Bait Bazi - LXIII (merged)

Amal · September 14, 2002, 9:24pm

**
Aaghaaz ka wasooq hey na anjaam ka yaqeen
aesey katey huwey heiN kisi daastaaN sey hum

"meem"

GuL-e-Tasbeeh · September 14, 2002, 9:28pm

mohabat tark ki maiN ney garebaaN si liya maiN ney
zamaney ab tou Khush ho zahar ye bhi pi liya maiN ney

abhi zinda huuN Lekin sochta rahta huuN Khalwat meiN
ke ab tak kis tamana key saharey ji liya maiN ney

Next: ye*

Amal · September 14, 2002, 9:31pm

Isn't it a little too late for you?

**
Ye ab kis muqaam pe sooji tujhey bicharrney ki
ke ab ja ke kaheeN haalaat sudharney waaley they

"ye"

GuL-e-Tasbeeh · September 14, 2002, 9:35pm

well abhii tou weakend hay:)

Yeh jo ZindagaNi ka khail hay,Ghum-o-Insebaat ka maiL hay
Ussay QadaR kya ho BahaaR ki ! Kabhii dekhii Jis nay KhizaaN nahiN

Next: Noon*

Amal · September 14, 2002, 9:37pm

Excuse me if it's already gone

**
Na ab wo yaadoN ka charrhta darya, na fursatoN ki udaas barkha
yuNhi zara si kasak hey dil meiN jo zakhm gehra tha bhar gaya wo

"wo"

GuL-e-Tasbeeh · September 14, 2002, 9:43pm

well if u wana gtg tou no prob.

wuh butoN ne Daale haiN waswase keh diloN sey Khauf-e-Khuda geya
wuh parii haiN Roz qayamataiN keh Khayal-e-roz-e-jazaa geya

Next: Alif*

Amal · September 14, 2002, 9:45pm

well, if you wanna stop for the day

**
aaNkh rakhtey ho to us aaNkh ki tehreer parrho
mooN sey iqraar na karna to hey aadat us ki ;)

"ye"

GuL-e-Tasbeeh · September 14, 2002, 9:53pm

ye Arzoo hi rahi koi Arzoo kartey
Khud apanii Aag meiN jalatey jigar Lahu kartey

yes, in few minutes , yahaN 02:15 time:~)

Amal · September 14, 2002, 9:56pm

Bohat deir kar di meharbaaN aatey aatey..

**

Ye kya ke wo jab chahey mujhey cheen ley mujh sey
apney leeye wo shakhs tarrapta bhi to deikhooN

"nooN"

GuL-e-Tasbeeh · September 14, 2002, 9:59pm

na Gubaar meiN na Gulaab meiN mujhey dekhna
merey dard kii aab-o-tab meiN mujhey dekhna

Next: Alif*

Amal · September 14, 2002, 10:02pm

**
Is daor-e-khud-fareib sey hooN khoob aashna
mujh sey merey khilaaf yahaaN mashwarey huwey

"ye"

GuL-e-Tasbeeh · September 14, 2002, 10:05pm

ye Zindagi kabhi kabhi Ajnabi sii Lagtii hay
wafa bharii Nazar meiN bhii kuch kamii sii Lagti hay

Next: ye*

Amal · September 14, 2002, 10:08pm

**

YaadoN ki aag meiN meri aaNkheiN sulag uttheeN
raatoN ko sochney ki aadat na th mujhey
ye merey ishq ki shaed ik intihaa hi thi
key terey humsafar sey raqaabat na thi mujhey

"ye"

GuL-e-Tasbeeh · September 14, 2002, 10:12pm

ye nahiN ke dab gai hay kahiN gard-e-roz-o-shab meiN
wuh khalish mohabatoN ki, wuh kasak rafaaqtoN ki

Next: ye*

Amal · September 14, 2002, 10:16pm

I just posted this sheir. I hope you are reading mine too

**
Ye peghambaroN ki basti, ye haqeeqatoN ki dunya
mujhey fikr hey zameeN ki teri chaand par nazar hey

"ye"

GuL-e-Tasbeeh · September 14, 2002, 10:18pm

janab Parh kay hi hum Replying...but humain tou nazar nahin aya this one ,well Let me check :-(

NikamiJano · September 14, 2002, 10:18pm

weldone Amal and G-E-Tea

Amal apni taa'leayn udher dain na zara yahan lagani hian..:)

Amal · September 14, 2002, 10:19pm

[QUOTE]
*Originally posted by GuL-e-Tasbeeh: *
janab Parh kay hi hum Replying...but humain tou nazar nahin aya this one ,well Let me check :-(
[/QUOTE]

Page 9

GuL-e-Tasbeeh · September 14, 2002, 10:22pm

app konsay She'r ki baat kar rahay haiN?
page 9 pe nahiN hay

Amal · September 14, 2002, 10:24pm

leave it na....chalta hey :)