Tasleemat ehbaab e mehfil
aaj yaum e hakeemul ummat shayer mashriq allama doctor Sir mohammed iqbal hai.
apna intekhab e kalam e iqbal yahan share keejiyay aur izhar e aqeedat ba ustaad e roohani hakeemul ummat shayer mashriq allama doctor Sir mohammed iqbal farma-iyay:
Meri taraf say:
Re: 9 TH NOVEMER - YAUM E IQBAL
OMG sham uncleeeeeeeeeeeee 
kaha hain?
Re: 9 TH NOVEMER - YAUM E IQBAL
taahii zindagii se nahii.n ye fazaaye.n
yahaa.N saika.Do.n kaaravaa.N aur bhii hai.n
kanaa'at na kar aalam-e-rang-o-bu par
chaman aur bhii, aashiyaa.N aur bhii hai.n
agar kho gayaa ek nasheman to kyaa Gam
maqaamaat-e-aah-o-fugaa.N aur bhii hai.n
tuu shahii.n hai parwaaz hai kaam teraa
tere saamane aasmaa.N aur bhii hai.n
isii roz-o-shab me.n ulajh kar na rah jaa
ke tere zamiin-o-makaa.N aur bhii hai.n
gae din kii tanhaa thaa mai.n a.njuman me.n
yahaa.N ab mere raazadaa.N aur bhii hai.n
Re: 9 TH NOVEMER - YAUM E IQBAL
IQBAL TERE DAES KA KYA HAAL SUNAOON .....
dehkaan to mar khap gia ab kis ko jagaoon
milta hai kahan khosha-e-gandum k jalaoon
shaheen ka hai gunbad-e-shaahi pay basaera
kanjshak faromaaya ko ab kis se laraoon
IQBAL TERE DAES KA KYA HAAL SUNAOON
har daarhi mein tinka hai har ek aankh mein shehteer
momin ki nigaahon say badalti nahi taqdeer
toheed ki talwaar se khaali hein nayaamein
ab zoak-e-yakeen say nahi kat-ti koi zanjeer
IQBAL TERE DAES KA KYA HAAL SUNAOON
shahee'n ka jahan aaj kirgis ka jahan hai
milti hui mulla se mujahid ki azaa'n hai
maana k sitaaron se bhi aagay hein jahan aur
shahee'n mein magar taakat-e-parwaaz kahan hai
IQBAL TERE DAES KA KYA HAAL SUNAOON
mar mar ki silo'n se koi bezaar nahi hai
rehnay ko haram mein koi tayyar nahi hai
kehnay ko har ek shakhs musalmaan hai lekin
dekho to kahin naam ko kirdaar nahi hai
IQBAL TERE DAES KA KYA HAAL SUNAOON
bebaaqi-o-haq-goi se ghabraata hai momin
makkari-o-ruubaahi pay itraata hai momin
jis rizk se parwaaz mein kotaahi ka dar ho
wo rizk baray shoak se ab khaata hai momin
IQBAL TERE DAES KA KYA HAAL SUNAOON
paeda kabhi hoti thi sahar jis ki azaa'n se
us banda-e-momin ko mein ab laoon kahan se
wo sajda zamee'n jis se laraz jaati thi yaaro
ek baar tha hum chut gaey is baar-e-giraa'n se
IQBAL TERE DAES KA KYA HAAL SUNAOON
jhagray hein yahan soobon k,zaaton k nasab k
ugtay hein tah-e-saaya-egul khaar ghazab k
ye daes hai sabka magar iska nahi koi
is k tan-e-khasta pay to ab daant hein sab k
IQBAL TERE DAES KA KYA HAAL SUNAOON
mehmood ki saf aaj ayyazo'n se paray hai
jamhoor se sultaani-e-jamhoor daray hai
thaamay huay daaman hai yahan par jo khudi ka
mar mar k jiyay hai kabhi jee jee k maray hai
IQBAL TERE DAES KA KYA HAAL SUNAOON
dekho to zara mehlon k pardon ko utha kar
shamsheer-o-sinaa'n rakhi hein taakon pay saja kar
aatay hein nazar masnad-e-shaahi pay rangeelay
taqdeer-e-umam so gaee taoos pay aa kar
IQBAL TERE DAES KA KYA HAAL SUNAOON
makkari-o-ayaari-o-ghaddari-o-haejaan
ab banta hai in chaar anaasir se musalmaan
qaari isay kehna to bari baat hai yaaro
is ne to kabhi khoal k dekha nahi quraan
IQBAL TERE DAES KA KYA HAAL SUNAOON
kirdaar ka guftaar ka amaal ka momin
kaail nahi aesay kisi janjaal ka momin
sarhad ka hai momin koi bangaal ka momin
dhoonday say bhi milta nai quraan ka momin
IQBAL TERE DAES KA KYA HAAL SUNAOON
Re: 9 TH NOVEMER - YAUM E IQBAL
**
Ye saher jo kabhi firda hay kabhi hey imroz
nahi maloom k hoti hay kahan sey paida
wo saher jis sey larazta hay shabistaaN-e-wojood
hoti hay banda-e-momin ki azaaN sey paida
**
Re: 9 TH NOVEMER - YAUM E IQBAL
nice contribution ppl :)am looking one too for sharing :p.....but u know ppl me Nikami :(
Re: 9 TH NOVEMER - YAUM E IQBAL
***kabhi ai haqiqat-e-muntazir nazar aa libaas-e-majaaz me
keh hazaaron sajde tarrap rahay hain meri jabeen-e-neyaaz me
tarab aashanaa-e-Kharosh ho, tu navaa hai mahram-e-gosh ho
woh suroor kya keh chhupa huwa ho sukoot-e-pardaa-e-saaz me
tu bachaa bachaa ke na rakh issay, tera aaina hai vo aaina
keh shikasta ho to aziz-tar hai nigaah-e-aaina-saaz me
dam-e-tauf karmak-e-shamaa nay yeh kaha keh woh asr-e-kohan
na teri hikaayat-e-soz me na meri hadees-e-gudaaz me
na kahin jahaam me amaan mili, jo aman mili to kahaan mili
meray jurm-e-Khaanaa-Kharaab ko teray afw-e-banda-nawaz me
na woh ishq me rahin garmiyaan, na woh husn me rahin shokhiyaan
na woh ghazanavi me tarrap rahi, na woh kham hai zulf-e-ayaaz me
jo main sar-ba-sajdaa huwa kabhi to zameen se aanay lagi sadaa
tera dil to hai sanam-aashnaa tujhay kya milay ga namaaz me***
Re: 9 TH NOVEMER - YAUM E IQBAL
mahiine vasl ke ghaRiyoN kii suurat uRate jaate haiN
magar ghaRiyaaN judaa'ii kii guzartii hai mahinoiN meiN
mujhe rokegaa tuu ai naaKhudaa kyaa garq hone se
ki jiN ko duubanaa hai duub jaate haiN safeeno'N meIN
jalaa sakatii hai sham-e-kushtaa ko mauj-e-nafas un kii
ilaahii kyaa chhupaa hotaa hai ahal-e-dil ke siino.n meiN
tamannaa dard-e-dil kii ho to kar Khidamat faqiiroN ki
nahiN miltaa ye gauhar baadshaho'N k Khaziino'N meiN
muhabbat ke liye dil dhuuNDh ko_ii TuuTane-vaalaa
ye vo mai hai jise rakhate hai.n naazuk aab_giino.n meiN
buraa samajhuuNN unheiN mujh se to aisaa ho nahiNn saktaa
ki maiN Khud bhii to huuN "Iqbal" apane nuktaachiino'n meiN
Re: 9 TH NOVEMER - YAUM E IQBAL
DIL
Qissa-e-daar o rasan baazi-e-tiflaana-e-dil
Iltejaa-e-Arini surkhi-e-afsaana-e-dil
Ya Rab is saaghar-e-lab-reiz ki mai kya hogi
Jaada-e-mulk-e-baqa hai khat-e-paimaana-e-dil
Abr-e-rehmat tha k thi ishq ki bijli ya Rab
Jal gaee mizra-e-hasti to uga daana-e-dil
Husn ka gunj-e-garaaN-maaya tujhe mil jaata
Tu ne Farhaad! na khoda kabhi veeraana-e-dil
Arsh ka hai kabhi Ka'be ka hai dhoka is par
Kis ki manzil hai Ilaahi mera kaashaana-e-dil
Is ko apna hai junooN aur mujhe sauda apna
Dil kisi aur ka diwaana main diwaana-e-dil
Tu samajhta nahi aai zaahid-e-nadaaN is ko
Rashk-e-sad-sajda hai ik laghzish-e-mastaana-e-dil
