tery milnay ka ik lamha!
bss ik lamha sahi…….lekin
bikhar jaey to…….mosam hy
wafa ka be karaa’N mosam
azal sey meharbaa’N mosam
yeh mosam aankh mein utray
to rango’N sy dehakti roshni ka
aks kehlaey……
yeh mosam dil mein thehry to
sunehri, sochti sadio’N ka
gehra naqsh ban jaey…….
tery milny ka ik lamha!
muqaddar ke lakeero’N mein
dhanak bharny ka mosam hy
yeh mosam……….
khoobsurat shairi karny ka mosam hy
MOHSIN NAQVI from “Khaima-e-Jaa’N”