Bait Baazii

system · May 30, 2004, 3:38pm

ye gaye dinoo ki baat hai, issi raah pe tum meray saath thay
main naaye safar pe hoon ga gaamzan, mujhey door jaa k sazaa na deyy

HeArT_HaCKeR · May 30, 2004, 5:28pm

*Ye kis ka naam dharakta hai merii sanso`N mien
Ye koun hai jo mujhe naye raaste dekhataa hai.. *

koiDost · May 30, 2004, 5:30pm

ye kaun aa gaya hai nazar to uthana
ke rangeen hua ja raha hai zamana

HeArT_HaCKeR · May 30, 2004, 5:34pm

Inhii manzilo`N ne jin per kabhii tum mere saath thay
Mujhe rook rook ker pocha tera hum-safR kahan hai..

Ghazala_Nasir · May 30, 2004, 5:37pm

Yeh kaliyan phool taare chaand sabhi kuch

Safar mein hain teri manzil hun main hee

HeArT_HaCKeR · May 30, 2004, 5:51pm

*Ye vehm nahi hai tu kia hai ye gumaN nahi tu kia hai Ye jo dil se uthh raha hai ye dhuwaN nahi tu kia hai... *

koiDost · May 30, 2004, 8:34pm

*yuN khud ko jalaane ka sabab Khaas nahiiN he
bas tum se muhabbat kii saza kaat rahe heN *

system · May 30, 2004, 8:43pm

^ :k:

Najam-e-sehar k chehrey se Inshaa itni bhi umeedein na lagaoo
aisa bhi hum ne daikha hai akser raat katey aur subah na ho

koiDost · May 30, 2004, 8:57pm

nice one :k:

yeh sher humari new ghazal ka hai

vo faiz-e-aam kyaa jaaneN ki jo haiN
bas apne faiz meN mashGhuul, pyaare

HeArT_HaCKeR · May 31, 2004, 8:46am

*Ye meri wafa ke hien wehshatien mujhe ikhtiyar-e-junoon nahi
Jahan naam hum ne suna tera, waheen apne sarr ko jhuka diya

*

koiDost · May 31, 2004, 8:48am

*aik duniya muntazir hai aur teri bazm main
is tarah bethay hain hum jese kahen jana nahi *

HeArT_HaCKeR · May 31, 2004, 9:47am

*

Ya khuda log banaaye thay agr pather ke
Mere ehsaas ko sheesha na banaya hota *

koiDost · May 31, 2004, 1:34pm

*ab dekhiye kis kis pe tere gham ka karam ho
warna teri chaahat ke gunahgaar to sab hain *

HeArT_HaCKeR · May 31, 2004, 7:16pm

NazR se giraya us ne kuch is tarah *khawar
Ke mae khud apnii nigaho`N mien moutabirr na raha*

koiDost · May 31, 2004, 7:21pm

*aa key wabasta hain us husn ki yaden mujh se
jis ne is dil ko pari khana bana rakha hai *

HeArT_HaCKeR · May 31, 2004, 8:49pm

*Ye theek hai koi marta nahi kissi ki judaai mien
Khuda kissi ko mgr kissii se juda na kere.. *

koiDost · May 31, 2004, 9:35pm

Yeh uddasiyoN kay mausam kahiN raayegaaN na JayeiN
Kisi zakHam ko kurido kisi Dard ko jagao

HeArT_HaCKeR · June 1, 2004, 8:32am

*
Wohii manzelien wohii marhalay wohii karwa`N wohii raaste
Mgr apne apne maQaam per kabhii hum nahi kabhii tum nahi.. *

Mirza_Ruswa · June 1, 2004, 12:23pm

[QUOTE]
*Originally posted by HeArT HaCKeR: *
*
Wohii manzelien wohii marhalay wohii karwa`N wohii raaste
Mgr apne apne maQaam per kabhii hum nahi kabhii tum nahi.. *
[/QUOTE]

waisay to yeah akhri lafz "naheeN" hona chahiyay tha. khair agar "nahi" hai to bhi:
aik sher "ye" say shuru honay wala aur aik "noon" say shuru honay wala hazir hai !!

"ye"
yeh kis nay shakh e gul la kar qareeb e aashiyaaN rakhdi
k mainay shauq e gul bosi main kaNtoN par zubaaN rakhdi

"Noon"

Nazar ki jaulaaniyaN na poochho nazar haqeeqat main woh nazar hai
Uthay to gardooN panah maNgay jhukay to duniyaa tabaah karday

HeArT_HaCKeR · June 1, 2004, 12:51pm

woh “naheen” hee likha hai mae ne

*Ye kis maQaam pe sojhii hai tujhe bicherne ki
Ke ab tu kaheen ja ker din sanwarne walay thay.. *