Khaak k Dheir ko akseer bana deti hai
Wo asar rakhti hai khaakistar-e-parwaana-e-dil
Ishq k daam mein phans kar ye reha hota hai
Barq girti hai to ye nakhl hara hota hai
Re: 9 TH NOVEMER - YAUM E IQBAL
Main Aur Tu
Na saleeqa mujh mein Kaleem ka, na qareena tujh mein Khaleel ka
Main halaak-e-jaadu-e-saamari, tu qateel-e-sheiva-e-aazari
Main navaa-e-sokhta dar gulu, tu pareeda-rang rameeda-bu
Main hikaayat-e-gham-e-aarzu, tu hadees-e-maatam-e-dilbari
Mera aaish gham, mera shehed sam, meri bood ham-nafas-e-adam
Tera dil haram, garv-e-ajam, tera deeN khareeda-e-kaafiri
Dam-e-zandagi, ram-e-zandagi, gham-e-zandagi, sam-e-zandagi
Gham-e-ram na kar, sam-e-gham na kha k yehi hai shaan-e-qalandari
Teri khaak mein hai agar sharar to khayaal-e-fuqr o ghanaa na kar
K jahaaN mein naan-e-sha'eer par hai madaar-e-quwat-e-haidari
Koi aaisi tarz-e-tawaaf tu mujhe Aai Charaagh-e-Haram bataa
K tere patang ko phir ataa ho wohi sarisht-e-samandari
Gila-e-jafaa-e-wafa-numa k Haram ko ehl-e-Haram se hai
Kisi but-kade mein bayaaN karuN to kahe sanam bhi 'hari hari'
Na sateeza-gaah-e-jahaaN naee, na hareef-e-panja-fagan naye
Wohi fitrat-e-Asad-Illahi, wohi marhabi, wohi antari
Karam Aai Shah-e-Arb o Ajam k khaRe hain muntazir-e-karam
Wo gadaa k tu ne ataa kia hai jinhein dimaagh-e-sikandari
Re: 9 TH NOVEMER - YAUM E IQBAL
Eik Nazm Se Iqtabaas
Shamm-e-mehfil ho k tu jab soz se khaali raha
Tere parwaane bhi is lazzat se be-gaane rahe
Rishta-e-ulfat mein jab in ko piro sakta tha tu
Phir pareshaaN kiyuN teri tasbeeh k daane rahe
Shauq-e-be-parvaa gaya, fikr-e-falak-paimaa gaya
Teri mehfil mein na diwaane na farzaane rahe
Wo jigar-sozi nahi, wo sho'la-aashaami nahi
Faaida phir kya jo gird-e-shamma parwaane rahe
Khair, tu saaqi sahi lekin pilaaye ga kise
Ab na wo mai-kash rahe baaqi, na mai-khaane rahe
Ro rahi hai aaj ik TooTi hui meena usey
Kal talak gardish mein jis saaqi k paimaane rahe
Aaj hain khaamosh wo dasht-e-junooN-parvar, jahaaN
Raqs mein laila rahi, laila k diwaane rahe
Waaye na-kaami, mataa-e-kaarvaaN jaata raha
KaarvaaN k dil se ehsaas-e-zyaaN jaata raha
Re: 9 TH NOVEMER - YAUM E IQBAL
Great Thread: I am going to copy paste all of the IQBAL's WORK that I have shared here in GUPSHUP Poetry section over the period of 6 years :)
Tanhaaiee
Tanhaaiee-e-Shabb maiN HazeeN kiyaa?
Anjum nahiN teray hum nasheeN kiyaa?
Ye Rif'at-e-Aasmaan-e-Khaamosh
Khuaabeeda zameeN jaahaan-e-Khaamosh
Ye chaand, ye dasht-O-dar, ye Kohsaar
Fitrat hay tamaam nastar'n-e-zaar
Motee khush rung piyaaray piyaaray
Ya'ni teray aaNsoo'ouN kay taaray
Kiss shay kee tujhay hawiis hay aey Dil!
Qudrat teri hum nafs hay aey Dil!
--Allama Iqbal- Baang-e-Dara
Re: 9 TH NOVEMER - YAUM E IQBAL
meray weeraanay say kossoon dooo hay tera watan
Hay magar darya-e-dil teri kashish say Moujzan
Qasad kiss mehfil ka hay? Aata hay kiss mehfil say tu?
zard ro shaayad huvaa ranj-e-rah-e-manzil say tu?
