zabaaN kholne kii ijaazat nahiiN hai ... meraa ek geet!

Arts & Culture Poetry ( Intikhaab & Sho'ra-e-Gupshup)
1

salaam dosto,
ummeed hai k mizaaj-e-giraamii ba_Khai’r hoNge! :slight_smile:

kuchh ‘arsa qabl mujh par geet likhne kaa bhoot sawaar huaa thaa…kaii geet likhe the magar shaayad yahaN GS par kabhii chaspaaN nahiiN kiye…aaj jasaarat kar rahaa huN…ummeed e qawii hai k aapkii taba’-e-naazuk par baar-e-giraaN na guzregi!

to, geet mulaaHizah farmaaiye:**

mohabbat se mil kar bichhaR jaane_waale
mujhe tujh se koii shikaayat nahiiN hai
:
:
:
reh-e-'aashiqii kaa hai dastuur itnaa
zabaaN kholne kii ijaazat nahiiN hai

jafaaoN ko terii uThaataa huuN dil par
tere 'ishq ke tiir khaataa huuN dil par
:
:
:
magar yeh taRapnaa mujhe bhaa gayaa hai
ki ab yeh musiibat, musiibat nahiiN hai

banaate haiN daryaa mere ashk bah kar
hai tuufaaN mere dil kaa maujoN meN aksar
:
:
:
chamak kyaa hai “Sahbaa_jii” bijlii ke andar
mere 'ishq kii gar karaamat nahiiN hai **

faqat aapkii aaraa, islaah aur hausalah_afzaaii kaa mutamannii,
_______KKF

2

Re: zabaaN kholne kii ijaazat nahiiN hai … meraa ek geet!

WoW very nice… :k:

3

Re: zabaaN kholne kii ijaazat nahiiN hai … meraa ek geet!

thankoo…aap ise zaraa gaa ke to sunaayeN ham sab ko! :slight_smile:

ek Khayaali filam banaa rahaa huN maiN jiskaa naam hai “chor kii daaRhii meN tinkaa”…maiN us filam ke is gaane meN aapkii aawaaz iste’maal karnaa chaahuuNgaa! :slight_smile:

munaasib mo’aavizah milegaa aur naam bhii alaiHdah hogaa! :slight_smile:

4

Re: zabaaN kholne kii ijaazat nahiiN hai … meraa ek geet!

hahahaha woh sb to theek hai,but filam k naam pay mujhy aitraaz hai,naam kamaon b to aisi filam k naam se,:snooty:

5

Re: zabaaN kholne kii ijaazat nahiiN hai … meraa ek geet!

chaliye aapko agar ai’taraaz hai to ham koii duusraa naam rakh dete haiN jaise:

“choohaa bhaag, billi aayii”?

aap hii koii naam suggest kar diijiiye! :slight_smile:

6

Re: zabaaN kholne kii ijaazat nahiiN hai … meraa ek geet!

yeh b koi nam hai :naraz:

koi ‘khubsoorat’ sa naam rakhein,chalein khubsoorat he rakh dein :smiley:

agar manzoor hai to theek hai warna meri taraf se inkaar :snooty:

7

Re: zabaaN kholne kii ijaazat nahiiN hai ... meraa ek geet!

or han plz chajje waali nhi hogi is filam mein :D

8

Re: zabaaN kholne kii ijaazat nahiiN hai … meraa ek geet!

wow! what a great idea! :slight_smile: chaleN to phir Theek hai:

naam hogaa: “Khoobsoorat MunDerwaalii”? Theek hai?

nahiiN nahiiN…vo jab hai hii nahiiN to kaise hogii…uskii jagah munDerwaali hogii! Theek? :slight_smile: :stuck_out_tongue:

9

Re: zabaaN kholne kii ijaazat nahiiN hai … meraa ek geet!

munderaali se matlb samajh a gya ay menu :asa:

is filam se inkaaaaaaar :naraz:

nxt geet post kren kabi,to us k baray mein sochun gi,is k liye abi tym nhi hai :cool:

10

Re: zabaaN kholne kii ijaazat nahiiN hai … meraa ek geet!

lo jii…lagtaa hai koii aur offer aa gayii! chalo miyaaN KKF…usii chhajjewaali ko ruj’uu karte haiN! :smiley: