guys just ghazals here…
muhabato ka apne nisab mangata tha
cahahto ka apne hisab mangata tha
ajab shaks tha sab jan ke bhee
aksar apne siwalo ke jawab mangata tha
tum ko dekha to yeh khayaal ayaa
zindagi dhuup tum ghanaa sayaa
"S"
shaayad mai.n zi.ndagii kii sahar leke aa gayaa
kaatil ko aaj apane hii ghar leke aa gayaa
taa-umr DhuuNDhataa rahaa manzil main ishq kii
anjaam ye ki gard-e-safar leke aa gayaa
nashtar hai mere haath men, kandho.n pe mayaqadaa
lo main ilaaj-e-dard-e-jiGar leke aa gayaa
"faakir" sanamakade men na aataa main lauTakar
ik ZaKm bhar gayaa thaa idhar leke aa gayaa
"A"
Aap ko dhaik kar dhaikta rah gaya
Kiya kahoon or kahnai ko kiya rah gaya
Un ki aankhoun sai kaisai chalaknai laga
Meray hountoun pai jo maajra rah gaya
Aap ko dhaik kar dhaikta rah gaya
Aisay bichray subhi raat kay morh par
Aakhri hamsufer raasta rah gaya
Aap ko dhaik kar dhaikta rah gaya
Don't love everybody--specialize.. ;-)
Nia, you didn't mention any rules for this Antakshiri...so let's do this...
we could either start from the first or last letter of the last word.
apne haathoN ki lakeeroN meiN basa le mujh ko
maiN hooN teraa to naseeb apna bana le mujh ko
[This message has been edited by BholiBhali (edited April 09, 2001).]
Katoun ki chubhan payee, pholoon ka maza bhi
Dil dard kai mausam main roya bhi hansa bhi
Aanay ka sabab yaad na janai ki khabar hai
Woh dil main raha aur ussai torh gaya bhi
Dil dard kai mausam main roya bhi hansa bhi
Katoun ki chubhan payee, pholoon ka maza bhi
Don't love everybody--specialize.. ;-)
ye mojazaa bhi muhabbat kabhi dikhaaye mujhe
ke sang tujh pe gire aur zakhm aaye mujhe
vo maharbaaN hai to iqraar kyuuN nahiN karta
vo badgumaaN hai to sau baar aazamaaye mujhe
Mujhe ghussa dikhaya ja raha hai
Tabassum ko chabaya ja raha hai
Wahin tak aabroo main zabt e gham hai
Jahan tak muskuraya ja raha hai
Mujhe ghussa dikhaya ja raha hai
Tabassum ko chabaya ja raha hai
dont like this one that much but still it goes with the rules here..
http://www3.pak.org/gupshup/smilies/wink.gif
starts with ‘m’ and its a ghazal ..
http://www3.pak.org/gupshup/smilies/biggrin.gif
Don’t love everybody–specialize.. 
[quote]
Originally posted by BholiBhali:
**Nia, you didn't mention any rules for this Antakshiri...so let's do this...
we could either start from the first or last letter of the last word.
apne haathoN ki lakeeroN meiN basa le mujh ko
maiN hooN teraa to naseeb apna bana le mujh ko
[This message has been edited by BholiBhali (edited April 09, 2001).]**
[/quote]
well ghazals likhene ke liye koi rules nahee haote hai...one just got to have a "dil" lol
well the first letter of the last word
Ok Nia ji urf Ms.Dilwali
http://www3.pak.org/gupshup/smilies/smile.gif
the first letter of the last word sounds good to me…
hai ikhtiyaar meiN tere to mojazaa kar de
vo shakhs meraa nahiN hai use meraa kar de
ye ret-zaar kahiN khatm hi nahiN hotaa
zaraa sii duur to rastaa haraa bharaa kar de
maiN us ke zor ko dekhuuN vo meraa sabr-o-sukuuN
mujhe charaagh banaa de use havaa kar de
akelii shaam bahut jii udaas kartii hai
kisii ko bhej koii meraa ham-navaa kar de
Dard e dil main kami na ho jai
Dosti dushmani na ho jai
Tum mairi dosti ka dum na bharo
Aasman Mud’ai na ho jai
Dard e dil main kami na ho jai
Bhaith ta hai hamesha rindoun main
Kahin zahid wali na ho jai
Dard e dil main kami na ho jai
Apni khu’ e wafa say darta hoon
Aashiqui bundagi na ho jai
Dard e dil main kami na ho jai
Dosti dushmani na ho jai
Dard e dil main kami na ho jai
just a side not.. how come nobody else is posting ??? there have to be more ghazal lovers..