Aafreenush main saraapaa noor tu, zulmat hoon main
Iss seeh rozi pay laikin tera humm qismat hoon main
Aah! main jaltaa hoon soz-e-Ishtiaaq-e-deed say
Tu saraapaa soz-e-daagh minnat-e-khursheed say
Aik halqay par agar qaaim teri raftaar hay
Meri gardish bhii misaal-e-gardish-e-parkaar hay
Zindagi kee tah main sargirdaan hay tu, Hairaan hoon main
Tu farozaan mehfil-e-hasti main hay, sozaan hoon main
Main rah-e-manzil main hoon, tu bhii rah-e-manzil main hay
Teri mehfil main jo khamoshi hay, meray dil main hay
Tu talab khu hay tau mera bhii yehi dastoor hay
Chaandni hay noor tera, Ishq mera noor hay
Anjuman hay ik meri bhii jahaan rehtaa hoon main
Baz'm main apni agar yaktaa hay tu, tanhaa hoon main
Mehr ka partau teray haq main hay peghaam-e-ajal
Mehv kar deta hay mujh ko Jalwah-e-Husn-e-azal
phir bhii aey Maah-e-Mubeen! Main aur hoon tu aur hay
Dard jiss pehloo say Utthta ho woh pehloo aur hay
Garchay main zulmat saraapaa hoon, saraapaa noor tu
**Senkrroon manzil hay zoq-e-aagahi say dooor tu
Jo meri hasti ka maqsad hay mujhay maaloom hay
Yeh chamak woh hay, Jabeen jiss say teri mehroom hay**
Re: 9 TH NOVEMER - YAUM E IQBAL
This ghazal of Iqbal is taken from Baal-e-Jibreel...
Kiyaa Ishq aik zindagi-e-Musta'ar kaa!
Kiyaa Ishq paaeydaar say naa paaeydaar kaa!
Woh ishq, jiss kee sham'a bujhaa day ajal kee phoonk
Uss maiN mazaa nahiN tapish-O-intezaar kaa
Meri bisaat kiya hay? tub-O-taab-e-yak naf's
Sho'la say bay meh'l hay Ulajhna sharaar kaa
Kar pehlay mujh ko zindagi-e-JawedaaN Ataa!
Phir zoq-O-shoq dekh dil-e-bay qaraar kaa!
KaaNTa woh day kay jiss kee khaTTak laa zawaal ho
Yaa rabb woh dard jiss kee kassak laa zawaal ho
Re: 9 TH NOVEMER - YAUM E IQBAL
This one is particularly one of my favorites too... The real and true definition of what Life actually is according to the CREATOR of life is beautifully depicted by The Poet of the east Sir. Muhammad Allama Iqbal in His book Baal-e-Jibreel
Zindagi
*
Bar tar az andesha-e-sood-O-ziyaan hay Zindagi
Hay kabhi Jaan aur kabhi tasleem-e-jaan hay Zindagi
Tu issay Paimaana-e-Imroz-O-fardaa say naa naap
Javedaan, Pehamm dawaan, Har damm jawaan hay Zindagi
Apni dunyaa aap peda kar agar zindoun main hay
Siir-e-Adam hay, zameer-e-kun fikaan hay Zindagi
Zindagaani ki haqeeqat Koh-kunn kay dil say pooch
Joo-e-sher-O-teesha-O-sang-e-giraan hay Zindagi
Bandagi main ghatt kay reh jaati hay ik joo-e-kamm aab
aur aazaadi main behr-e-bay karaan hay Zindagi
Aashkaaraa hay yeh apni quwwat-e-taskheer say
garchay ik mitti kay paikar main nihaan hay Zindagi
Qulzum-e-Hasti say Ubhraa hay tu maanind-e-Hubaab
Iss ziyaan khaanay main teraa imtehaan hay Zindagi *
< this is my one of the favorites after second shair]*
Khaam hay jubb tukk tu hay mitti kaa aik an(m)baar tu
Pukhtaa ho jaaey tau hay shamsheer-e-bay zanhaar tu
Ho sadaqat kay liyeh jiss dill main marnay ki tarrap
Pehlay apnay paikar-e-khaaki main jaan paidaa karay
Phoonk daalay yeh zameen-O-aasmaan paida karay
Aur khaakistar say aap apna jahaan paida karay
Zindagi ki quwwat-e-pinhaan ko kar day aashkaar
Taa yeh chingaari farogh-e-javedaan paida karay
Khaak-e-mashriq par chamak jaaey misaal-e-aaftaab
Taa bidakhshaan phir wohi La'al-e-giraan paida karay
Soe-e-girdoon naala-e-shabgeer kaa bhaijay safeer
Raat kay taaroun main apnay raazdaan paida karay
Yeh Gharri Mehshar kee hay tu arsa-e-mehshar main hay
Paish kar ghaafil, Amal koie agar daftar main hay
*
Re: 9 TH NOVEMER - YAUM E IQBAL
MaiN soee jo ik shab tau dekha yeh khuaab
BaRRha aur jiss say meraa izteraab
Yeh dekha kay maiN jaa rahi hooN kahiN
Andhera hay aur rah milti nahiN
Laraztaa thaa dar say mera baal baal
Qadam ka thaa dehshat say uTThna muhaal
Jo kuch hosla paa kay aagay baRRhi
Tau dekha qataar ik laRRkouN ki thee
Zamarrud sii poshaak pehnay huay
Diye sub kay haathouN maiN jaltay huay
Woh chup chaap thay aagay peechay rawaaN
Khudaa jaanay jaanaa thaa unn ko kahaaN
Issi soch maiN thee kay mera pis'r
Mujhay iss jama'at maiN aaya nazar
Woh peechay thaa aur taiz chaltaa naa thaa
Diya uss kay haathouN maiN jaltaa naa thaa
Kahaa maiN nay pehchaan kar meri jaaN
Mujhay choRR kar aa gaye tum kahaaN?
