aadaab dosto !
Here is poem Zikr Us Dard ka....apni keemti raay zaroor deejiya chahe aapko pasand na aaye to bhii.. **Ek Anokhi Mulakaat ****Dekh kar uska sundar mukhda, **
**Naach uTha man kaa mayur, **
**Wah bhii hans kar pyar se boli, **
**“Kyon baiTHe ho itnii door? **
**Aaaiye, idhar aa jaaiye, **
**aaraam se baith jaaiye”. **
**Haule haule kadam badhata, **
**pahunch gaya maiN uske paas, **
**Uskii neeli ankhoN meiN, **
**dhoonDh raha tha koi aas. **
**“Jab bhii aate ho, **
**tum itna ghabrate ho, **
**Karke oopar pair, **
**Late kyon nahiN jaate ho” **
**Na weh boli, **
**Na maiN bola, **
**Usne kiya isharaa, **
**Maine apna munh khola. **
**Mere oopar jhuk kar phir weh, **
**Lagi jhaank_ne mere munh maiN, **
**Kya bat_laa_ooN kaise toofaaN, **
**Daud rahe they mere man meiN. **
**Halki sii muskaan khila kar, **
**boli, “sab kuchh bigad gaya hai. **
**Peechhe se teesra to bilkul hii sa.D gaya hai.” **
**Bas isi baat ka dar tha mujhko, **
**Socha, “Beta, ho gaya kaam”. **
**Wah phir bhii muskaati boli, **
**“Aa jaayega tumheN aaraam.” **
**“Daant tumhara nikal jaayega, **
**dard bhii saara mi_T jaayega. **
**Mere paas aa gaye ho to, **
**Har sankat ab kat jaayega”. **
**Bholi soorat, sundar kaya, **
**man se kaisi zaalim nikli. **
**Dard ka maara aaya tha maiN, **
**Yeh to daant kii dushman nikli. **
**Uske auzaroN se darta, **
**“Aah” “ooh” karta karta, **
**Daant nikalwana hii pa.Da, **
**marta aakhir kya na karta. **
**Uske gaal haath par chhoote, **
**sihran tan-man meiN ho jaatii, **
**Mujhko ek dilaasaa deti, **
**Weh meethey se muskaati. **
**Daant dard ka maara hooN, **
**Aur dentist ka bhii maara, **
**Uske roop aur yau_van par, **
**dil bhii haara, daant bhii haara. **
**Wah phir boli, **
**“Ab to hans do, dard mitega, **
**Waqt tumhara badal gaya hai, **
**Jisne tumheN sataaya tha, **
**weh daant tumhara nikal gaya hai”. **
**Kaise usse bat_ata maiN, **
**Kaisa usne kehar tha DHaya, **
**Daant mera dukhta thaa baanyaaN, **
Kheench nikaala usne daayaaN !!!
