**Zindagi Purtaab Rehne Do
Ratjagon Ka Azaab Rehne Do
Zikar Chedo Wisaal Ka Ab To
Hijar KA Iztaraab Rehne Do
Itna Kaafi Hai Tum Humare Ho
Doosron Ko Janaab Rehne Do
Koi Taabeer Ho Na Ho Un Ki
Meri Ankhon Mein Khwaab Rehne Do
Tum Se Sailaab Ruk Nahi Sakte
Bastiyaan Zer-Aab Rehne Do
Tum Khazaan Ka Paighaam Laaye Ho
Phir Bi Ek Do Gulaab Rehne Do
Ab Na Ulto Naya Waraq Koi
Band Gham Ki Kitaab Rehne Do…!!!**