Judaaie maiN rehti hooN maiN bay qaraar
Pirotii hooN roz ashkouN kay haar
Na parwaa hamaari zara tum nay kee
gaye choRR, acchi wafa tum nay kee
Jo bacchay nay dekha mera pech-O-taab
Diya uss nay moonh pher kar youN jawaab
Rulaati hay tujh ko judaaie meri
NahiN iss maiN kuch bhee bhalaaie meri
Yeh keh kar woh kuch dair tukk chup rahaa
Diyaa phir dikhaa kar yeh kehnay laggaa
Samajhti hay tu ho gayaa kiyaa issay?
Teray Aansoo'ouN nay bujhaayaa issay
Re: 9 TH NOVEMER - YAUM E IQBAL
Khudaa say hus'n nay ik roz yeh sawaal kiyaa
JahaaN maiN kiouN na mujhay tu nay laazawaal kiyaa?
Millaa jawaab kay tasveer khaanaa hay duniyaa
Shabb-e-daraaz ad'm kaa fassaanaa hay duniyaa
Huee hay rang-e-taghaiuur say jub namood iss kee
Wohi haseeN hay haqeeqat zawaal hay jiss kee
KahiN qareeb thaa, ye guftugu qamar nay sunee
Falak pay aamm huee, Akhtar-e-seh'r nay sunee
Seh'r nay taaray say sunn kar sunaaie shabnam ko
Falak kee baat bataa dee zameeN kay mehramm ko
Bhar aaye phool kay aansoo piyaam-e-shabnam say
kali ka nanhaa saa dil khoon ho gayaa ghamm say
Chaman say rotaa huaa Mosam-e-Bahaar gayaa
Shabaab sair ko aayaa thaa, sogwaar gayaa
--Dr. Sir Muhammad Allama Iqbal
Re: 9 TH NOVEMER - YAUM E IQBAL
[thumb=A]0title.JPG[/thumb]
[thumb=A]1-1-1.JPG[/thumb]
[thumb=A]1-1-2.JPG[/thumb]
[thumb=A]1-2-1.JPG[/thumb]
[thumb=A]1-2-2.JPG[/thumb]
[thumb=A]1-3.JPG[/thumb]
[thumb=A]1-4.JPG[/thumb]
[thumb=A]1-5.JPG[/thumb]
[thumb=A]1-6-1.JPG[/thumb]
[thumb=A]1-6-2.JPG[/thumb]
[thumb=A]1-7.JPG[/thumb]
[thumb=A]1-8-1.JPG[/thumb]
[thumb=A]1-8-2.JPG[/thumb]
[thumb=A]1-8-3.JPG[/thumb]
[thumb=A]1-9-1-1.JPG[/thumb]
[thumb=A]1-9-2-1.JPG[/thumb]
[thumb=A]1-9-2-2.JPG[/thumb]
[thumb=A]1-9-2-3.JPG[/thumb]
[thumb=A]1-9-3-1.JPG[/thumb]
[thumb=A]1-9-3-2.JPG[/thumb]
Re: 9 TH NOVEMER - YAUM E IQBAL
Na Tu Zameen kay liyeh hay, na aasmaan kay liyeh
**
Na Tu Zameen kay liyeh hay, na aasmaan kay liyeh
Jahaan hay teray liyeh, tu nahin jahaan kay liyeh
Yeh aql-O-dil hain shara'r shola-e-mohabbat kay!
