Bait Baazi --- February 2011

being_lonely · January 31, 2011, 10:46pm

Rules of Bait Bazi:

Shair should be genuine and not your own.
— > Post your own in Bait Bazi — Personal Edition of Sho’ra-e-Gupshup.
Dont break the chain and always follow the last letter of the last posted shair.
Always mention the last urdu alphabet of your shair.
If you know the name of the poet, mention that (for other’s knowledge sake).
Do not write out the whole ghazal/nazam; only two shairs (i.e. Rubai, qita) at max will be allowed.

Last shair was by Amal

Aaj toot kar us ki yaad aayi tau yeh ehsaas huwa
Uttar jayain jo dil mein bhulaaye nahe jaatay …

“Ye”

KKF · January 31, 2011, 10:52pm

Re: Bait Baazi Month Of February 2011

**mere Khayaal se is rule meN thoRii tarmeem kii zaroorat hai jis se yeh khel kaafii dil-chasp ho saktaa hai. aap ne bhii maHsoos kiyaa hogaa k har she’r 'umooman ALIF yaa YE par TooTtaa hai jo k Khaasa boring hotaa hai.

agar aisa kiyaa jaaye k she’r ke aaKhirii lafz ke pahle Harf se aglaa she’r diyaa jaaye to kaafii choices baRh jaayeNgii aur maza bhii Khoob aayegaa.

aap chuN k mod haiN is liye aap se iltimaas hai kii meri tajveez/guzaarish par ek nazar Daal leN. shukria. :)**

Amal · January 31, 2011, 11:05pm

Re: Bait Baazi Month Of February 2011

Tajveez buri nahi hey Khalil bhai, lekin Bait Bazi isi osool pe is qadar tawaatar ke saath nazar aati hey ke is ke ilaawa koi naya zaabta raij bhi kia jaey to shaed haazreeN usey yak’sar nazar-andaaz kar deiN.

Zimnan ye bhi arz karta chalooN ke **Alif **aur **Ye **tawaatar ke saath saamney zaroor aatey heiN, lekin in sey shuru hone waaley aashaar bhi waafir miqdaar meiN dastiyaab ho jaatey heiN. Aek mushaheda hey, shaed ghalat ho

sayyma · January 31, 2011, 11:10pm

Re: Bait Baazi Month Of February 2011

** tasawar main zaroor aao mughar kuch tairna seekho**

** tum aksar doob jaty ho mery ashkoon kah saghir main**

** .noon.**

Amal · January 31, 2011, 11:14pm

Re: Bait Baazi Month Of February 2011

Ab is ke baad aur koi kya sheir kahey …chaddo ji…tussi tey aandeyi mehfil lut litti aey sayyma ji … aey pharro traphi… :cup wala icon:

KKF · January 31, 2011, 11:15pm

Re: Bait Baazi Month Of February 2011

**
aapkii baat bajaa hai k usool yehii hai magar aajkal dusrii bahooot sii sites par naye naye aqsaam kii bait-baaziyaan khelii jaa rahii haiN aur jo tareeqa e kaar maiN en arz kiyaa hai vo urdu kii bahtareen sites par bahooot kaamiiyaab haiN.

maiN to bahooot bore ho jaataa huN ALIF aur YE se ash’aar de de kar. Khair, mere ilaavah bahot se dusre saathii haiN agar unko maujooda Haiyat kii bait-baazii pasand hai to bahot bahtar hai.

aapkii tavajjoh kaa mamnoon aur mutashakkir huN…Allah Haafiz :)**

sayyma · February 1, 2011, 12:40am

Re: Bait Baazi Month Of February 2011

shukriya  mehrabani aap kah pasand karny ki

main school time main baitbazi ki champion reh chuki hoon
per ab busy life hai kuch yaad hee nahin ata

Naina11 · February 1, 2011, 5:05am

Re: Bait Baazi Month Of February 2011

I agree with Khalil KhaaN FaaKhta. Mere khayal main aisa zaroor kerna chahiye..

Amarbail · February 1, 2011, 7:51am

Re: Bait Baazi — February 2011

**Also, I would like to suggest that previous version of Bait Bazi (for example Jan 2011 version) should be locked once a new version gets started. **

*Na mila kar udaas logoon se
Husn tera bikhar na jaye kaheen …
*
Next: “Noon”

Amal · February 1, 2011, 8:05am

Re: Bait Baazi — February 2011

Done k:

Amal · February 1, 2011, 8:09am

Re: Bait Baazi — February 2011

**Nahi hey aur to kuch bhi hamaarey haathoN meiN
siwaey arz-e-tamanna, so kartey jaatey heiN
**
“Noon”

Amal · February 1, 2011, 8:18am

Re: Bait Baazi Month Of February 2011

Champions wala shade nazar to aa raha hey aap ki selection meiN. Agar kuch waqt aap hamaarey leeye bhi nikaal lia kareiN to hamaari Bait Bazi aur bhi interesting ho jaey gi

ehsan · February 1, 2011, 9:43am

Re: Bait Baazi Month Of February 2011

Kya shair hai. Wah. :k:

Sheal · February 1, 2011, 10:27am

Re: Bait Baazi Month Of February 2011

[mod]no doubt shair bohot acha hai mager shair should start from "Yay" not"Tay"[/mod]

Sheal · February 1, 2011, 10:37am

Re: Bait Baazi — February 2011

Najanay kuen dil main utar jatay haiN wo log
Jin logooN say qismet kay sitaray nahiN miltay

**
"Yay "**

ehsan · February 1, 2011, 10:56am

Re: Bait Baazi Month Of February 2011

I agree.

ehsan · February 1, 2011, 10:58am

Re: Bait Baazi — February 2011

**yuun gumaann hotaa hai garche hai abhi subah-e-firaaq
Dhal gayaa hijr kaa din aa bhi gai vasl kee raat

“Tay”
**

Amarbail · February 1, 2011, 1:20pm

Re: Bait Baazi — February 2011

Tumhare lehjay ki talkheyoun ko bhula ke ek baar mil tau loon mein
Magar ho itna yaqeen mujh ko bichar ke tum ko malaal hoga …

Next: “Alif”

Naina11 · February 1, 2011, 2:00pm

Re: Bait Baazi — February 2011

**Anna nay haath uthanay nahin diyey warna
Meri dua se wo pather pighal bhi sakta tha

Alif**

Shazia_Arif · February 1, 2011, 2:23pm

Re: Bait Baazi — February 2011

acha tumhare sheher ka dastoor ho gaya
jis ko galay laga lia wo door ho gaya
daadi se kehna us ki kahani sunaye
jo badshah ishq main mazdoor ho gaya…