Re: A Pir with Healing Powers
Aik shakss, jo ke maflooj ho gay thay …. donu haat or nichla dharr, hospital main ilaj se mayoos ho kar us ke ghar walay Swat Baba Jee (jo ke unn dinu hayat thay) ke pass lay kar gay Dua ke liay, Swat Baba Jee marhoom ne bad azz dua mashwara diya ke in ko androon Shindh ?? (pind ka naam yaad nahi) ke Shah Jee ke pass lay jain.
Yeh maflooj shakss bazat e khud piron or faqiron se dua laynay ka aqeeda na nahi rakhte thay, iss liay Shah jee ke pass nahi gay. kaii saal tak hospital se zair e ilaj rahay, afaqa momkin na howa. Bel akhair bhai ki zid se tang aa kar Shah Jee se dua laynay par razi howay.
Ponchay Shah Jee ke pass, Shah jee sari raat dua karte or nafal parrte rahay. Allah ki shaan daikhain subha seway aik haat ke baqi bilkul theek ho gay thay. Oss aik maflooj haat ke baray main Shah ne kaha dair se ponche iss haat neb hi theek ho jana tha.
Mukhtasaran Dua ho yah Dawa, Shafa dainay wali zaat Allah ki hay. Jiss raste se bhi ponchay.
Rahi Esa (AS) ki baat or piron faqiron se unn jissay waqe’ay ka zahoor/manssob hona humain zati tor par koi hayrat nahi.
(Pharrnay main aya hay), Hazoor (AS) farmatay hain, Meri omat ke Waliyon (Naik log) ka darja Bani Israel ke nabiyon jitna hay.
Baat ilaj ki ho rahi hay, aik Doctor ghar koi surgery kar sakta hay to kia yah mannay wali baat hay ke uss ke baad Doctor bannay walon main se koi bhi doctor surgery nahi kar sakta?
Jaisay naqli pir faqir hotay hain aise hi naqli doctor bhi hotay hain, aam si baat hay.
Adab