Zindagi k melay mein
Khavaahishon ke relay mein
Tum se kyaa kahein jaanaa
Is qadar jhamelay mein
Waqt ki ravaanii hai
Bakht kii giraanii hai
Sakht bezamiinii hai
SaKht laamakaanii hai
Hijer ke samandar mein
Takht aur takhtay kii
Ek hii kahaanii hai
Tum ko jo sunaanii hai
Baat go zaraa sii hai
Baat umer bhar kii hai
Umer bhar kii baatein kab
Do ghadii mein hotii hain
Dard k samandar mein
Anginat jaziiray hain
Beshumaar motii hain
Aankh ke dariichay mein
Tum ne jo sajaayaa tha
Baat us diye kii hai
Baat us gilay kii hai
Jo lahuu kii khilvat mein
Chor ban k aataa hai
lafz k fasiilon par
Toot toot jaataa hai
Zindagi say lambii hai
Baat rat-jagay ki hai
Raastay mein kaisay ho
Baat takhaliye ki hai
Takhaliye kii baaton mein
Guftaguu izaafii hai
Pyaar karnay vaalon ko
Ek nigaah kaafii hai
Ho sakay to sun jaao
Ek din akelay mein
Tum say kya kahein jaanaan
Is qadar jhamelay mein