aik tashnagi thi apne muqadar main kuch na tha
kham bi tehi the shisha wa sagar main kuch na tha
sahil pe the to kitne hi go’har nazar mein they
hum gota’zaan huwey to samandar main kuch na tha
ku’ey talb na ku’ey tamana na aarzo
mere khalos ke pas-e-manzar main kuch na tha
lut’ney ke baad bhi hai fraa’gat ussi tarha
lut’ney se pahle bhi mere ghar main kuch na tha
zehnoon ki aazadi ne tarashe naye khuda
teshe main warna kuch na tha pathar main kuch na tha
gardaab az’tarab tha ya aik moj-e- dard
is k ilawa dil ke samandar main kuch na tha