zulm ke paaoN se jo phool masal jaate haiN ..

Arts & Culture Poetry ( Intikhaab & Sho'ra-e-Gupshup)
1
zulm ke paaoN se jo phool masal jaate haiN .. Khaar ban kar wohi patthar pe nikal aate haiN ..

phir bahaaroN ki zaroorat nahi rehti un ko ..
ye KhizaaN main bhi bari shaan se khil jaate haiN ..

GuNchey wo, milti nahi aaghoosh jinhaiN ..
wohi mit’tey haiN to keechar main kamal aate haiN

DubDubaai hui aankhoN main na aankhaiN daalo ..
in main toofaan haiN chherey se machal jaate haiN ..

wo jo kal raunaq-e-faanoos thi aiwaaN ke liye ..
aaj us shammaa se aiwaan dehal jaate haiN ..

dhoop thi tez to saaye bhi they peroN ke taley ..
is ke Dhalatey hi ruKh in ke bhi badal jaate haiN ..

hamney samjhaa hai zamaane ko bari der ke baad ..
ye wo Khanjar haiN jo apano pe bhi chal jaate haiN ..

hamko aataa nahi zaKhmoN ki numaaish karnaa ..
Khud hi rotey haiN taraptey haiN behaal jaate haiN ..

jo samajhtey haiN hawabis ko khilonoN ki tarhaaN ..
un se toofaan bhi bach-bach ke nikal jaate haiN ..

azm-waale kabhi himmat nahi haaraa kartey ..
ashk ‘Azra’ ke ye keh keh ke sambhal jaate haiN ..

by
Azra Adil Rashid

2

Re: zulm ke paaoN se jo phool masal jaate haiN ..

that’s a beauty:k:…thanx for sharing :slight_smile:

3

very very nice :k:

4

Re: Re: zulm ke paaoN se jo phool masal jaate haiN ..

azm-waale kabhi himmat nahi haaraa kartey .. ashk 'Azra' ke ye keh keh ke sambhal jaate haiN ..
hamney samjhaa hai zamaane ko bari der ke baad .. ye wo Khanjar haiN jo apano pe bhi chal jaate haiN

:k: thanks 4 sharing…:slight_smile:

5

bhut zaberdast :k:
thxs 4 sharing :slight_smile:

6

Buhat Khoob ,Azam#1 Thanks for sharing:)

7

hamko aataa nahi zaKhmoN ki numaaish karnaa ..
Khud hi rotey haiN taraptey haiN behaal jaate haiN ..

Awesome Azam. Nice ghazal.

8



Nice Selection Azam!
and also nice signatures!

~* Jab Bahar aai to, sehra ki taraf chal nikla ~
~ fasley Gul choor gaya, dil mera pagal nikla *~