zindagi ki raahoon main
baarha yeh daikha hai
sirf sun nahi rakha
khud bhi aazmaya hai
tajarboon say sabit hai
jo bhi parhtay aiy hain
is ko theek paya hai
manziloon say pehlay hi
saath choot jatay hain
loog rooth jatay hain
yeh tumhain bata doon main
chahaton kay rishtoon main
phir gir’rah nahi lagti
lag bhi jaiy to is main
wo kashish nahi rehti
aik pheeka pheeka sa
raabta to hota hai
taazgi nahi rehti
rooh kay taluq main
zindagi nahi rehti
baat wo nahi bunti
doosti nahi rehti
laakh baar mil kar bhi
dil kabhi nahi miltay
zehan kay jharookoon main
titliyoon kay rangoon kay
phool phir nahi khiltay
is liyay main kehta hoon
is tarha ki batoon main
eihtiyaat kartay hain
is tarha ki batoon say
ijtenaab kartay hain.
Re: zindagi ki raahoon main
Bhot theek kehtay ho.
Things can never be the same again. :(