Bait Bazi - LXIII (merged)

salman_2you · August 21, 2002, 10:13pm

**

Yeh Uri Uri See Ranggat Ueh Khullay Khullay Say Gaisoo
Teri Subh ho Keh rahi hay teri raat ka fasana

**

nikii · August 22, 2002, 1:40pm

Hazaroon mausmoon ki hukamrani ha maray dil per
Wasi mah jab bhi hansta hn tu ankhein bheeg jati hain

Truth_Is_Beauty · August 22, 2002, 3:55pm

na haaraa hai ishq na duniyaa thakii hai
diyaa jal rahaa hai havaa chal rahii hai

sukuun hii sukuun hai Khushii hii Khushii hai
teraa Gam salaamat mujhe kyaa kamii hai

Dur-e-Suman · August 22, 2002, 6:28pm

:)

**Na Poocho ehad-e-ulfat ki, bass ik khawab pareshan tha
Na dil ko raah par laye na dil ka mudha samjay

_TaNhAyAaN · August 26, 2002, 10:58pm

yae saghar, moti, laal-o-gahar
sabat hoon to qeemat patae hain
yoon tukrae tukrae hoon to faqat
yae chubhtae hain, lahoo rulwatae hain

Sehar · August 26, 2002, 11:12pm

Bait Bazi - LXIII (merged)

Rules of Bait Bazi:
1. Shair should be genuine and not a fabricated one.
2. One "response shair" is allowed per shair.
3. Dont break the chain and always follow the last posted shair.
4. If more than one shair is posted in response, follow the last posted shair.
5. If you know the name of the poet, mention that (for other's knowledge sake).
6. We should follow urdu alphabets.
7. Always mention the last urdu alphabet of your shair. (if it's "HAMZA" by any chance,
which could hardly be the case, then also mention the second last alphabet).
8. Do not write out the whole ghazal/nazam; only two shairs (i.e. Rubai, qita) at max
will be allowed.
9. Avoid posting film songs.
Shuriya :)

Amal · August 27, 2002, 11:55am

**
nahi ab to koi malaal bhi, kisi waapsi ka khayaal bhi
gham-e-be'kasi ney mita diya merey dil meiN tha bhi agar koi

"ye"

Ek_Shairah · August 27, 2002, 1:10pm

yaqeen hai keh na aaye ga mujh se milne woh
to phir yeh dil ko mere intizar kaisa hai

"ye"

GuL-e-Tasbeeh · August 27, 2002, 5:52pm

yehi kante to kuch khuddaR hai sehan-e-gulistan meiN
keh shabnum ke liye daamaN ko phailaya nahi karte

Amal · August 27, 2002, 6:41pm

**
ye roshni ke ta’aaqqub meiN bhaagta huwa din
jo thak gaya hey to ab is ko mukhtaser kar dey
meiN zindagi ki duwa maangney laga hooN bohat
jo ho sakey to duawoN ko be'asar kar dey

"ye"

chand_chehra · August 27, 2002, 6:58pm

**ye kya har kisi say bayan dil ki haltain karni
faraz tujh ko na asaki muhabatain karni **

_TaNhAyAaN · August 27, 2002, 10:37pm

Yehi andaaz-e-diyaanat raha to kal ka taajir
barf key baat liyae dhoop meiN betha ho gaa

Amal · August 27, 2002, 10:54pm

one of my most favrioute sheirs…nice taste :k:

**
aaNsu tapkey hoN ge is par harf jabhi to pheil gaey
roya hey khat likhney waala jabhi to kaaghaz geela hey
**

“ye”

_TaNhAyAaN · September 3, 2002, 9:37pm

....

_TaNhAyAaN · September 3, 2002, 9:51pm

**
yeh kuch bay-sabar boondain theen challak aeen jo palkon per
warna kitnay darya saahiloon ko nam nahin kertay

GuL-e-Tasbeeh · September 4, 2002, 6:56am

yeh safar bhi kitna taveel hay, yahaaN waqt kitna qaleel hay
kahaaN laut kar koi aaey ga, jo guzar gaya so guzar geya

_TaNhAyAaN · September 6, 2002, 3:00am

anjaan nigahoon ki yeh manoos si khushboo
kuch yaad sa parta hai pehlay bhi milay hain

Amal · September 8, 2002, 5:15pm

**

Na kaheeN jahaaN meiN amaaN mili jo amaaN mili to kahaaN mili
merey jurm-e-khaana-kharaab ko terey afw-o-banda-nawaaz meiN

"noon"

GuL-e-Tasbeeh · September 8, 2002, 5:26pm

Na raha junoon-e-rukh-e wafa,yeh rasan yeh daaR karo ge kiyaa
jinhaiN jurm-e-ishQ pe naaz thaa , woh gunh-e- gaar chale gae

Amal · September 8, 2002, 6:25pm

**
Ye hameeN the jin ke libaas par sar-e-raah siyaahi likhi gai
yahi daag the jo sajaa ke hum sar-e-bazm-e-yaar chaley gaey

"ye"