zaalim thaa vo aur zulm ki aadat bhi bahut thi
majabuur the ham us se muhabbat bhii bahut thi
us but ke sitam sah ke dikhaa hi diyaa ham ne
go apani tabiyat me.n baGaavat bhi bahut thi
vaaqif hi na thaa ramz-e-muhabbat se vo varna
dil ke liye tho.Di si inaayat bhii bahut thi
yuu.N hi nahi.n mashhuur-e-zamaanaa meraa qaatil
us shaKhs ko is fan me.n mahaarat bhii bahut thi
kyaa daur-e-Gazal thaa ke lahuu dil me.n bahut tha
aur dil ko lahuu karane kii fursat bhii bahut thi
har shaam sunaate the hasiino.n ko Gazal ham
jab maal bahut thaa to saKhaavat bhii bahut thi
bulavaa ke ham ‘Ajiz’ ko pashemaa.N bhi bahut hai.n
kyaa kiijiye kam_baKht kii shoharat bhi bahut thi
SJ
2
Re: zaalim thaa vo
yuu.N hi nahi.n mashhuur-e-zamaanaa meraa qaatil
us shaKhs ko is fan me.n mahaarat bhii bahut thi
wah bohat khoob .......!
pk786
3
Re: zaalim thaa vo
wah kya khoob kaha hai shair ne:(
good choice:)
abeeha
4
Re: zaalim thaa vo
yahi dua main karon har baar k pehle din
mere bagher na guzre koi bhi saal us ka.
-alif-
Re: zaalim thaa vo
Bohat He Khoob....................:)