Bait Bazi - Part LXIV

Amal · September 28, 2002, 7:30pm

**
Is sey pehley ke rut badal jaaey
apney saarey gulaab ley jaana

"alif"

GuL-e-Tasbeeh · September 28, 2002, 7:43pm

Umeed-e-pursish-e-ghum kis say kijiye "Nasir"
Jo meray diL pe guzarti hay koi kyaa jaaney

Next: ye*

Amal · September 28, 2002, 8:00pm

**
Ye ehad wo hey ke meri wafaa ke qissaoN meiN
teri jafaa ki hikaayet bhi bayaaN ho gi

"ye"

Rameesha · September 28, 2002, 8:00pm

Yeh koon loog aandheerooN ki baat kartey haiN
abhi to chaand teri yaad key dhaley bhi naheen

GuL-e-Tasbeeh · September 28, 2002, 8:09pm

Na gharaz kisii say na waastaa, Mujhay kaam apnay kaam say,
Terey Zikr say, Teri Fikr say, Teri Yaad say, Terey Naam say.
Teri Subh-o-Aish hay Kya Balaa, Tujhay Aey Falak jo Ho HausLa,
Kabhi Kar Lay Aa kay Mukablaa, Ghum-e-Hijr-e-Yaar Ki Shaam say

Next: ye*

Amal · September 28, 2002, 8:12pm

**
Yaad aata hey mujhey us ka bicharrna Khawar
jab darkakhtoN ke ujarrney ka samaaN hota hey

"ye"

GuL-e-Tasbeeh · September 28, 2002, 8:20pm

yeh aag bujhti nahiN hay mujh say maiN thak geya hun bujha bujha kar
FiraaQ-e- jaana nay diL ko dozakh bana diya hay jala jala kar

Next: Re*

Amal · September 28, 2002, 8:23pm

**
Rang per'han ka, khushbu zulf lehraaney ka naam
mosam-e-gul hey tumhaarey baam par aaney ka naam

"meem"

GuL-e-Tasbeeh · September 28, 2002, 8:27pm

Moti haiN in ki teh meiN keh pathar kissay khabar
DiL tou samandroN say bhi geharay haiN dostou

Amal · September 28, 2002, 8:29pm

**
Wo jin ke sehan meiN ameeri ka shajar lagta hey
unka har aeib bhi zamaaney ko hunar lagta hey
meri maaN mujh sey naaraaz na ho jaaey kaheeN
sar pe aaNchal nahi hota to dar lagta hey

"ye"

Sohaib · September 28, 2002, 8:30pm

woh ishq jo hum se rooth gaya ab uss ka haal bataayan kya
koi mehr nahi, koi qehr nahi, koi sacha shair sunaayian kya...

"alif"

Rameesha · September 28, 2002, 8:30pm

Yeh ghurtateeN meri aankhooN meiN kaisi utreeN haiN
keh khwaab bhi mery rukhsat haiN, ratjaga bhi geya

GuL-e-Tasbeeh · September 28, 2002, 8:32pm

Ik dard ka phailaa hua sahara hay ke maiN huuN
Ik mauj maiN aaya hua dariya hay ke tum ho

Amal · September 28, 2002, 8:34pm

**
Wo chahm-e-mast kitni khabar'daar thi Adm
khud hosh meiN rahi hameiN bandaam kia

"alif"

GuL-e-Tasbeeh · September 28, 2002, 8:36pm

us nay khushbu say karaya tha ta'ruf mera
phir mujh ko bakheraa bhi hawa hi ki tarah

Next: he*

Rameesha · September 28, 2002, 8:38pm

^ hayee hayee hayee

Aisey mousam bhi guzarey hum ney
subheeN jab apni theen shameen uski

Amal · September 28, 2002, 8:38pm

**
Hasrat us taaer-e-mayoos ki haalat pe ke jo
qaed sey choot ke bhi maael-e-parwaav na tha

"alif"

Rameesha · September 28, 2002, 8:39pm

[QUOTE]
*Originally posted by Rameesha: *
^^ hayee hayee hayee

Gul ki bachhi :(

GuL-e-Tasbeeh · September 28, 2002, 8:40pm

uss shaks say wabata khush fahmi ka ye alam hay
maut ki hichki aai to maiN samjha kay uss nay yaad kia