baar haa hum ko samjhaya
hamaray dil nay yeh keh kar
hazaron ghum mayyassar hain
kayi aur rog hain behtar
nazar ab to nahi ati
koi soorat sanbhalnay ki
zarorat kia thi phir aakhir
mohabbat he ko chunnay ki
kay jiss k wastay hum nay
dil ki aik na maani
hamari ankh k ansoo
ussay lagtay hain bass pani
nahin fursat ussay he jab
hamara dard sunnay ki
zarorat kia thi phir aakhir
mohabbat he ko chunnay ki
rung saray woh zindagi kay
sath apnay he lay gayi hai
sitam jo yeh bhi kum laga to
jatay jatay woh keh gayi hai
nahin hai haq tumhen koi
meray ab khwab bunnay ki
zarorat kia thi phir aakhir
mohabbat he ko chunnay ki
Restored attachments:
… bohat hi khoob 