Woh khaar-O-khass kay liyeh hay, yeh neestaan kay liyeh!
Muqaam-e-parvarish-e-Aah-O-naalaa hay yeh chaman
Na sair-e-gul kay liyeh hay, naa aashiyan kay liyeh
Rahay gaa Raavi-O-Neel-O-Firaat main kabb takk?
Tera safeena kay hay Behr-e-Bay karaan kay liyeh
Nishaan-e-Rah dikhaatay thay jo sitaaroun ko
Tarass gaye hain kissi mard-e-Rah daan kay liyeh!
Nigah-e-Buland, Sukhan dil nawaaz, Jaan pur soz!
Yehi hay rakht-e-safar meer-e-kaarwaan kay liyeh
Zara si baat thee, andesha-e-Ajam nay ussay
Barrha diyaa hay faqat zaib-e-daastaan kay liyeh
Meray Guloo main hay Ik Naghma-e-Jibraeel-e-Aashoob
Sanbhaal kar jissay rakhaa hay la makaan kay liyeh
**
--Dr. Sir Muhammad Allama Iqbal
<!-- / message -->
Re: 9 TH NOVEMER - YAUM E IQBAL
Taken from Baang-e-Dara by the Poet of The East, Thinker of Pakistan Dr. Sir Muhammad Allama Iqbal:
Tuloo-e-Islam
*
Daleel-e-Subuh-e-roshan say sitaaroun kee tunak taabi
Ufq say aaftab ubhra, gaya daur-e-giraan khuaabi
*
*Urooq-e-murda-e-mashriq main khoon-e-zindagi daurra
Samajh saktay nahin iss raaz ko Seena-O-Faraabi
*
*Musalmaan ko musalmaan kar diyaa toofan-e-maghrib nay
talaatum haaey daryaa he say hay gohar kee seraabi
*
*Ata momin ko phir dargah-e-haq sat honay waala hay
Shikwa-e-turkamani, Zehn-e-Hindi, Nutq-e-A’araabi
*
*Asar kuch khuaab kaa ghunchoun main baaqi hay tau aet bulbul
“nuaara talkh turmi zan choo zouq-e-naghma kam yaabi”
*
*Tarrap sehn-e-chaman main, Aashiyaan main, shaakhsaaroun main
Judaa paaray say ho sakti nahin taqdeer-e-seemabi
*
*Woh chashm-e-pak been kioun zeenat-e-bargistawaan dekhay
Nazar aati hay jiss ko mard-e-ghazi kee jigar taabi
*
*Zameer-e-Laala main roshan charaagh-e-aarzu kar day
Chaman kay zarray zarray ko Shaheed-e-Justuju kar day
*
*sarishk-e-chashm-e-muslim main hay neesaan ka asar peda
Khalilulah(A.S) kay darya main houn gey gohar peda
*
*Kitaab-e-millat-e-baiza ki phir sheeraza bandi hay
Yeh shaakh-e-haashmi karnay ko hay phir barg-o-bar peda
*
*rabood aan turk-e-sheeraazi dil-e-tibreez-o-kabul raa
Saba karti hay Boo-e-gul say apna hamm safar peda
*
*Agar Usmaanioun par koh-e-gham toota tau kiya gham hay
kay khoon-e-sad hazar anjum say hoti hay Seh’r peda
*
*Jahaanbaani say hay dushwaar-tar kaar-e-jahaan beeni
Jiger khoon ho tau chashm-e-dil main hoti hay nazar peda
*
*Hazaaroun saal Nargis apni bay noori pay roti hay
barri mushkil say hota hay chaman main deeda war peda
*
*nuaa-e-pera ho aey bulbul kay ho teray tarannum say
kabootar kay tan-e-naazuk main Shaheen ka jigar peda
*
*teray seenay main hay posheeda raaz-e-zindagi keh day
Musalmaan say hadees-e-soz-o-saaz-e-zindagi keh day
*
*Khuda-e-lam yazil dast-e-qudrat tu, zubaan tu hay
Yaqeen peda kar aey ghafil kay maghloob-e-gumaan tu hay
*
*Paray hay charkh-e-neeli faam say manzil musalmaan ki
Sitaaray jiss kee gird-e-rah hon, woh kaarwaan tu hay
*
*Makaan faani, makeen aani, az’l tera, abad tera
Khuda kaa aakhiri pegham hay tu, javedaan tu hay
