zindagi kay baaray main iss qadar hi jaana hai
hum jahan sey aai hain phir udhar hi jaana hai
jaanay kab hawa aai, aur urra kay lay jai
kiya simtay khud ko jab bikhar hi jaana hai
kitnay rukh badaltay hain, phir bhi saath chaltay hain
raaston ko bhi hum nay humsafar hi jaana hai
lag raha hai yun jaisay farz karliya hum nay
thum hi jai gaa toofan paar utar hi jaana hai
waqt nay diya dhoka, jab bhi hum chalay roka
ab tou sab fasilon ko phaand kar hi jaana hai
quwwat e iradi sey kaam kuch tou bismal~ lay
yun tou job hi hai zindah usko marr hi jaana hai