its youm e shauda today
lets dedicate poems to our shaheed soldiers of armed forces
Re: youm e shauda
Azeem Maan Tere Betay Ki Lash Aaye Hai
Khuda Gawah Hai, Shahdat Ki Maut Paye Hai
Azeem Maa Tera Noor E Nazar Shaheed Hua
Khuda Ki Raah Main Tera paseer Shaheed Hua
Khuda Ka Shukar Hai Medaan Say Munh Nahin Mora…
Dahan Pay, Seenay Pay, Baazu Pay Zakhm Khaye Hain
Ke Shair Loat Raha Hai Kachar Ki Janib
Udhu Ka Khoon Piye Hadiyan Chabaye Hue
Tera Shaheed Lahu May Naha K Aaya Hai…!
Qadam Qadam Pe Gulistan Khila Ke Aya Hai…
Hazar Andhian Ayen Who Bujha Nahin Sakti
Lahoo Se Apne Jo Shamaen Jala Ke Aya Hai
Likha Tha Khalid O Tariq Ne Apne Khoon Se Jise
Usi Kitab Ke Safhay Barha Ke Aya Hai..!
Raza E Haq Se Tera Dil Hai Kis Qadar Aabad…..
Azeem Maa Tujhe Sab Mubarik Ho
Jo Dekhta Hai, Adab Se, Woh Sar Jhukata Hai
Tere Shaheed Ka Shahi Jaloos Aata Hai .....Tere Shaheed Ka Shahi Jaloos Aata Hai…!
Re: youm e shauda
Main Aksar Maa Say Kahta Hun
Maa Dua Karna K Tera Ye Beta Khaki Wardi Pahnay
.Seenay Pay Tamgay Sajay Mujahido Ka Sa Noor Liay
Tere Samnay Fakhar Say Khara Ho.
Or Meri Maa Ye Sun Kar Hans Dia Karti Thi.
Kabhi Jo Meri Maa Milay To Usay Kahna.
K Wo Ab Bhi Hansti Raha Kare K Shaheedo Ki Maa'ain Roya Nahi Karti.
Main Aksar Maa Say Kahta Tha.
Us Din Ka Intezar Karna Jab Dharti Tere Betay Ko Pukare Gi.
Or In Azeem Parbato K Darmian Baithay Aasho K Darya Neela Pani
Os Sawat Ki Galyo May Barish K Qatro Ki Tarha Girti Roshni Ki Kirnay Pukare Gi
Or Phr Us Din K Baad.Mera Intezar Na Karna
K Khaki Wardi May Jane Wale Aksar Subz Halali May Lot Kar Atay Hai.
Magar Meri Maa Aj Bhi Mera Intezar Karti Hai.
Ghar Ki Chokhat Par Baith Kar Lamhe Ginti Rahti Hai.
Mere Liay Khana Rakh K Dhakti Hai
.Kabhi Jo Meri Maa Mile To Usay Kahna.
Wo Ghar Ki Chokhat Par Baith Kar Mera Intezar Na Kiya Kare.
Khaki Wardi May Jane Wale Lot Kar Kab Atay Hai
.Main Aksar Maa Say Kahta Tha Yad Rakhna.
Is Dharti K Seenay Par Meri Bahno K Anso Giray Hai.
Mujhe Wo Ansoo Unhain Lotane Hai.
Mere Sathiyo K Sar Katay Gaye Thay Or Unka Laho Matti Ko Surkh Kar Gaya Tha.
Mujhe Miti May Milne Wale Us Khon Ka Karz Utarna Hai
.Or Meri Maa Ye Sun Kar Num Ankhon Say Muskura Dia Karti Thi.
Kabhi Jo Meri Maa Milay To Usay Kahna.
Us K Betay Nay Laho Ka Karz Chuka Dia Tha.
Or Dharti K Baitiyo K Ansoo Chun Liay Thay.
Kabhi Jo Meri Maa Milay To Usay Kahna.
Main Aksar Maa Say Kahta Tha Mera Wada Naa Bhulana.
Jang K Is Maidan May Insanyat K Dushman K Bilmuqabil tera Beta Peeth Nahi Dikhaye Ga.
Or Sari Goliya Seenay Pay Hi Khaye Ga.
Or Meri Maa Ye Sun Kar Tarp Jaya Karti Thi
.Kabhi To Meri Maa Milay To Usay Kahna.
Uska Beta Buzdil Nahi Tha.Us Nay Peeth Nahi Dikhai Thi
Or Sari Goliya Seenay Pay Hi Khai Thi
.Main Aksar Maa Say Kahta Tha.
Tum Fojiyo Say Muhabt Q Karti Ho.
Hum Fojiyo Say Muhabt Na Kiya Karo Maa.
Hamare Janaze Hamaisha Jawan Uthatay Hai.
Or Meri Maa Ye Sun Kar Roo Dia karti Thi.
Kabhi To Tumhain Meri Maa Mile To Usay Kahna.
Wo Fojiyo Say Muhabt Na Kiya Kare.
Darwaze Ki Chokhat Par Baith Kar Mera Intizar Na Kia Kare.
