jab ankh main khwaab damaktay thay
jab dil main daagh chamaktay thay
jab palkaian sheher k raston main
ashkon ka noor lutati thin
jab sansain ujlay chehron ki
tan man main phool khilati thin
jab chand ki rim jhim kirnon say
sochon main bhanwar par jatay thay
jab aik talatum rehta tha
apnay bay anth khayalon main
har ehad niibhanay ki qasmain
sub khoon say likhnay ki rasmain
tab aam thi hum dil walon main
ab apnay bheegay honton par
kuch jaltay bujhtay lafzoon kay
yaqoot pighaltay rehtay hain
ab apni gum sum ankhon main
kuch dhool hai bikhri yadoon ki
kuch gurd alood sa mausum hai
ab dhoop ugalti sochon main
kuch paiman jaltay rehtay hain
ab apnay veeran angan main
jitni subhon ki chandi hai
jitni shamoon ka sona hai
ussko khakistar hona hai
ab yeh batain rehnay dejyay
jiss umer me qissay buntay thay
uss mer ka ghum sehnay dejyay
ab apni ujri ankhon main
jitni roshan si ratain hain
uss umer ki sub soghatain hain
jiss umer main khwaab khayaal huay
woh pichli umer bhi beet gayi
woh umer bitayay saal huay
ab apni deed kay rastay main
kuch rung hain guzray lamhon ka
kuch ashkon ki baratain hain
kuch bholay bisray chehray hain
kuch yadon ki barsatain hain
YEH PICHLAY ISHQ KI BATAIN HAIN
YEH PICHLAY ISHQ KI BATAIN HAIN