Ek gazal Zigar sahab ki pesh hai:
Gum hamare hi liye hon ye zaroori to nahin
hamne aansoon hi piye hon ye zaroori to nahin
tumko bhi kuchh to judai ne sataya hoga
ham hi mar mar ke jiye hon ye zaroori to nahin
chaak daman jo liye firte hain in logon ne
chaak daman bhi kiye hon ye zaroori to nahin
mudd-a jine ka kuchh aur bhi ho sakta hai
tere waade pe jiye hon ye zaroori to nahin
si liye chaak-e girebaan tera dil rakhna jo tha
chaak dil ke bhi siye hon ye zaroori to nahin
hameen hon unke liye ye to zaroori hai magar
wo hamare hi liye hon ye zaroori to nahin
khoon-e-dil se bhi to ho sakti hain surkh aankhein ‘zigar’
hamne sagar hi piye hon ye zaroori to nahin