Wo Mushkilon Ko Bhi Aaasanii Mein Daal Deta Haii
Jo doobta Hua Suraj Bhi Nikal Deta Hai
Ye mujhe Ko Sikhayaa Gaya Hai Bachpan Sey
Zikar ALLAH Ka har Musibat Ko Taal Deta Haii.
Re: zikr
Ye mujhe Ko Sikhayaa Gaya Hai Bachpan Sey
Zikar ALLAH Ka har Musibat Ko Taal Deta Haii.
SUBHAN ALLAH
Re: zikr
awwal darze ki batti di hai shayar sab ne...
ek namoona is hunar ka ye bhi hai...gaur farmaiye..
Mai ek aah bharta hun
toh meri maa raat bhar so nahi paati,
uske karodo bachche har raat bhooke sote hain,
tumhara bhagwan,
kya neend ki goliyan leta hai ?
~ Gaurav Solanki
Re: zikr
jab free ho ye sunai ga
Re: zikr
Naaz Khialvi ji ne jitna sundar likha hai utna hi sundar Nusrat Fatel Ali Khan sahab ne gaya hai.
"Akal mai jo ghir gaya hai, la-intiha kyunkar hua?
Mai prashn (question) karna chahta hun ki kya andh-shradha (blind faith) ya tarkheenta (irrationalism) hi buddhimata (intelligence) ka parichayak (indicative) rah gaya hai? Yah vichar ki koi mushqilo ko asan bana deta hai, musibat ko taal deta hai, wo madad karta hai, ya wo koi farishta/devdoot bhejta hai, mai nahi maanta balki mai ise bevakoofi samajhta hun. Peshawar ke school ke bachcho par jab
goliya barsai ja rhai thi, hitler ke saturation camp me yahoodiyo ko mara ja raha tha, mumbai blast, gujrat riots, godhra, WTC etc tab kyun nahi suni gai dua/prarthna/prayer. Mai samajhta hun ki mushqilo ka hal khud dhundna hota hai, kisi farishte ya uparwale ke
bharose rahna niri bevkoofi hai.
“Tum ek gorakhdhanda ho”
Hindu mithak (mythology) ke anusar (according) koi Gorakhnath the jinhone Ganga nadi ko dharti pe lane ka prayas kiya tha, yaha gorakhdhande ka arth kathin karya (difficult task) hota hai. God ek gorakhdhanda hai, Hari anant hari katha ananta (God is endless so His story) yah toh waise hi hua ki hamare purkho (ancestors) ne koi sundar kalpana (creation) kar di
( jo samajh me aa gaya phir wo khuda kyunkar hua? )
yah bhi kah diya ki ise samajhna hamare bas ki baat nahi hai. isliye use samajhne ka prayas bhi nahi kiya jaye aur kuchh atarkik (irrational) ya anaypurn (injustice) lage toh yah kah diya jaye ki yah hamare star (level) ki baat nahi hai.
“Har zarre-zarre mai shaan se too jalvanuma hai”
Kuch vidvan kahte hain ki poori duniya par uski satta (huqumat, rule) hai, kya duniya anyay (injustice) se chal sakti hai? mai kahta hun ki chal sakti hai. chal rahi hai ya nahi yah nahi kah sakta, par chali jaroor hai. Angrejo ne annyay poorn shashan (rule) kiya,
hitler jaise bahut huye hain. Ye baat bahut manmohak aur dil ko sukoon dene wali kalpana hai ki ishwar bahut dayalu hai,
har kaam me kuchh achchha hota hai aur wah hamare saath hai. Achcho ki saath hamesha wo hota hai. Agar aisa hi hai toh apne bachcho ko dango (riots), akaalo (famines) me kyun marwa deta hai, tab saath kyun nahi deta. Javed Akhtar sahab ka ek sher yaad aa gaya.
Neki ek din kaam aati hai humko kya samjhate ho,
humne bebas marte dekhe kaise pyare pyare log.
Nastiko (kafiro, atheists) ko bhataka hua bataya gaya hai, kai nastiko ne manavta (humanity) ke liye kaam kiya hai jaise Stephen Hawking, Thomas Edison, Bhagat Singh etc nastik the, agar ye bhataka hua hona hai toh aisa hona meri samajh me galat nahi hai.
ulta nastik hona toh bahut mushqil hai. har bar haarnepar khud ko hi kosna (blame) padta hai, kyonki tab kismat (destiny,luck) nahi hoti kosne ke liye. toh kya aisa nahi ki hum apni suvidha ke liye aur ek sahara talashne ke liye uski kalpana ki. ye toh aap bhi maanenge ki usne kabhi akar aisa nahi kaha ki mai hun.
jab bhi koi God par prashn karta hai toh kai ashthawan (religious, theist) dosto ke hridayo (dil, heart) ko chot pahunchti hai, har bar yahi sunane ko milta hai ki wah bahut dayalu hai, us par prashn mat khade karo. Aap bachcho se kahenge ki Quran, Bible, Vedo me bataya gaya hai ke duniya ka janm (birth) kaise hua aur phir usase kahoge ke school ki kitabo me bigbang, stars, earth, universe ke bare me padho. toh wo kise maanega?
Aapse agrah (request) karta hun ki apna paksh (point of view) rakhein, karan (reason, explaination) dein. Ho sakta hai mujhe kuchh naya seekhne ko mile. Dhanyavad
Re: zikr
سبحان اللہ ۔۔۔۔۔۔۔۔ بہت خوب۔۔۔۔۔۔۔۔۔۔۔۔۔۔۔۔۔۔۔۔