*
*Hina band-e-Uroos-e-Laala hay khoon-e-jiger tera
Teri nisbat baraaheemi hay maymaar-e-jahaan tu hay
*
*Teri fitrat ameen hay mumkinaat-e-zindagani ki
Jahaan kay johar-e-Muzmar ka goyaa imtehaan tu hay
*
*Jahaan-e-Aab-O-gil say Aalam-e-Javed ki khaatir
Nubuwat saath jiss ko lay gaie, woh armaghan tu hay
*
*Yeh nukta sargazisht-e-Millat-e-Beza say hay peda
Kay aqwaam-e-zameen-e-Asia kaa paasbaan tu hay
*
*Sabaq phir parrh sadaqat ka, adaalat ka, shuja’at ka
Liyaa jaey gaa tujh say kaam dunyaa ki imaamat ka
*
*Yehi maqsood-e-fitrat hay, yehi ramz-e-musalmani
Ukhuwat ki jahaangeeri, Mohabbat ki faraawani
*
*Butaan-e-rang-O-khoon ko torr kar millat main gumm ho jaa
Na toorani rahay baaqi, na Irani, na Afghani
*
*Miyaan-e-shakhsaraan Sohbat-e-Murgh-e-chaman kab takk
Tera baazu main hay parvaaz-e-Shaheen-e-Qehstaani
*
*Gumaan Aabaad hasti main yaqeen mard-e-musalmaan ka
Bayaabaan ki shabb-e-taareek main qindeel-e-rehbaani
*
*Mittaya Qaisar-O-Kisra kay istabdaad ko jiss nay
Woh kia thaa? zor-e-Haider, faqr-e-Bu zar, sidq-e-Salmani 
*
*Huvay ahraar-e-millat Jadah-o-pemaa kiss tajjammul say
Tamaashaie shigaaf-e-dar say hain sadiyon kay zindaani
*
*Sabaat-e-zindagi Iman-e-mohkam say hay dunya main
Kay Almani say bhi Paaindah tar nikla hay Toorani
*
*Jubb iss angarah-e-khaaki main hota hay yaqeen peda
Tau kar laita hay yeh baal-O-par Rooh-ul-Ameen peda
*
*Ghulaami main naa kaam aati hain shamsheerain na, tadbeerain
Jo ho zoq-e-yaqeen peda tau katt jaati hain zanjeerain
*
*Koie andazah kar sakta hay uss kay zor-e-baazu ka?
Nigah-e-mard-e-momin say badal jaati hain taqdeerain
*
*Wilayat, paadshahi, Ilm-e-ashiya ki jahaangeeri
Yeh sub kia hain? faqat aik nukta-e-iman ki tafseerain
*
*Baraaheemi nazar peda magar mushkil say hoti hay
Havis chup chup kay seenoun main banaa laitee hain tasveerain
*
*Tameez-e-bandah-o-aaqa fasaad-e-aadmiyat say hay!
Khudraaey cheera-e-dastaan sakht hain fitrat ki ta’azeerain
*
*haqeeqat aik hay har shay ki khaaki ho kay noori ho
Lahu khursheed ka tapkay agar zarray ka dil cheerain
*
*Yaqeen mohkam, amal peham, mohabbat faata’hay aalam
Jihad-e-zindagaani main hain yeh mardoun ki shamsheerain
*
*Chay bayad mard-e-raa taba’a-e-bulanday, mushrab-e-naabay
Dil-e-garmay, nigah-e-pak beenay, jaan-e-bay taabay
*
*Uqaabi shaan sayjhapatt tay thay jo, bay baal-o-par niklay
Sitaaray shaam kay khoon-e-shafaq main doob kar niklay
*
*huvay madfoon-e-daryaa, zer-e-darya ternay waalay
Tamaanchay moj kay khaatay thay jo, ban kar gohar niklay
*
*Ghubaar-e-rah guzar hain, Keemiya par naaz thaa jin ko
Jabeenain khaak par rakhtay thay jo, akseer gar niklay
*
*Hamaara narm ro qasid payaam-e-zindagi laayaa
Khabar deti theen jin ko bijliyaan, woh bay khabar niklay
*
*Haram ruswaa huvaa, peer-e-haram ki kam nigaahi say
Jawaanaan-e-tataari kiss qadar sahib-e-nazar niklay
*
*Zameen say nooriyaan-e-aasmaan parvaaz kehtay thay
