YuN to guzar raha hai har aik pal khushi ke saath
Phir bhi koi kammi si hai kyoN zindagii ke saath …
Rishtey, WafaaeiN, dosti, sabb kuch to paas hai
Kya baat hai pata nahiN dil kyoN udaas hai…
Har lamhaa hai haseen nayi dil-kashi ke saath
Phir bhi koi kammi si hai kyoN zindagi ke saath…
Chahat bhi hai, sukoon bhi hai, dilbarri bhi hai
AaNkooN mai khwaab bhi haiN labooN pe hansi bhi hai…
Dil ko nahiN hai koi shikayat kisi ke saath
Phir bhi koi kammi si hai kyoN zindagi ke saath…
Socha tha jaisa, waisa hi jeevan to hai magar
Abb aur kis talaash maiN bechaiN hai nazar…
Qudrat ki to meherbani hai darya dili ke saath
Phir bhi koi kammi si hai kyoN zindagi ke saath…??
