zindagi se darte ho

Arts & Culture Poetry ( Intikhaab & Sho'ra-e-Gupshup)
1

Zindagi se Darte ho

Zindagi se darte ho

Zindagi to tum bhi ho

Zindagi to hum bhi hain

Aadmi se darte ho

Aadmi to tum bhi ho

Aadmi to hum bhi hain

Tum abhi se darte ho

Aadmi zabaan bhi hai

Aadmi bayaan bhi hai

Harf aur maani ke rishta haaye aahan se

Aadmi hai waabasta

Aadmi ke daaman se zindagi hai waabasta

Us se tum nahi darte ho

Ankahi se darte ho

Jo abhi nahi aayi

Us gharri ki aamad ki

Aagahi se darte ho

Tum abhi se darte ho

Pehle bhi to guzre hain

Daur na rassai ke

Be-riya khudaai ke

Phir bhi yeh samajhte ho

Hech aarzumandi

Yeh shab e zubaan bandi

Hai rah e khudaawandi

Tum yehi samajhte ho

Tum mager yeh kya jaano

Lab agar nahi hilte

Haath jaag uthte hain

Haath bol uthte hain

Subh ki azaan ban kar

Roshni se darte ho

Roshni to tum bhi ho

Roshni to hum bhi hain

Tum abhi se darte ho

Raah- e- shauq mein jaise

rahru ka khoon lapke

Ek nayaa junoon lapke

Aadmi chhalak uthe

Aadmi hanse dekho

shaher phir base dekho

Tum abhi se darte ho

2

Re: zindagi se darte ho

3

Re: zindagi se darte ho

my ever time fav poetry.

4

Re: zindagi se darte ho

Logon ko maut se dertay suna thaa :O

5

Re: zindagi se darte ho

Ussey bhi darte hain ...

6

Re: zindagi se darte ho

der er ke ji rahey hain sab...

7

Re: zindagi se darte ho

kisi form ka dar hur insan mai hota hai....bohot kum hotay hain jo ba-zahir ni-dar lagte hain.