Zikr-e-Shab-e-Faraq Say Vehshat Usay Bhi Thi,
Meri Tarah Kisi Say Mohabbat Usay Bhi Thi!
Mujh Ko Bhi Shauq Tha Na’ay ChehrooN Ki Deid Ka,
Rasta Badal Kay Chalnay Ki Aadat Usay Bhi Thi!
Us Raat Dair Tak Raha Woh Mahoo-vay-Guftagoo,
Masroof MeiN Bhi Kam Tha, Firaghat Usay Bhi Thi!
Mujh say Bichard Kay Shehar MeiN Ghul-Mil Giya Woh Shaks,
Halan-Kay Shehar Bhar Say Uadavat Usay Bhi Thi!
Woh Mujh Say Barh Kay Zabt Ka Aadi Tha Jee Giya,
Verna Har Ek Sans, Qiyamat Usay Bhi Thi!
Sunta Tha Woh Bhi Sab Say Purani KahaniyaN,
Shayad RafaqatooN Ki Zaroorat Usay Bhi Thi!
Tanha Howa Safar MeiN Tow Mujh Par Khula Yey Bhaid,
Sa’ay Say Piyar Dhoop Say Nafrat Usay Bhi Thi!
