa gaya

"alif"

GuL-e-Tasbeeh · September 23, 2002, 10:02am

Aek Lamhay ki Tawajah nahiN haasiL uss ki
Aur yeh DiL keh ussay Had say siwaa chahta hay

Next: ye*

Dania · September 23, 2002, 10:35am

**
ye ahal-e-vafaa kis aag me.n jalate rahate hai.n
kyuu.N bujh ke raakh nahii.n hote**

GuL-e-Tasbeeh · September 23, 2002, 10:49am

ye haQeeqaT hay ke hota hay asar baatoN meiN
tum bhii khul jao gey do chaar mulaQaatoN meiN

Next: Noon*

Amal · September 23, 2002, 10:57am

**
Nahi ab to koi malaal bhi kisi waapsi ka khayaal bhi
gham-e-be-kasi ney mita dia merey dil meiN tha bhi agar koi

"ye"

GuL-e-Tasbeeh · September 23, 2002, 11:17am

yuuN barasatii haiN tasawur meiN puraanii yaadaiN
jaese barsaat meiN rim-jhim ka samaaN hota hay

Next: ye*

Amal · September 23, 2002, 11:22am

Nice one Gul:k:

Ye khaab hey, khusbhu hey ke jhonka hey ke pal ye dhund hey, baadal hey ke saaya hey ke tum ho

“wao”

GuL-e-Tasbeeh · September 23, 2002, 11:26am

shukriya, and Salaam !

wafa key sheesh mahaL meiN saja liya maiN ney
wuh ek diL jisey patthar bana liya maiN ney
kabhii na Khatm kiyaa maiN ney roshani ka muhaaz
agar chiraaG bujha, diL jala liya maiN ney

Next: ye*

Amal · September 23, 2002, 11:33am

Wa Alykum Assalaam

**
Ye khuley khuley sey gesu inhey laakh tum saNwaaro
merey haath sey sanwartey to kuch aur baat hoti

"ye"

GuL-e-Tasbeeh · September 23, 2002, 11:36am

yuuN lagey dost tera mujh sey Khafa ho jana
jis tarah phuuL sey Khushbu ka juda ho jana

Next: alif*

Amal · September 23, 2002, 11:39am

**
Aaj ke baad terey muqaddar meiN faqat din ho ga
teri khushyoN ki kabhi raat nahi hone deiN ge

"ye"

GuL-e-Tasbeeh · September 23, 2002, 11:42am

ye wahshteiN se udasi ye rutjagOoN ke azab
us ki hai ye inaayaat us se kah daiNa

Next: alif*

Amal · September 23, 2002, 11:46am

Off for now...will check back later :)

**
us ney rukh se hataa ke baaloN ko
raasta dey dia ujaaloN ko

"wao"