zindagii se Darte ho
zindagii to tum bhii ho, zindagii to ham bhii hain
aadamii se Darte ho
aadamii to tum bhii ho aadamii to ham bhii hain
aadamii zubaaN bhii hai, aadamii bayaaN bhii hai
is se tum nahiin Darte
harf aur maanii ke rishte haaye aahan se aadamii hai vaabastaa
aadamii ke daaman se zindagii hai vaabastaa
is se tum nahiin Darte
ankahii se Darte ho
jo abhii aaii nahiin us ghaDii se Darate ho
us ghaDii ke aane kii aagahii se Darate hi
pahale bhii to guzare hain
daur naarasaaii ke beriyaa Khudaaii ke
phir bhii ye samajhate ho, hech aarzuumandii
ye shab zubaaNbandii, hai rahe Khudaawandii
tum yahii samajhate ho, tum magar ye kyaa jaano
lab agar nahiin hilte haath jaag uThate hain
haath jaag uThate hain raah kaa nishaan ban kar
nuur kii zubaaN ban kar
haath bol uThate hain subah kii azaaN ban kar
roshnii se Darte ho
roshnii to tum bhii ho, roshnii to ham bhii hain
roshnii se Darte ho
shehar kii fasiilon par
dev kaa jo saayaa thaa, paak ho gayaa aaKhir
raat kaa libaada bhi
chaak ho gya aakhir khaak ho gyaa aakhir
az_dahaam-e-insaaN se fard kii navaa aaii
zaat kii sadaa aaii
raah-e-shauq men jaise raahro ka KhuuN lapake
ik nayaa junuuN lapake
aadamii chhalak uThe
aadamii haNse dekho, shahar phir base dekho
tum abhii se Darte ho
haa.N abhii to tum bhii ho, haa.N abhii to ham bhii hai.n
tum abhii se Darte ho
tum abhii se Darte ho