Zalzalay ki Dhool

Arts & Culture Poetry ( Intikhaab & Sho'ra-e-Gupshup)
1

**shaamil hay ab to khushboun main zalzalay ki dhool
urrti hay saari mehfilon main zalzalay ki dhool

kuch kuch sirak gaii hay ana ki chattaan bhi
haayil hay waza’daariyon main zalzalay ki dhool

farhaad ko pahaarr k rezon ki justuju
sheeren k narm gaysoun main zalzalay ki dhool

chehre dikhaaii dete hain khandraat ki tarha
kaise dar aaii aaiinon main zalzalay ki dhool

ik saaniye main mitt gayin aabaad bastiyaan
sadiyon rahe gi saaniyon main zalzalay ki dhool

saif u mulook hay na kahin baansri ki taan
hay sirf ab samaa’ton main zalzalay ki dhool
**

2

Re: Zalzalay ki Dhool

nice.

Any gupsters from jeddah?
3

Re: Zalzalay ki Dhool

farhaad ko pahaarr k rezon ki justuju
sheeren k narm gaysoun main zalzalay ki dhool

Zabardast. Puraane havaalon ko naya rang de kar poet ne kamaal kar dia.
Its sensational 2. Thanx 4 sharing Dani .