yeh sheeshay yeh sapnay yeh rishtay yeh dhaagay
kisay kyaa Khabar hai kaha toot jaayain
muhabbat kay dariyaa mein tinakay wafaa kay
na jaanay yeh kis more par Duub jaayain
ajab dil kii bastii ajab dil kii waadii
har ik more mausam naee Khwaahisho kaa
lagaaye hain ham ney bhii sapanon kay pauday
magar kyaa bharosaa yahaa baarishon kaa
muraadon kii manzil kay sapanon mein khoye
muhabbat kii raahon pay ham chal paray thay
zaraa duur chal kay jab aankhain khulee to
karii dhuup mein ham akailay kharay thay
jinhein dil sey chaahaa jinhein dil say puujaa
nazar aa rahay hain vahii ajanabii say
ravaayat hai shaayad yeh sadiyon puraanii
shikaayat nahiin hai koi zindagii say
zabardast:k: hota hai:D