Yeh khaaki zindah tar, paaindah tar, tabindah tar niklay
*
*Jahaan main ahl-e-iman soorat-e-khursheed jeetay hain
**Idhar doobay, udhar niklay, udhar doobay, idhar niklay
*
*Yaqeen afraad ka sarmaaya-e-ta’ameer-e-millat hay
yehi quwwat hay jo soorat gar-e-taqdeer-e-millat hay
*
*Tu raaz-e-kun fikaan hay, apni aankhoun par ayaan ho jaa
Khudi kaa raazdaan ho jaa, Khuda ka tarjumaan ho jaa
*
*Havis nay kar diyaa hay tukrray tukrray No’-e-Insaan ko
Ukhuwat ka bayaan ho jaa, Mohabbat ki zubaan ho jaa
*
*Yeh hindi, woh khuraasani, yeh Afghani, woh toorani
Tu aey sharmindah-e-saahil uchal kar bay karaan ho jaa
*
*Ghubaar aaloodah-e-rang-o-nasab hain baal-o-par teray
Tu aey murgh-e-haram urrnay say pehlay pur fishaan ho jaa
*
*Khudi main doob jaa ghafil! yeh sirr-e-zindagaani hay
Nikal kar halqa-e-shaam-o-seh’r say javidaan ho jaa
*
*Musaaf-e-zindagi main seerat-e-folaad peda kar
Shabistaan-e-mohabbat main Hareer-O-pur niyaan ho jaa
*
*Guzar jaa ban kar sel-e-tandoor Koh-o-bayaabaan say
Gulistan rah main aaey tau Joo-e-naghma khuaan ho jaa
*
*Teray ilm-o-mohabbat ki nahin hay intehaa koie
Nahin hay tujh say barrh kar saaz-e-fitrat main nava koie
*
*Abhi tuk admi said-e-zaboon-e-shehr yaari hay
Qiyamat hay kay Insaan No’-e-Insaan ka shikaari hay
*
*Nazar ko khirah karti hay chamak tehzeeb-e-haazir ki
Yeh sannaae’e magar jhootay nigoon ki rezah kaari hay
*
*Woh hikmat, naaz thaa jiss par khirad mandaan-e-Maghrib ko
Havis kay panjah-e-khooneen main taigh-e-kaar zaari hay
*
*Taddabur ki fusoon kaari say Mohkam ho nahin saktaa
Jahaan main jiss tammaddun ki binaa, sarmaayaa daari hay
*
*Amal say zindagi banti hay jannat bhi jahannum bhi
Yeh khaki apni fitrat main na noori hay naa naari hay
*
*Khuroosh aamoz-e-bulbul ho girah ghunchay ki waa kar day
Kay tu iss gulistaan kay waastay baad-e-bahaari hay
*
*Phir utthi Asia kay dil say chingaari mohabbat ki
Zameen jolaangah-e-atlas Qubayaan-e-ta’taari hay
*
*Biya peda khareedar ast jaan-e-naa tawaanay raa
“Pus az muddat guzaar uftaad barmaa kaarwaanay raa”
*
*Biya saaqi nuaaey murgh-e-zaar az shaakhsaar aamad
Bahaar aamad, nigaar aamad, nigaar aamad, qaraar aamad
*
*Kasheed ab’r-e-bahaari khaima andar waadi-o-sehra
Sadaa-e-Aabshaaraan az faraaz-e-kohisaar aamad
*
*Sirat gardum tohum qaanoon-e-paisheen saazdah saaqi
Kay khel-e-naghma pardaazaan qataar ander qataar aamad
*
*Kinaar az zaahidan bar geer-o-bay baakaana saaghir kush
Pus az muddat azeen shaakh-e-koh’n baang-e-hazaar aamad
*
*Ba mushtaqaan-e-Hadees-e-Khuwaja(S.A.W)-e-Bad’r-O-Hunain Aawar
Tassaruff haaey Pinhaan nash ba chashm-e-aashkaar aamad
*
*Digar shaakh-e-Khaleel (A.S) as khoon-e-maan manaak megardud
B’ba zaar-e-mohabbat naqd-e-maa kaamil aiyaar aamad
*
*Sar-e-khaak-e-Shaheeday barg haaey Laala mi paasham
Kay khoonish baa nihaal-e-millat-e-maa saaz gaar aamad
*
“Baya taa Gul-e-baynafshaa Neem-O-May dar-e-saaghar andaazayam
Falak raa saqaf bashgaa feem-O-tarah-e-deegar andaazayam”