**
zalim tha vo aur zulm ki aadat bhi bahut thi
majbur theY ham us se muhabat bhi bahut thi
us but ke sitam sah ke dikha hi diyaa ham ne
go apani tabiyat meiN baGaavat bhi bahut thi
vaaqif hi na tha ramz-e-muhabbat se vo varnaa
dil ke liye thoRi si inaayat bhi bahut thi
yuuN hi nahiN mashhuur-e-zamaanaa mera qaatil
us shaKhs ko is fun meiN maharat bhi bahut thi
kyaa daur-e-Gazal tha ke lahu dil meiN bahut tha
auR dil ko lahu karane ki fursat bhi bahut thi:@:**