Suno Tum Meri Maa Say Kahna Wo Roya Naa Kare
.Kabhi Jo Meri Maa Mile To Usay Kahna Wo Ab Bhi Hasnti Raha Kare K Shaheedo Ki Maa'ain Roya Nahi Karti.
Re: youm e shauda
*Tum yeh kese kar lete ho...
*
Jis waqt ke bache Aapas mein khelte hain
Tum maut se larrtey rehte ho
Jab maaon ki hath ki garmi se...Jaarray mein dhoop nikalti hai
Tum barf ki poshaakein pehne sardi se larrtey rehte ho
Jab raat ko sab apne apne ghar...Neend ka qarz chukaatey hain
Tum kis ki khaatir jaagtey ho
*Tum yeh kese kar lete ho..
*
Jab bache apne baap ke seeney se lag kar so jayen,
Tum apne battway mein apne bachon ki tasveer ko dekhtey rehte ho
Jab behnein eid’on par bhayiyon ki Nazar utaarein
Tum sehraa’on ki jalti rait per Tum un ki chithhii parhtey ho
Jab lakht-e-jigar ki doori se Maan ki aankh tar ho jaye
Tum us mein bethe sarhad ki nigrani kartey rehte ho
Jab har umeed ki khirrki per Bebasi jaalay bunti ho
Tum aesi tez hawaaon mein Har simt ko urrtay phirtay ho
Tum yeh kese kar lete ho..
Tum is qaum ke saarey gham Apne kese kar lete ho
Har mushkil mein is mitti per marte rehte ho
Tum yeh kese kar lete ho..
Tum yeh kese kar lete ho..
Re: youm e shauda
Tum Faujiyon Se Mohabbat Kyun Karti Ho...
Hum Faujiyon Se Mohabbat Na Kiya Karo, Maan
Hamare Janazey Hamesha Jawaan Uthte Hain
Aur Meri Maan,
Yeh Sun Kar Ro Diya Karti Thi..
Kahin Jo Tumhen Meri Maan Miley,
Tou Usey Kehna,
Woh Faujiyon Se Mohabbat Na Kiya Kare...
Darwazey Ki Chokhat Per Beth Kar,
Mera Intizar Na Kiya Kare,
Tum Meri Maan se Kehna,
Woh Roya Na Kare...........
Re: youm e shauda
Maan Achi Tarah Tyar Karna, Aj Mera Akhri Din Hai...
Bohat Sa Pyar Karna, Aj Mera Akhri Din Hai,
Sabhi Behno Ki Muhabbat Aaj Muje hi Ko Dey Do,
Dil-o-Jaan Nisaar Karna, Aj Mera Akhri Din Hai...
Abbu hai, Ammi hai,Behan Bhai hain Saare
Mujhko Na Shumar Karna, Aj Mera Akhri Din Hai...
Tumhay Staya, Tumhay Rulaya, Bohat Dukh diye hai tum ko,
Mujhe Maaf Meray Yaar Karna, Aj Mera Akhri Din Hai...
Main Chala KHUDA HAFIZ, Phir Milay Gey Jannat mein
Maan Akhri Baar Pyar Karna,Aj Mera Akhri Din Hai...
Aj Mera Akhri Din Hai...........
Re: youm e shauda
Aye rahe haq k shaheedo…
chale jo hoge shahadat ka jaam peeker tum
Rasool-e-Pak ne banhoon main leliya hoga
Ali tumhari shuja’at pay jhomte honge
Husain paak ne irshad yeh kya hoga
tumnhe Khuda ki razain salam kehti hain
Aye rahe haq k shaheedooo
janab-e- fatima jigre Rasool k agaye
shaheed hoke kya ma’an ko surkhuro tumne
janab-e-hazrat-e-zainab gawahi deti hain
yehi to rakhi hai behnon ki aabro tumhee
watan ki betiyan ma’ain salam kehti hain
aye rahe haq k shaheedo wafa ki taswiroo
tumhe watan ki hawain salam kehti hain
aye rahe haq k shaheedooo
Re: youm e shauda
Rang Laye ga Shaheedon ka Lahoo
Yeh Lahoo Surkhi hai Azaadi ke Afsaanay ki
Yeh Shafaq Rang Lahoo
Rang Laaye ga Shaheedon ka Lahoo
Jis ke har Qataray mai Khursheed kyee
Jis ke har Boond mai Ik Subho Nayee
Duur jis Subh-e-Darakhshan se Andhera hoga
Raat kat jai gi Gul Rang Sawera hoga
Rang Laye ga Shaheedon ka Lahoo
Apni Raftar ko ab aur Zara Taiz karo
Apne Jazbat ko Kuch aur Junoo'n khez karo
Aik do Gaam pe ab Manzil-e-Azadi hai
Aag aur Khoo'n ke udhar Amn ki Abaadi hai
Khud ba khud toot ke girti nahi Zanjeer kabhi
Badli jati hai Badalti nahi Taqdeer kabhi
Rang Laye ga Shaheedon ka Lahoo
Jis ke har Qataray mai Khursheed kyee
Jis ke har Boond mai Ik Subho Nayee
Duur jis Subh-e-Darakhshan se Andhera hoga
Raat kat jai gi Gul Rang Sawera hoga
Rang Laye ga Shaheedon ka Lahoo