*Mere qaatil ko pukaaro ke mein zinda hoon abhi
Phir se maqtal ko sanwaaro ke mein zinda hoon abhi
Yeh shab-e-hijar tau sathi hai meri barsoon se
Jao so jao sitaaro ke mein zinda hoon abhi
Yeh pareshaan se gaisu nahe dekhay jaatay
Apni zulfoon ko sanwaaroo ke mein zinda hoon abhi
Laakh maujoon mein ghirra hon abhi dooba tau nahe
Mujh ko saahil se pukaaroo ke mein zinda hoon abhi
Qabar se aa bhi ‘Mohsin’ ki aati hai sada
Tum kahaan ho mere yaaroo ke mein zinda hoon abhi …