http://www3.pak.org/gupshup/smilies/frown.gif
Don’t love everybody–specialize..
jab kabhii un ke tavajjo men kamii paaii gaii
az sar-e-nava-e-daastaan-e-shauq doharaaii gaii
bik chuke jab tere lab phir tujh ko kyaa shikavaa agar
zindagaanii baadaa-o-saaGar se bahalaaii gaii
ai Gam-e-duniyaa tujhe kyaa ilm tere vaaste
kin bahaanon se tabiyat raah par laaii gaii
ham karen tark-e-vafaa achchhaa chalo yuun hii sahii
aur agar tark-e-vafaa se bhii na rusvaaii gaii
kaise kaise chashm-o-aariz gard-e-Gam se bujh gaye
kaise kaise paikaron kii shaan-e-zebaaii gaii
dil kii dhaDakan men tavazzun aa chalaa hai Khair ho
merii nazaren bujh gaiin yaa terii raanaaii gaii
un kaa Gam un kaa tasavvur un ke shikave ab kahaaN
ab to ye baaten bhii ai dil ho gaiin aaii gaii
....Sahir Ludhianvi
Gulshan ki faqat phooloon say nahin kantoun sai bhi zenat hoti hai
Jeenay kay liye is duniya main gham ki bhi zaroorat hoti hai
Aai waiz e nadaan karta hai tu aik qayamat ka charcha
Yahan roz nigahain milti hain yahan roz qayamat hoti hai
cant remember it completely ..
http://www3.pak.org/gupshup/smilies/frown.gif
Don’t love everybody–specialize..
hum to yuuN apnii zindagii se mile
ajnabii jaise ajnabii se mile
har vafaa ek jurm ho goyaa
dost kuchh aisii berukhii se mile
phuul hii phuul hamane maange the
daagh hii daagh zindagii se mile
http://www3.pak.org/gupshup/smilies/frown.gif
jis tarah aap ham se milate haiN
aadamii yuuN na aadamii se mile
[This message has been edited by BholiBhali (edited April 10, 2001).]
meRi zindagi kisi aur ki, mere naaM ka koi auR hai
mera naqsh hai sar-e-aayina, pase aayina koi auR hai
meri dhaDkanoN meiN hai chaapsi, ye judaaee bhi hai milaapsee
muJhe kya patha, mere dil batha, mere saath kya koi auR hai
na gaYe diNo ko kHabar meri, na shareeke haal nazar teri
tere desh meiN, mere bhesH mein, koi auR tha, koi auR hai
wo meRi taraF niGraan rahe, mera dhyaan jaaNe kahaN rahe
meri aanKh meiN kai soorateN, mujhe chaahta koi auR hai
doesnt get any better than this..
http://www3.pak.org/gupshup/smilies/smile.gif
and at the same time
http://www3.pak.org/gupshup/smilies/frown.gif
Don’t love everybody–specialize..
