Zameen kay sath likha aasman kaghaz par,
Sajaey bethe hain dono jahan kaghaz par.
Sitary, dhool, dhanak, chandni saba likhe,
Bana kay rangon se apna makaan kaghaz par.
Jo tum hamesha hi yuoo baal-o-par tarasho ge,
Parinday likhen ge apni uraan kaghaz par.
Mera wajood usi roz say hai zakham-zada,
Bana kay dekhi thi ik din kamaan kaghaz par.
Tha mushghala hi kuch aesa kay dobna to tha,
Bhanwar me naa’o ruki Baadban kaghaz par.
Chura kay le gia koi mere haroof “HIJAAB”,
Ky ungalion kay mile hen nishaan kaghaz par.