Bait Bazi - LXIII (merged)

GuL-e-Tasbeeh · September 13, 2002, 8:59pm

:k:

Yeh Rooh khaenchtii Chalii Jaa Rahi hay kis ki TaraF
Yeh Paaon kyon nahiN thaktay humaaray chaLtay hue

Next: ye*

Amal · September 13, 2002, 9:03pm

**
Ye khuley khuley sey geysu inhey laakh tum saNwaaro
merey haath sey saNwartey to kuch aur baat hoti

"ye"

GuL-e-Tasbeeh · September 13, 2002, 9:07pm

^ hmmm repeat by chance ;-)

well i love this ,hum yeh by chance repeat nahin kar rahay:)

Ye andheraa ye talaatum ye havaaoN kaa kharosh
is meiN taaroN ki subuk narm ziyaa kyaa karti
talkhi-e-zeest sey karrwa huwa aashiq kaa mizaaj
nigaah-e-yaar ki maasoom adaa kya karti

Next: ye*

Amal · September 13, 2002, 9:10pm

**
Ye ajnabi si manzileiN aur raftagaaN ki yaad
tanhaaiyoN ka zehar heyaur hum heiN dosto

"wao"

GuL-e-Tasbeeh · September 13, 2002, 9:12pm

wuh rula kar haNs na paya dair tak
jab maiN ro kar muskuraya dair tak

Next Kaaf*

Amal · September 13, 2002, 9:14pm

**
Kuch to merey pindaar-e-mohabbat ka bharam rakh
tu bhi to kabhi mujh ko manaaney ke leeye aa

"alif"

GuL-e-Tasbeeh · September 13, 2002, 9:18pm

^Nice GhazaL :k:

Andar say UsuloN kii tarah tootay huwey LoG
BiK jaaiN tou dekho na Ta’jub ki nazar say

Next ye*

Amal · September 13, 2002, 9:20pm

thanx:)

**
Ye kash'ma'kash alag hey ke kis kash'ma'kash meiN hooN
aata nahi samajh meiN bohat sochta hooN meiN

"noon"

chand_chehra · September 13, 2002, 9:21pm

one of my fav :)

*
ye tumhari talkh nawaiyan koi aur sah kar dekha to day
ye jo hum main tum main nibha hai mere hoslay ka kamal hai
ye

Amal · September 13, 2002, 9:24pm

**
Ye teri nazar meiN kis zubaaN ka ik ajab sa sawaal hey
wo teri haNsi ko kya huwa! tujhey kis shey ka malaal hey

"ye"

GuL-e-Tasbeeh · September 13, 2002, 9:26pm

ye dastuR-e-zubaaN-bandi hay kaesi terii mahfiL me
yahaN to baat karnay ko tarastii hay zubaaN merii

Next Ye*

Amal · September 13, 2002, 9:28pm

Yet another I admire a lot:

**
Ye aur baat hey ke kabhi wafaa na ho sakey
tu ney magar keeye the jo waadey ghazab ke the

"ye"

GuL-e-Tasbeeh · September 13, 2002, 9:29pm

yaRaan-e-Jaan-o-DiL ko koii Jamah phir karay
jo bhii ho jis ka haaL sunayaa karay koii

Next: ye*

Amal · September 13, 2002, 9:32pm

**
Ye Khuda ki dein bhi ajeeb hey ke isi ka naam naseeb hey
jisey tu ney chaaha wo mil gaya jisey meiN ney chaaha wo mila nahi

"nooN"

GuL-e-Tasbeeh · September 13, 2002, 9:34pm

NahiN ataa hay jisko Reham karna No'e insaan par :-(
Khuda bhi Rahem Farmaata nahiN iss tang daamaaN par
Next Re*

Amal · September 13, 2002, 9:36pm

**
Rootthna mera kaar'gar na huwa, yaar merey jatan ko jaan gaya
wo jab aaya mujhey manaaney ko, meiN barri saadgi sey maan gaya

"alif"

GuL-e-Tasbeeh · September 13, 2002, 9:38pm

ab bhii KhizaaN kaa Raaj hay lekin kahin kahin
Goshe rah-e-chaman me Ghazal-KhwaaN hue to hain

Next noon*

Amal · September 13, 2002, 9:40pm

**
Nigaah-e-yaar ka kya hey, hui, hui na hui
ye dil ka dard hey pyare, gaya, gaya na gaya

"alif"

GuL-e-Tasbeeh · September 13, 2002, 9:43pm

in me Lahu jaLa ho hamara ke jaan-o-diL
mahfiL me kuch chiraaG farozaaN hue to hain

Next: Noon*

aur hum chalain ab, yahan buhat Time , mom is daanting me

apka buhat buhat shukriyaa jo itna Time diyaa

many thanks

take care and Pray for me…Jazakomullah…

Allah hafiz:)

Amal · September 13, 2002, 9:47pm

Best of luck :)

Na sahi is zameeN ke nasheeb meiN na hi aasmaaN ke faraaz par
katti umr jis ko talaashtey, jo kaheeN nahiN par kahaaN nahiN!
jo they ashq meiN ney wo pi liye, lab-e-khushk-o-sookhta si liye
merey zakhm phir bhi aayaaN rahey, mera dard phir bhi nihaaN nahiN

"nooN"