haath siine pe jo rakh do qaraar aa jaaye
dil ke uja. de hue gulshan me.n bahar aa jayee
dil to kahataa hai ki aa. Nkho .n me.n chupaa luu.N tujh ko
Dar yahii hai ki muqadaar ko nakaar aa jaaye
dil ke zakhmo.n pe mere pyar kaa marham rakh do
beqaraarii me.n mijhe kuch to qaraar aa jaaye
Yuu.n Khudaa ke liye chiino na mere hosh _ o havaas
aisa nazaro.n se na sekho ki khumaar aa jaaye
chho. D ke tum bhii chale jaaogi qismat kii tarah
baad azaane to ajal hii ko na payar aa jayee
[This message has been edited by Sofina (edited April 10, 2001).]
baz sheR baray pur magz hotay hain , bahot kuch kehnai ko dill karta hai , lakin aap ki antakshri choon choon ka muraba hai ..koi kuch kehta hai koi kuch ..ainda say aap yoon kia karein kay aik sher ko maozoh bana liay karein , phir tamaM log sirf uss aik sher kay baray main jo Kuch kehna chahein ..to iss main zida maza aaey ga . iss tarha doosray ki sooch ki khoj milti hai , kissi bat par uss ka maksoos nukta e nazar samnai aata hai ..aur dilchaspi bhi barkarar rehti hai …maiN kam az kam yahi soochta hoon
warna
GARRCHAY MILL BAITHAIn GAIN HAM DOONOn TO MULAKAT KAY BAD APNA EHSAS E ZIAn AUR ZIADA HOGA
http://www3.pak.org/gupshup/smilies/smile.gif
http://www3.pak.org/gupshup/smilies/smile.gif
KOI MAZMON WAFA KA NA JAFA KA HO GA
[This message has been edited by kom_dgk (edited April 10, 2001).]
Since this thread is practically dead for a day here i am posting something with the last character of the last word of ghazal posted by sofina.. hope we can bend the rules a lille bit..
http://www3.pak.org/gupshup/smilies/wink.gif
and i dont know but kom_dgk sahib i am no die hard fan of shairi and i dont think there are many here so i think ‘chu chu ka murabba’ is better than nothing..
http://www3.pak.org/gupshup/smilies/biggrin.gif
Ek parwaaz dikhai di hai
Teri awaz sunai di hai
Jis kai ankhoun main kati theen sadiyaan
Us nai sadiyoun ki judai di hai
Ek parwaaz dikhai di hai
Sirif aik safha palat kar us nai
Sari batoun ki safai ki hai
Ek parwaaz dikhai di hai
Don’t love everybody–specialize..
Ham raato.n ko uth uth ke jin ke liye rote hai.n
vo ghir baaho.n me.n aaraam se sote hai.n
Ham ashk judaa_ii ke girane hii nahii.n dete
Bechain sii palao.n me.n motii se pirote hai.n
Hoyaa chalaa aayaa hai bedard zamaane me.n
Sachchaa_ii kii rahoo.n me.n kaa.nte sabhii bote.n hai.n
A.ndaz-e-sitam un kaa dekhe to ko_ii Hasarat
Milane ko to milate hai.n nashtar se chubhote hai.n
hazaaroN KHwahishaiN 'eisee ke har KHwahish pe dam nikle
bohot nikle mere armaaN lekin fir bhee kam nikle
nikalna KHuld se aadam ka sunte aayaiN haiN lekin
bohot be_aabru hokar tere kooche se ham nikle
mohabbat meiN naheeN hai farq jeene aur marne kaa
usee ko dekh kar jeete haiN jis kaafir pe dam nikle
hazaaroN KHwahishaiN 'eisee ke har KHwahish pe dam nikle
bohot nikle mere armaaN lekin fir bhee kam nikle
KHuda ke waaste parda na kaabe se uThaa zaalim
kaheeN 'eisa na ho yaaN bhee wohee kaafir sanam nikle
kahaaN maiKHaane ka darwaaza 'GHalib' aur kahaaN waaiz
par itana jaante haiN kal wo jaata tha ke ham nikle
hazaaroN KHwahishaiN 'eisee ke har KHwahish pe dam nikle
bohot nikle mere armaaN lekin fir bhee kam nikle
Don't love everybody--specialize.. ;-)